agriculture news in Marathi, Nagative networth of 11 cooperative banks in state, Maharashtra | Page 2 ||| Agrowon

राज्यातील ११ जिल्हा बँकांचे ‘नेटवर्थ निगेटिव्ह’

तात्या लांडगे
सोमवार, 7 ऑक्टोबर 2019

राज्यातील ज्या जिल्हा बॅंकांचे  नेटवर्थ निगेटिव्ह आहे अथवा स्वनिधी नाही, शेती कर्जवाटप बंद आहे, अशा ११ बँकांचा वापर बिझनेस करस्पाँडंट म्हणून करण्यास मान्यता द्यावी, असा प्रस्ताव राज्य बॅंकेने नाबार्डकडे पाठविला आहे. शेतकऱ्यांसाठी काम करणाऱ्या या जिल्हा बँकांचे  नेटवर्थ सुधारून त्यांना पुनर्जिवित करण्याच्या उद्देशाने हा प्रस्ताव पाठविला असून आचारसंहितेनंतर त्यावर निर्णय अपेक्षित आहे.
- विद्याधर अनासकर, अध्यक्ष, राज्य बॅंक, महाराष्ट्र

सोलापूर : शेतकऱ्यांची बॅंक म्हणून ओळख असलेल्या राज्यातील ११ जिल्हा बॅंकांचे कर्जवाटप मागील आठ- दहा वर्षांपासून ठप्पच आहे. त्यामुळे उंबरठे झिजवूनही बळिराजाला कर्ज मिळत नसल्याने ज्या बॅंकांचे  नेटवर्थ (नक्तमूल्य) निगेटिव्ह आहे अथवा मागील आठ-दहा वर्षांपासून शेती कर्जवाटप बंद असलेल्या अशा जिल्हा बॅंकांचा वापर बिझनेस करस्पाँडंट म्हणून करण्याचा प्रस्ताव राज्य बॅंकेने राष्ट्रीय स्तरावर नाबार्डकडे पाठविला आहे. 

राष्ट्रीयीकृत बँकांच्या तुलनेत सर्वाधिक शेती कर्जवाटप करणाऱ्या जिल्हा बँकांचे कर्जवाटप ठप्प आहे. सोलापूर, नांदेड, जळगाव, जालना, बीड, उस्मानाबाद, नागपूर, नाशिक, वर्धा, परभणी व अन्य एका जिल्हा बँकेची सद्यस्थितीत शेती व बिगरशेतीची सुमारे २१ हजार कोटींची थकबाकी आहे. दुष्काळ अन्‌ अडचणीतील कारखानदारीमुळे कर्जवसुली ठप्प आहे. काही बँकांनी नेटवर्थ निगेटिव्ह असल्याने व स्वनिधी नसल्याने ठेवीतील पैशाला हात लावला आहे.

सोलापूर जिल्हा बॅंकेचे नेटवर्थ पॉझिटिव्ह असून ठेवीही वाढल्या आहेत मात्र, नव्या शेतकरी सभासदांना आठ वर्षांपासून कर्जवाटप बंदच आहे. अशा बॅंकांना पुनर्जिवित करण्याच्या उद्देशाने राज्य बॅंकेने या बँकांचा वापर ‘बिझनेस करस्पाँडंट’ (व्यावसायिक प्रतिनिधी) म्हणून करण्याचा प्रस्ताव नाबार्डला दिला आहे. त्यानुसार राष्ट्रीय स्तरावर याबाबत धोरण निश्‍चित केले जात असून जून २०२० पर्यंत मान्यता मिळेल आणि प्रत्यक्ष कामाला सुरवात होईल, असा विश्‍वासही सूत्रांनी व्यक्‍त केला.

ठळक बाबी...

  • जिल्हा बॅंकांना कर्जप्रकरणांची शिफारस, कर्जाचे अर्ज स्वीकारण्यावर १ टक्‍का मिळणार कमिशन
  • वाटप केलेल्या कर्जाची वसुली वेळेवर झाल्यास राज्य बॅंक देणार ०.५० टक्‍के कमिशन
  • जिल्हा बँकांच्या इमारती व कर्मचाऱ्यांचा उपयोग राज्य बॅंक कर्जवाटप अन्‌ वसुलीसाठी करणार
  • स्वनिधीचा अभाव अन्‌ निगेटिव्ह नेटवर्थ असलेल्या बॅंका करतील बिझनेस करस्पाँडंट म्हणून काम
  • आचारसंहितेनंतर जूनपर्यंत नाबार्डकडून निर्णय अपेक्षित : अडचणीतील जिल्हा बॅंकांना बाहेर काढण्याचे नियोजन

 


इतर अॅग्रो विशेष
पामतेल आयात शुल्कात कपात; केंद्र...नवी दिल्ली ः केंद्र सरकारने कच्च्या...
टंचाईग्रस्त दहीगाव झाले लोकसहभागातून...सातारा जिल्ह्यातील दहीगाव गावातील ग्रामस्थांनी...
'निवार’ चक्रीवादळाचा प्रभाव; राज्यात...पुणे ः बंगालच्या उपसागरात पूर्व किनाऱ्याकडे...
केळीची मागणी कायम, दर टिकून जळगाव : दाक्षिणात्य व गुजरातमधील केळीची उत्तर...
तमिळनाडू, पुद्दुचेरीत धुमाकूळचेन्नई  ः निवार चक्रीवादळामुळे वेगवान...
गहू, हरभरा पेरणीला वेगपुणे : यंदा चांगल्या पाणीसाठ्यामुळे गहू व...
पहिल्याच टप्प्यात थकवली ३५० कोटींची ‘...पुणे : राज्याचा ऊस गाळप हंगाम सुरू झाल्यानंतर...
आर्थिक चणचण,‘लम्पी’चे पशुधन बाजारावर...सांगली ः लॉकडाउनमुळे पशुधानाचे आठवडे बाजार तब्बल...
ऊसतोडणी मजुरांची संख्या यंदा दोन...नगर : राज्यातील साखर कारखान्यांवर ऊसतोडणी...
पणन महासंघाची खरेदी उद्यापासूननागपूर : महाराष्ट्र राज्य सहकारी कापूस उत्पादक...
मराठवाड्यातील बहुतांश धरणे तुडुंबऔरंगाबाद : यंदा जोरदार पावसामुळे मराठवाड्यातील...
संकटकाळात श्री ब्रॅण्डद्वारे दर्जेदार...नाशिक जिल्ह्यातील वनसगाव येथील शैलेश व संदीप या...
सणांच्या हंगामात भाव खाणारी गाडे यांची...कांजळे (ता. भोर, जि. पुणे) येथील विलास गाडे यांनी...
महाटीत उपसरपंचपदासाठी साडेदहा लाखांची...नांदेड ः ग्रामपंचायत निवडणुकीपूर्वी उपसरपंचपदाचा...
राज्यात शनिवारपासून ‘जनप्रबोधन यात्रा’नगर/पुणे ः शेतकरी आत्महत्येला कारणीभूत असलेल्या...
फळांपासून वाइननिर्मितीसाठी महाराष्ट्र...नाशिक : द्राक्षाबरोबर डाळिंब, जांभूळ,...
शिराळा तालुक्यात गुऱ्हाळघरांना उशिरा...सांगली ः शिराळा तालुक्यात यंदा गूळ उत्पादनाचा...
केंद्रीय पथकाकडून कापूस पिकाची पाहणीआरेगाव, यवतमाळ ः गुलाबी बोंड अळीचा प्रादुर्भाव...
नाशिक बाजार समितीत व्यापाऱ्याकडून...नाशिक : येथील कृषी उत्पन्न बाजार समितीत...
धान उत्पादकांना प्रतिक्विंटल सातशे...मुंबई: आधारभूत किंमत खरेदी योजनेअंतर्गत खरीप पणन...