agriculture news in marathi, n Parbhani district 57% of the seven-twelve online | Agrowon

परभणी जिल्ह्यातील ५७ टक्के सात-बारा आॅनलाइन

टीम अॅग्रोवन
गुरुवार, 16 नोव्हेंबर 2017

परभणी : डिजिटल इंडिया भूमी अभिलेख आधुनिकीकरण कार्यक्रम (DILRMP) ई-फेरफार आज्ञावलीद्वारे तलाठी दप्तर संगणकीकरण करून डिजिटल गाव नमुना सात-बारा शेतकऱ्यांना उपलब्ध करून देण्यासाठीच्या महत्त्वाकांक्षी प्रकल्पाअंतर्गत परभणी जिल्ह्यातील ५७ टक्के सात-बारा नमुने आॅनलाइन करण्याचे काम पूर्ण झाले आहे. सोनपेठ तालुक्यातील शंभर टक्के (सर्व ५२ गावांच्या) सात-बारा आॅनलाइन झाला आहे.

परभणी : डिजिटल इंडिया भूमी अभिलेख आधुनिकीकरण कार्यक्रम (DILRMP) ई-फेरफार आज्ञावलीद्वारे तलाठी दप्तर संगणकीकरण करून डिजिटल गाव नमुना सात-बारा शेतकऱ्यांना उपलब्ध करून देण्यासाठीच्या महत्त्वाकांक्षी प्रकल्पाअंतर्गत परभणी जिल्ह्यातील ५७ टक्के सात-बारा नमुने आॅनलाइन करण्याचे काम पूर्ण झाले आहे. सोनपेठ तालुक्यातील शंभर टक्के (सर्व ५२ गावांच्या) सात-बारा आॅनलाइन झाला आहे.

उर्वरित ८ तालुक्यांमध्ये सात-बारा आॅनलाइन करण्याचे काम ३५ ते ८० टक्के पूर्ण झाले आहे. येत्या डिसेंबर अखेरपर्यंत जिल्ह्यातील सर्व ८३३ गावांचा सात-बारा आॅनलाइन होईल, अशी माहिती जिल्हाधिकारी कार्यालयातील जिल्हा नियंत्रण कक्षातील सूत्रांनी दिली.

डिजिटल इंडिया भूमी अभिलेख आधुनिकीकरण कार्यक्रम (DILRMP) ई -फेरफार आज्ञावलीद्वारे तलाठी दप्तर संगणकीकरण करून डिजिटल गाव नमुना ७-१२ शेतकऱ्यांना उपलब्ध करून देण्यासाठीच्या महत्त्वाकांक्षी प्रकल्पाअंतर्गत परभणी जिल्ह्यातील सर्व नऊ तालुक्यांतील ८३३ गावांचे सात-बारा आॅनलाइन करण्याचे काम अहोरात्र सुरू आहे.

महसूल विभाग, भूमी अभिलेख विभाग, नोंदणी विभाग यांनी ई-फेरफार वेब बेस्ड आज्ञावली दुय्यम निबंधक, तहसीलदार आणि भूमी अभिलेख कार्यालये एकमेकांशी सुरक्षित कनेक्टिव्हिटीद्वारे जोडली आहेत. नोंदणीकृत दस्तऐवजांच्या बाबतीत दुय्यम निबंधक यांच्याकडून नोंदणी झाल्यानंतर तत्काळ नोंदणीकृत दस्तांची सूचना आज्ञावलीद्वारे तालुका स्तरावरील संबंधित महसूल किंवा भूमी अभिलेख कार्यालयातील म्युटेशन सेलेला दिली जाईल.

त्यासाठीची तलाठ्यांकडून आपोआप फेरफार करण्याची प्रक्रिया आधीच सुरू झालेली आहे. यामुळे कोणत्याही व्यक्तीने जमीन खरेदीची रजिस्ट्री केल्यानंतर आपोआप त्या जमिनीच्या सर्व्हे नंबरसहित माहिती तहसील कार्यालय तसेच भूमी अभिलेख कार्यालयात संदेशद्वारे जाईल.

या माहितीच्या आधारे संबंधीत शेतजमिनीच्या सात-बारा तर जागेचे पीआर कार्ड यांची फेरफार प्रक्रियादेखील होईल. यामुळे शेतजमीन, जागा खरेदीदारास तलाठी अथवा भूमी अभिलेख कार्यालयात फेरफारसाठी चकरा मारण्याची गरज राहणार नाही. फेरफार प्रक्रिया आपोआप पूर्ण झाल्यानंतर संबंधितास आॅनलाइन डिजिटल स्वाक्षरीची अधिकृत प्रत उपलब्ध होईल. येत्या काळात डिजिटल सात-बारा उपलब्ध करून देण्यासाठी संबंधित तहसील कार्यालयामध्ये किआॅक्स यंत्र बसविण्यात येणार आहे.

आपले सरकार केंद्र, महा-ई सेवा केंद्र तसेच इंटरनेट कॅफे, महाभूलेख वेबसाईट या ठिकाणी देखील सात-बारा उपलब्ध करून दिल्या जाणार आहेत. सोमवार (ता. १३) पर्यंत जिल्ह्यातील ८३३ गावांतील ५७ टक्के सात-बारा नमुने आॅनलाइन करण्यात आले आहेत. सोनपेठ तालुक्यातील सर्व ५२ गावांचा सात-बारा आॅनलाइन झाला आहे.

अन्य तालुक्यांमध्ये परभणी तालुका १३० गावांतील ५१.५४ टक्के सात-बारा आॅनलाइन झाला आहे. जिंतूर तालुक्यातील १६८ गावांतील (३६.९० टक्के), सेलू (८० टक्के), मानवत (६९.८१ टक्के), पाथरी (६९.६४ टक्के), गंगाखेड (३४.२९ टक्के), पालम (६२.५० टक्के), पूर्णा (५६.३८ टक्के) सात-बाराचे काम पूर्ण झाले आहे.


इतर ताज्या घडामोडी
सोलापूर जिल्ह्यात मराठा आरक्षणासाठी...सोलापूर  : मराठा समाजाला आरक्षण...
मुक्त विद्यापीठात कृषीविषयक अभ्यासक्रम...नाशिक : ‘‘यशवंतराव चव्हाण महाराष्ट्र मुक्त...
सोलापूर जिल्ह्यात दहा हजार हेक्‍टरवर...सोलापूर : जिल्ह्यात गेल्या तीन-चार दिवसांपासून...
सोलापूर जिल्हा बॅंक देणार अल्प मुदतीचे...सोलापूर : सोलापूर जिल्हा मध्यवर्ती सहकारी...
परभणी, हिंगोलीत ओल्या दुष्काळाचे सावटपरभणी : परभणी, हिंगोली जिल्ह्यातील अनेक मंडळांत...
जळगाव जिल्ह्यात उडीद, मूग खरेदीची...जळगाव : शासकीय उदीद, मूग खरेदीसंबंधीची प्राथमिक...
परभणीत भरपाईसाठी ‘स्वाभिमानी’ची पिकांसह...परभणी : अतिवृष्टीमुळे शेती पिकांचे अतोनात नुकसान...
नाशिक जिल्ह्यात खरिपासह भाजीपाला पिके...नाशिक : जिल्ह्याच्या सर्वदूर भागात शनिवारी (...
`औरंगाबाद जिल्ह्यातील नुकासानग्रस्त...औरंगाबाद : सतत सुरू असलेल्या पावसाने कोणत्या...
ऊसतोडणी दर ठरविताना उत्पादकांवरील बोजा...पुणे : दहा लाख ऊसतोडणी कामगारांच्या वतीने विविध...
मराठा आरक्षणावरील अंतरिम स्थगिती उठवावीमुंबई : मराठा आरक्षणासंदर्भात सर्वोच्च...
‘मुळा’तून विसर्ग बारा हजार क्युसेकवर...नगर ः नगर जिल्ह्यातील मुळा धरणाच्या पाणलोटात पाऊस...
शेतकऱ्यांना कॉर्पोरेट कंपन्यांच्या...कोल्हापूर : पाशवी बहुमताच्या बळावर भलेही तुम्ही...
मोताळा तालुक्यात वादळी पावसाने नुकसानबुलडाणा ः जिल्ह्यात शनिवारी (ता. १९) वादळी...
नाशिकमध्ये वाटाण्याची आवक कमीच; दरात...नाशिक : येथील कृषी उत्पन्न बाजार समितीमध्ये...
नागपूर जिल्ह्यात पुराचा २९ हजार...नागपूर : पुरामुळे जिल्ह्यात २९ हजार २६२...
सोलापुरात पितृपंधरवड्यामुळे गवार,...सोलापूर ः पितृपंधरवड्यामुळे सोलापूर कृषि उत्पन्न...
डाळिंब फळपिकातील तेलकट डाग व्यवस्थापनसोलापूर, सांगली, नाशिक आणि नगर यासारख्या...
औरंगाबादमध्ये मूग, उडीद, ज्वारी,...औरंगाबाद : येथील कृषी उत्पन्न बाजार समितीमध्ये गत...
बार्शी बाजार समितीत उडीद, मूग हमीभाव...सोलापूर : बार्शी कृषी उत्पन्न बाजार समितीमध्ये...