Agriculture news in Marathi, In Muktainagar, BJP looks for a new candidate | Agrowon

मुक्ताईनगरात भाजप नव्या उमेदवाराच्या शोधात
टीम अॅग्रोवन
गुरुवार, 11 जुलै 2019

जळगाव ः राज्यातील दिग्गज नेत्यांमध्ये गणले जाणारे आणि मुक्ताईनगर (जि. जळगाव) विधानसभा मतदारसंघाचे सहा वेळेस प्रतिनिधित्व करणारे एकनाथ खडसे यांच्या विधानसभा निवडणुकीत भाजपकडील उमेदवारीसंबंधी अनिश्‍चितता आहे. महायुतीत हा मतदारसंघ शिवसेना आपल्याकडे खेचण्याच्या प्रयत्नात आहे. याच वेळी घरकूल प्रकरणामुळे तब्बल साडेचार वर्षे कारागृहात राहिलेले शिवसेना नेते सुरेश जैन हेदेखील जळगाव शहर मतदारसंघातून विधानसभा निवडणूक लढविणार असल्याचे राजकीय वर्तुळात चर्चिले जात आहे. 

जळगाव ः राज्यातील दिग्गज नेत्यांमध्ये गणले जाणारे आणि मुक्ताईनगर (जि. जळगाव) विधानसभा मतदारसंघाचे सहा वेळेस प्रतिनिधित्व करणारे एकनाथ खडसे यांच्या विधानसभा निवडणुकीत भाजपकडील उमेदवारीसंबंधी अनिश्‍चितता आहे. महायुतीत हा मतदारसंघ शिवसेना आपल्याकडे खेचण्याच्या प्रयत्नात आहे. याच वेळी घरकूल प्रकरणामुळे तब्बल साडेचार वर्षे कारागृहात राहिलेले शिवसेना नेते सुरेश जैन हेदेखील जळगाव शहर मतदारसंघातून विधानसभा निवडणूक लढविणार असल्याचे राजकीय वर्तुळात चर्चिले जात आहे. 

खडसे ४० वर्षे सक्रिय राजकारणात असून, एकही निवडणूक ते हरलेले नाहीत. जळगाव जिल्ह्यात जिल्हा सहकारी बॅंक, जिल्हा सहकारी दूध संघावर खडसे समर्थकांचे वर्चस्व आहे. या पंचवार्षिकमध्ये खडसेंकडे महसूल, कृषी आदी महत्त्वाची मंत्रिपदे होती. परंतु भोसरी येथील भूखंड खरेदी व इतर व्यवहारांसंबंधी आरोप झाल्यानंतर खडसे यांना राजीनामा द्यावा लागला. त्यांना अनेक प्रकरणांमध्ये क्‍लीन चिट मिळाली. परंतु मंत्रिमंडळात त्यांची नंतर वर्णी लागली नाही. 

अलीकडेच विधानसभेच्या अधिवेशनात त्यांनी आपल्यावर बाहेरच्या व्यक्तींनी केलेले आरोप व त्यामुळे झालेली राजकीय कारकीर्द यासंदर्भात भावनिक मुद्दे मांडले. शिवाय काय न्याय आहे या राज्यात, असा सवालही केला. ही सगळी पार्श्‍वभूमी लक्षात घेता भाजप मुक्ताईनगर मतदारसंघात खडसे यांना उमेदवारी देणार नसल्याचे सांगितले जात असून, नवीन उमेदवाराचा शोध या मतदारसंघात सुरू झाला आहे. परंतु खडसे यांनी नुकतीच मुक्ताईनगरात आपल्या फार्म हाउसमध्ये भाजप पदाधिकारी, कार्यकर्ते यांची एक बैठक घेऊन आपणच उमेदवार असणार आहोत, असे स्पष्ट केले आहे. यातच खडसे यांच्या परिवारातील व्यक्तीला भाजप उमेदवारी देणार आहे, असेही जिल्हा भाजपमध्ये सांगितले जाते. या सगळ्या स्थितीत जिल्हा भाजपमधील पदाधिकारी मात्र संभ्रमात आहेत. यातच मुक्ताईनगर मतदारसंघ महायुतीत आपल्याकडे खेचण्यासाठी जळगाव शिवसेनेतील काही पदाधिकारी सरसावले आहेत.

जैन अकराव्यांदा रिंगणात
राष्ट्रवादी काँग्रेसच्या नेत्यांशी उघड वैर घेणारे व नंतर घरकूल प्रकरणात कारागृहात जाऊन आलेले शिवसेना नेते सुरेश जैन हे जळगाव शहर मतदारसंघातून अकराव्यांदा निवडणूक लढणार आहे. सात पंचवार्षिक निवडणुका व दोन पोटनिवडणुका असे सलग नऊ वेळेस जैन या मतदारसंघातून विजयी झाले आहेत. १० व्या निवडणुकीत जैन यांना भाजपचे सुरेश भोळे यांनी तब्बल ४० हजारांच्या मताधिक्‍याने पराभूत केले होते. कारागृहातून जैन यांनी ही निवडणूक लढविली होती. शिवसेना, राष्ट्रवादी काँग्रेस व पुन्हा शिवसेना, असा प्रवास जैन यांनी केला असून, राज्य मंत्रिमंडळात दोन वेळेस कॅबिनेट मंत्रिपदी त्यांनी जबाबदारी पार पाडली आहे. मध्यंतरी जैन यांनी राजकीय संन्यास घेणार असल्याचे सांगितले होते. परंतु अलीकडेच कार्यकर्त्यांचा आग्रह लक्षात घेता जैन निवडणूक लढतील, असे जळगाव शहर शिवसेनेतील पदाधिकाऱ्यांनी नुकतेच म्हटले आहे.

इतर ताज्या घडामोडी
सोलापूर जिल्ह्यात `सन्मान`ची पाच लाख...सोलापूर : जिल्ह्यात ‘आठ अ’नुसार असलेल्या ११...
सोलापुरात यंदाही खरीप कोरडाचसोलापूर : खरीप हंगाम सुरू होऊन दीड महिना उलटला....
नाशिक बाजार समितीची सुरक्षा वाढविण्याचा...नाशिक : नाशिक कृषी बाजार समितीत वाढलेल्या...
नाशिक जिल्ह्यात पावसाअभावी फळबागांवर...नाशिक : कळवण, देवळा, मालेगाव, नांदगाव,...
परभणी जिल्ह्यात १३ लघू तलावांतील...परभणी : यंदा पावसाळ्याचा दीड महिन्याचा कालावधी...
टंचाईस्थितीची वस्तुनिष्ठ माहिती सादर...हिंगोली : टंचाईस्थितीत शेतकऱ्यांना आवश्यक ती मदत...
जालना जिल्ह्यात दुधाचे पैसे दोन...जालना : जिल्ह्यातील जामवाडी, गणेशपूर, नळणी, येवता...
औरंगाबाद, जालना, परभणी, हिंगोली...औरंगाबाद  : मराठवाड्यातील शेतकऱ्यांवर...
सांगली जिल्ह्यात पावसाची उघडीपसांगली ः जिल्ह्यात जून आणि जुलैमध्ये झालेल्या...
कंडारी पाणी योजनेतील गैरव्यवहारप्रकरणी...जळगाव ः कंडारी (ता. भुसावळ) येथील ग्राम...
शेततळ्यासाठी शेतकऱ्यांना प्रोत्साहित...नागपूर ः विकासाच्या संकल्पनांमध्ये रस्ते, नाले व...
सातारा जिल्ह्याच्या पूर्व भागातील शेती...सातारा : जिल्ह्यात पश्चिमेकडे दमदार पाऊस, तर...
कापसाच्या हमीभावात ५०० रुपयांनी वाढ...अमरावती   ः राज्याची कमी असलेली कापूस...
दमदार पावसाअभावी पुणे जिल्ह्यातील पूर्व...पुणे  ः जिल्ह्याच्या पूर्व भागातील शिरूर,...
नगर जिल्ह्यात ऐन पावसाळ्यातही...नगर  ः दुष्काळाने होरपळ झालेल्या नगर...
पावसाअभावी धुळे, जळगाव जिल्ह्यांत...जळगाव  ः खानदेशात सुरवातीला पावसाने जोरदार...
नागपूर विभागात पावसाअभावी पिकांची वाढ...नागपूर  ः निम्मा जुलै महिना संपत आला असतानाच...
सांगलीत हळद प्रतिक्विंटल ६००० ते ८९००...सांगली ः येथील बाजार समितीत हळदीची आवक कमी झाली...
भाजपच्या प्रदेशाध्यक्षपदी चंद्रकांत...मुंबई  : भाजपचे ज्येष्ठ नेते, मंत्री...
सुधारित सोयाबीन आंतरपीक पद्धती राज्यामध्ये सोयाबीनच्या क्षेत्रात झपाट्याने वाढ...