agriculture news in marathi, nagpur winter assembly session begins 11 dec 2017 | Agrowon

कर्जमाफी, यवतमाळ विषबाधा, बोंडअळीप्रश्नी सरकारची कसोटी

टीम अॅग्रोवन
सोमवार, 11 डिसेंबर 2017

नागपूर : ऑनलाइन कर्जमाफीतील घोळ, पाच महिन्यांपासून कर्जमाफीच्या प्रतीक्षेतील शेतकरी, बोंडअळीने विदर्भ-मराठवाडा आणि खानदेशात झालेली तब्बल पंधरा हजार कोटींची हानी, यवतमाळ व परिसरातील शेतकऱ्यांचे विषारी मृत्यू, शेतकऱ्यांच्या वाढत्या आत्महत्यांसह समाजातील सर्वच घटकांत असलेली नाराजी या पार्श्वभूमीवर आजपासून (ता. ११) नागपुरात राज्य विधिमंडळाचे हिवाळी अधिवेशन सुरू होत आहे. हे सर्व शेतकरीप्रश्न ॲग्रोवनमधून सातत्याने मांडले जात आहेत.

नागपूर : ऑनलाइन कर्जमाफीतील घोळ, पाच महिन्यांपासून कर्जमाफीच्या प्रतीक्षेतील शेतकरी, बोंडअळीने विदर्भ-मराठवाडा आणि खानदेशात झालेली तब्बल पंधरा हजार कोटींची हानी, यवतमाळ व परिसरातील शेतकऱ्यांचे विषारी मृत्यू, शेतकऱ्यांच्या वाढत्या आत्महत्यांसह समाजातील सर्वच घटकांत असलेली नाराजी या पार्श्वभूमीवर आजपासून (ता. ११) नागपुरात राज्य विधिमंडळाचे हिवाळी अधिवेशन सुरू होत आहे. हे सर्व शेतकरीप्रश्न ॲग्रोवनमधून सातत्याने मांडले जात आहेत.

फडणवीस सरकारने 24 जून 2017 रोजी 34 हजार कोटी रुपयांची कर्जमाफी जाहीर केली. या कर्जमाफीसाठी शेतकऱ्यांकडून ऑनलाइन अर्ज भरून घेण्यात आले. त्यानंतर दिवाळीच्या मुहूर्तावर 18 आक्टोबर रोजी मुख्यमंत्र्यांच्या हस्ते शेतकऱ्यांना कर्जमाफीचे प्रमाणपत्र देण्यात आले. मात्र, कर्जमाफीच्या प्रक्रियेत ऑनलाइनचा मोठा घोळ समोर आला. कर्जमाफीसाठी पात्र शेतकऱ्यांच्या याद्यांमध्येही गोंधळाची स्थिती आहे. अद्यापही बहुतांश शेतकरी कर्जमाफीच्या प्रतीक्षेत आहेत. याला वाढत्या शेतकऱ्यांच्या वाढत्या आत्महत्येचा मुद्दा जोडून विरोधक राज्य सरकारची कोंडी करणार हे स्पष्ट आहे.

बोंडअळीमुळे विदर्भ, मराठवाडा आणि खानदेशातील शेतकऱ्यांचे अतोनात नुकसान झाले आहे. प्राथमिक अंदाजानुसार किमान वीस लाख हेक्टरवरील कपाशीचे नुकसान झाल्याची माहिती आहे. त्यामुळे कपाशी उत्पादक शेतकऱ्यांना राज्य सरकारने भरीव मदत करावी, अशी मागणी विरोधकांकडून होणार आहे. यवतमाळ आणि आजूबाजूच्या परिसरातील शेतकऱ्यांचे कीटकनाशकांमुळे मृत्यू झाले आहेत. या प्रकरणावर नियुक्त केलेल्या विशेष तपास पथकाने नुकताच राज्य सरकारला अहवाल सादर केला आहे. या दुर्घटनेचेही पडसाद विधिमंडळात उमटण्याची शक्यता आहे. निकृष्ट बियाण्यांच्या मुद्यावर विरोधक सरकारला धारेवर धरण्याचा अंदाज आहे.

त्याचबरोच गुजरात विधानसभा निवडणुकीचे राजकीय सावट अधिवेशनाच्या कामकाजावर उमटणार आहे. राज्यातील भाजप आणि काँग्रेसचे नेते गेल्या काही दिवसांपासून गुजरातच्या मोहिमेवर आहेत. गुजरात निवडणुकीचा दुसरा आणि शेवटचा टप्पा 14 डिसेंबरला पार पडणार आहे. तर 18 डिसेंबरला मतमोजणी होऊन निकाल जाहीर होतील. गुजरातची निवडणूक भाजप आणि काँग्रेस या दोघांसाठी प्रतिष्ठेची आहे. त्यामुळे जे निकाल येतील त्याचे पडसाद विधिमंडळात पडण्याची शक्यता आहे.

पहिला आठवडा ठरणार वादळी
गेल्या तीन वर्षात राज्य सरकार सर्वच पातळ्यांवर अपयशी ठरल्याचा आरोप लावत काँग्रेस, राष्ट्रवादीसह सर्व विरोधी पक्ष एकवटले आहेत. शेतकरी, शेतमजूर आदींच्या प्रश्नावर आक्रमक होत दोन्ही काँग्रेसने राज्यभरात भाजपविरोधात वातावरणनिर्मिती सुरू केली आहे. अधिवेशनाच्या दुसऱ्या दिवशी म्हणजे मंगळवारी (ता. १२) दोन्ही काँग्रेसचा संयुक्त मोर्चा अधिवेशनावर धडकणार आहे. या मोर्चात राष्ट्रवादी काँग्रेसचे अध्यक्ष शरद पवार आणि काँग्रेसचे उपाध्यक्ष राहुल गांधी उपस्थित राहण्याची शक्यता असल्याने अधिवेशनाचा पहिला आठवडा वादळी ठरण्याची शक्यता आहे.

अधिवेशनात हे मुद्दे गाजणार

  • यवतमाळमधील कीटकनाशक फवारणीत शेतकऱ्यांचे मृत्यू
  • कपाशीवर गुलाबी बोंडअळीच्या प्रादुर्भावामुळे झालेले नुकसान
  • राज्यातील शेतकऱ्यांच्या वाढत्या आत्महत्या
  • नागपूर-मुंबई समृद्धी महामार्गाला शेतकऱ्यांचा विरोध

इतर अॅग्रो विशेष
मॉन्सून मंगळवारपर्यंत कोकणातील काही...पुणे : बंगालच्या उपसागरात तयार होत असलेले कमी...
सिंधुदुर्ग, रत्नागिरीतील पारंपरिक...सिंधुदुर्ग: सकस आणि पौष्टिक मानल्या जाणाऱ्या...
विद्यापीठाच्या कांदा बियाण्यांची विक्री...नाशिक : कोरोना प्रादूर्भावाच्या...
कोकण, मध्य महाराष्ट्रात पावसाची शक्यतापुणे: निसर्ग चक्रीवादळ निवळल्यानंतर राज्याच्या...
फळपिक विम्यात शेतकऱ्यांना ५ टक्के वाटा...मुंबई: राज्यात पुनर्रचित हवामान आधारीत फळपिक...
फळपिक विमा योजना अखेर जाहीरपुणे : राज्यात हवामानावर आधारित पुनर्रचित फळपिक...
थकबाकीदार शेतकऱ्यांच्या कर्जाचा घोळ...पुणे: थकबाकीदार शेतकऱ्यांना नवे पीककर्ज देण्याचे...
मॉन्सून गोव्याच्या उंबरठ्यावर दाखलपुणे: नैर्ऋत्य मोसमी वाऱ्यांनी (मॉन्सून) शनिवारी...
पीककर्ज वाटपाचा पुरता फज्जापुणे ः मोसमी पाऊस महाराष्ट्राच्या उंबरठ्यावर दाखल...
टोळधाड- तूर्त संकट टळले !, तरी सतर्क,...कोरोना संकटाशी सामना सुरू असतानाच राज्याला नव्या...
दक्षिण कर्नाटक, तामिळनाडूत मॉन्सूनची...पुणे : नैर्ऋत्य मोसमी वाऱ्यांनी (मॉन्सून) आज (ता....
कोकणात पावसाचा अंदाज पुणे : अरबी समुद्रात आलेल्या ‘निसर्ग’...
रविवारपर्यंत मॉन्सूनची आणखी चाल शक्य पुणे: नैर्ऋत्य मोसमी वाऱ्यांनी (मॉन्सून) गुरूवारी...
हमीभाव मिळवून देण्यात केंद्र सरकार...पुणे: केंद्र सरकार गाजावाजा करून हमीभाव जाहीर करत...
शेतकरी उत्पादक कंपन्यांचे बियाणे अनुदान...पुणे : राज्यातील शेतकरी उत्पादक कंपन्यांचे बियाणे...
साखर कारखान्यांनी लॉकडाउनमध्ये जमा केली...पुणे: लॉकडाउनमधील विविध अडचणींना तोंड देत...
माझा शेतकरी, माझा अभिमान ! ७ ते १३ जून...पुणे : कोरोनाच्या कठिणकाळात जनता घरबंद असताना...
कृषी उन्नती योजनेत ६६ टक्के कपातपुणे: कृषी उन्नती योजना राबविण्यासाठी केंद्र...
साखर उत्पादनात उत्तर प्रदेशची झेपकोल्हापूर: यंदा उत्तर प्रदेशने साखर उत्पादनात...
दर्जेदार हळद पावडरीचा शिनगारे यांचा...परभणी जिल्ह्यातील वालूर सारख्या ग्रामीण भागात...