नगरला प्रचार संपला, पण विकासावर चर्चा नाही

नगरला प्रचार संपला, पण विकासावर चर्चा नाही
नगरला प्रचार संपला, पण विकासावर चर्चा नाही

नगर : पंतप्रधानांसह राज्याच्या राजकारणातील महत्त्वाच्या नेत्यांच्या सभा झाल्या. गेल्या महिनाभरापासून एकमेकांवर जोरदार टीका-टिपन्नी झाली. अखेर प्रचार संपला; पण मतदार संघाच्या विकासावर, सामान्य जनता झळा सोसत असलेल्या दुष्काळावर मते मागतानाही फारशी चर्चा झालीच नाही.  नगर लोकसभा मतदारसंघ कॉंग्रेस-राष्ट्रवादीच्या जागा वाटपात आघाडीकडे आहे. तो मिळावा यासाठी प्रयत्न करूनही मिळाला नसल्यामुळे येथून लढण्यासाठी हट्टाला पेटलेल्या डॉ. सुजय विखे पाटील यांनी भाजपमध्ये प्रवेश करून उमेदवारी मिळवली आणि नगर दक्षिण लोकसभा मतदारसंघ राज्याच्या राजकारणात चर्चेत आला. यापूर्वी लोकनेते स्व. बाळासाहेब विखे पाटील यांनी येथून नेतृत्व केले आहे. डॉ. सुजय हे विधानसभेतील विरोधीपक्ष नेते व कॉंग्रेसचे ज्येष्ठ नेते राधाकृष्ण विखे पाटील यांचे पुत्र आहेत. ‘राष्ट्रवादीचा प्रचार करणार नाही, मतदारसंघातही प्रचाराला जाणार नाही’, असे त्यांनी सांगितले असले तरी शेवटच्या टप्प्यात ते मुलासाठी प्रचारात सक्रिय झाल्याचे पहायला मिळाले. मात्र आमदार संग्राम जगताप यांना एनवेळी मैदानात उतरवून राष्टृवादीने एकतर्फी वाटणारी निवडणूक ‘कॉंटें की टक्कर’ केली. नगरची लढत ही राष्टवादी-कॉंग्रेस विरुद्ध भाजप अशी नसून ती पवार विरुद्ध विखे अशी असल्याचीच चर्चा येथे आहे. डॉ. सुजय यांच्या विजयासाठी पंतप्रधान नरेंद्र मोदी, मुख्यमंत्री नरेंद्र मोदी, मंत्री पंकजा पालवे, पालकमंत्री राम शिंदे यांच्या सभा झाल्या. संग्राम जगताप यांच्यासाठी राष्ट्रवादीचे अध्यक्ष शरद पवार, पक्षाध्यक्ष जयंत पाटील, विधान परिषदेतील विरोधीपक्ष नेते धनंजय मुंडे, दिलीप वळसे पाटील, आमदार जितेंद्र आव्हाड, विद्या चव्हाण, फौजिया खान यांच्या सभा झाल्या.   दक्षिण लोकसभा मतदारसंघात ६ विधानसभा क्षेत्रांचा समावेश आहे. यातील तीन जागांवर भाजप, दोन जागांवर राष्ट्रवादी तर एका जागेवर शिवसेनेचे वर्चस्व आहे. शिवसेना-भाजप स्वतंत्र लढल्यामुळे नगर शहर विधानसभेची जागा शिवसेनेला किरकोळ फरकाने का होईना गमवावी लागली. या मतदारसंघात युतीचे प्राबल्य दिसत असले तरी कॉंग्रेसमधून भाजपमध्ये आलेल्या सुजय विखेंना सर्वजण मदत करणार का? याकडे सर्वांचे लक्ष लागले आहे. जाहीर प्रचार संपला असला तरी आता ‘नेते, कार्यकर्ते फुटाफुटीची आणि रात्रीत आर्थिक लाभ’ मिळाल्याची चर्चा सुरू झाली आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com