agriculture news in marathi, mung crop become loss bearer, Maharashtra | Agrowon

मुगाचे पीक बनले यंदा आतबट्ट्याचे
चंद्रकांत जाधव
मंगळवार, 4 सप्टेंबर 2018

आमच्या भागात मुगाचे काहींना एकरी ५० किलो, काहींना ८० किलो उत्पादन आले. कारण फुले लागली तेव्हा पाऊस नव्हता. फुलगळ झाली. पावसाचा खंड २३ ते २८ दिवस राहिला. उत्पादन घटले. त्यातच खुल्या बाजारात पाच हजार रुपये प्रतिक्विंटलनेही कुणी मूग खरेदीला तयार नाही. बाजार समिती बंदावस्थेत आहे. ही वेगळीच समस्या आहे. उडदाचेही असेच होईल, असे दिसत आहे. 
- किशोर चौधरी, शेतकरी, आसोदा, जि. जळगाव

जळगाव ः खरिपातील इतर पिकांसारखेच मुगाचे पीक यंदा वाढता मजुरी खर्च पावसाच्या लहरीपणामुळे उत्पादनात आलेली घट यामुळे आतबट्ट्याचे ठरले आहे. तापी नदी काठच्या काळ्या कसदार जमिनीत एकरी ८० किलो ते एक क्विंटलही उत्पादन आलेले आहे. त्यातच दराही कमी मिळत असल्याने शेतकऱ्यांना एकरी दीड हजारापर्यंत फटका बसत आहे. 

जे उत्पादन आले आहे, ते हमीभावाच्या तिढ्याने बाजार समित्या बंद असल्याने विकायचे कोठे, हा प्रश्‍नही शेतकरी उपस्थित करीत आहेत. जळगाव जिल्ह्यात कांदेबाग केळीचे उत्पादन घेणाऱ्या चोपडा, जळगाव, यावल भागातील अनेक शेतकरी बेवड म्हणून मुगाची पेरणी करतात. जिल्ह्यात किमान २१ ते २२ हजार हेक्‍टरवर मुगाची पेरणी केली जाते. एकरी किमान तीन ते साडेतीन क्विंटल मुगाचे उत्पादन घेणारी मंडळी या भागात आहे.

यंदा नेमकी पिकाला फुले लगडताच पावसाचा खंड पडला. काही भागात २३ दिवस तर काही गावांमध्ये २७ दिवस पाऊसच नव्हता. फुलगळ झाली. मग नंतर पाऊस आला. त्यात शेंगा जेमतेम भरल्या. त्यांची तोडणी होऊन अनेक ठिकाणी मळणी झाली आहे. मळणी ट्रॅक्‍टरने व्यवस्थित होत नसल्याची स्थिती आहे. कारण पावसामुळे शेंगा अधिकच्या आर्द्रतायुक्त आहेत. काही भागात बारीक दाणे, काळसर दाण्यांच्या तक्रारीदेखील आहेत. 

तापी काठावरील कठोरा (ता. जि. जळगाव) येथील शेतकरी गणेश पाटील यांना पाऊण एकरात ६० किलो मूग मिळाला. ज्या शेतकऱ्यांनी कापसात आंतरपीक म्हणून पेरणी केली होती. त्यांना तर शेंगाच हव्या तशा लागल्या नाहीत. ज्यांनी औत भाडेतत्त्वावर घेतले, फवारण्या केल्या, रासायनिक खते दिली, त्यांना अधिकचे नुकसान सहन करावे लागत असून, एकरी किमान एक ते दीड हजारांचा फटका त्यांना बसला आहे. 

आकडे दृष्टीक्षेपात
मुगाचा उत्पादन खर्च (एकरी)

बियाणे ः ४००
खते - सुमारे १०००
फवारणी - सुमारे ५००
पेरणी खर्च - ६००
तणनियंत्रण - १०००
आंतरमशागत - ८००
शेंगा तोडणे - १०००
मळणी (मजुरांकरवी) - १०००
एकूण खर्च - ६ हजार ३००

 

इतर अॅग्रो विशेष
अचूक आकडेवारीचा काळ आठव्या आंतरराष्ट्रीय कृषी सांख्यिकी परिषदेत...
उद्यापासून हंगाम सुरु, पण ऊसतोड बंदच !मुंबई / पुणे  ः राज्यातील यंदाचा ऊस गाळप...
विदर्भ, मराठवाड्यात गारठा वाढलापुणे   : किमान तापमानात घट होत असल्याने...
खतमाफियांमुळे शेतकऱ्यांची मोठी लूटपुणे : बोगस मिश्रखतांचे उत्पादन व विक्री करणाऱ्या...
भरताच्या वांग्यासह दादर ज्वारीसाठी...खानदेशकन्या तथा आपल्या कवितेतून शेतीचे...
बॅंक एकत्रीकरण एक अनावश्‍यक पाऊलभारताने १९९० मध्ये नवीन आर्थिक धोरण स्वीकारले....
भूगर्भ तहानलेलाच!रा ज्यात या वर्षी जोरदार पाऊस झाला. अनेक भागांत...
साखर उद्योगाने मूल्यपदार्थांकडे वळणे...पुणे: देशाच्या ग्रामीण अर्थकारणात मोलाचा वाटा...
देशात कापूस उत्पादन घटणारजळगाव ः देशात सर्वाधिक कापूस उत्पादित करणाऱ्या...
राष्ट्रीय कृषिमुल्य आयोगासमोर ऊस...पुणे : कायद्यातील उणिवांचा फायदा घेत ऊस उत्पादक...
नुकसानग्रस्तांसाठीचे दोन हजार कोटी...मुंबई: राज्यातील ३४ जिल्ह्यांतील ३२५ तालुक्‍...
थंड वारे वाढणार...पुणे : राज्यात किमान तापमानातचा पारा १६ अंशांच्या...
दर्जेदार दुग्धोत्पादनांचा ‘गारवा’ ब्रॅंडकोल्हापूर जिल्ह्यातील मातब्बर दूध संघ दुग्धजन्य...
शेवगा कसे ठरले 'या' शेतकऱ्याचे हुकमी...कायम अवर्षण स्थिती असलेल्या सोलापूर जिल्ह्यातील...
'पणन'ची २७ पासून कापूस खरेदी नागपूर ः सिसिआयची खरेदी सुरूच असली तरी कापूस पणन...
शेतीला व्यावसायिक दर्जा आवश्यक: सुहास...पुणे: भावनिकतेच्या आधारे शेती न करता शेतकरी...
कुजलेल्या तुराट्यांच्या झाडण्याही होणार...परभणी ः यंदा तुरीचं पीक लई जोरात आलं होतं. चांगली...
सांगली जिल्ह्यातील अंडी उत्पादकांना...सांगली ः एप्रिल ते ऑक्टोबर या सात महिन्यांत...
मानवी, शेती आरोग्यासाठी नैसर्गिक शेतीचा...मानवी व शेतीचे आरोग्य याबाबत अधिक जागरूक झालेल्या...
अभ्यास, नियोजनातून देशी दुग्धव्यसाय...भाजीपाला शेती करण्याबरोबरच रेशीमशेती आणि...