पुणे नगर : कोरोना विषाणूच्या संसर्गाच्या पार्श्वभूमीवर नगर जिल्ह्यात कांदा दर सतत अस्थिर आहेत. बाजारात आवक वाढलेली असून, दर मात्र कमी होत आहेत. बाजारात सध्या २५० ते १००० रुपये प्रती क्विंटलचा दर मिळत आहे. लॉकडाउन होणार असल्याच्या शक्यतेचाही कांदा बाजारावर परिणाम होताना दिसत आहे. दोन दिवसांपूर्वी झालेल्या लिलावात नगर बाजार समितीत तब्बल ५७ हजार ३७८ कांदा गोण्याची आवक झाली होती.
कोरोनाचा संसर्ग वाढत असल्याने काही दिवसापासून मिनी लॉकडाउन झाले आहे. दोन दिवस कडकडीत बंद आहे. शिवाय यापुढेही काही दिवस कडक लॉकडाउन होण्याची शक्यता दिसत आहे. बाजार समित्यांत कांद्याचे लिलाव सुरू आहेत. मात्र पुढील काळात किती दिवस लॉकडाउन असेल.
कांदा बाजार सुरू राहतील की नाही या शंकेने दोन दिवसांपूर्वी कांद्याची बाजारात मोठ्या प्रमाणात आवक झाली. त्यामुळे दोन दिवसांच्या अंतराने होत असलेल्या कांदा लिलावात सातत्याने दरात चढ-उतार होत आहे. हॉटेल्स, खाद्य पदार्थाचे स्टॉल बंद ठेवण्यात आलेले आहेत. त्याचा परिणाम कांद्याला मागणी घटली असून, भावात घट झालेली आहे. महाराष्ट्रासह शेजारील इतर राज्यातही कांद्याचे चांगले उत्पादन झाले आहे. त्यामुळे राज्यातील कांद्याची मागणी थंडावली आहे. लॉकडाउनची शेतकऱ्यांनीही धास्ती घेतली असल्याचे दिसत आहे.
दोन दिवसांपूर्वीचे दर (क्विंटल)
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.