Agriculture news in Marathi Names of forty officers in 'Shetkarivata Vasuli' | Agrowon

‘शेतकरीवाटा वसुली’त चाळीस अधिकाऱ्यांची नावे

मनोज कापडे
मंगळवार, 26 ऑक्टोबर 2021

राज्यात गाजत असलेल्या कथित अवजारे व शेतकरीवाटा घोटाळ्यातील वसुलीसाठी तयार करण्यात आलेल्या अहवालात कृषी खात्यातील ४० बड्या आजी- माजी अधिकाऱ्यांची नावे नमूद करण्यात आलेली आहेत.

पुणे ः राज्यात गाजत असलेल्या कथित अवजारे व शेतकरीवाटा घोटाळ्यातील वसुलीसाठी तयार करण्यात आलेल्या अहवालात कृषी खात्यातील ४० बड्या आजी- माजी अधिकाऱ्यांची नावे नमूद करण्यात आलेली आहेत. मात्र हा घोटाळा नसून आम्ही पूर्णतः निर्दोष आहोत, असा दावा यातील बहुतेक अधिकाऱ्यांनी केला आहे.

महाराष्ट्र कृषी उद्योग विकास महामंडळाने २००७ ते २०१७ या कालावधीत विविध केंद्र व राज्य पुरस्कृत योजनांमधील अनुदानावर शेतकऱ्यांना विविध कृषी अवजारे व सामग्रीचा पुरवठा केला आहे. ही साधने मिळण्यासाठी आधी शेतकऱ्यांना ५० टक्के रक्कम ‘शेतकरीवाटा’ म्हणून कृषी खात्याकडे जमा करावी लागते. शेतकऱ्यांकडून घेतलेली हीच लोकवाट्याची अंदाजे २२ कोटींची रक्कम अधिकाऱ्यांनी महामंडळाला न देता स्वतःकडे ठेवली आहे, असा संशय आहे. यातील आठ कोटींच्या रकमेचा हिशेब लागला असून, त्याबाबत चौकशी सुरू करण्यात आली आहे. 

ठेकेदारांना अवजारांचा पुरवठा आदेश देणारे तसेच लोकवाट्याच्या वसुलीत दिरंगाई दाखविल्याबद्दल काही जिल्हा अधीक्षक कृषी अधिकाऱ्यांना आता कारणे दाखवा नोटिसा बजावण्यात आल्या आहेत. शिल्लक अवजारे किंवा शेतकरीवाटा या मुद्द्यांवर समाधानकारक खुलासा करण्याचे आदेश त्यांना देण्यात आलेले आहेत. मात्र आता नेमका काय खुलासा करायचा, चौकशीच्या जाळ्यातून कसे सुटायचे, अशी विचारणा अधिकाऱ्यांकडून एकमेकांकडे सुरू केली आहे. 

‘‘कृषी खात्यात आम्ही कोणताही गैरव्यवहार केलेला नाही. निवृत्तीनंतर आम्हाला त्रास देण्याचे हे उपद्‌व्याप सुरू आहेत. मुळात कोणत्याही सरकारी कर्मचाऱ्याला सेवेतील वसुलीबाबत निवृत्तीनंतर जबाबदार धरता येत नाही. आम्ही गैरव्यवहार केला असल्यास कृषी आयुक्तालयाचा आस्थापना विभाग त्या वेळी झोपा काढत होता काय, आम्हाला निवृत्त करताना, पदोन्नती देताना किंवा बदली करताना वेळोवेळी विचारणा का केली गेली नाही. आधी आस्थापना विभागाचीच चौकशी झाली पाहिजे,’’ अशी संतप्त प्रतिक्रिया एका माजी जिल्हा अधीक्षक कृषी अधिकाऱ्याने व्यक्त केली आहे.  

सामूहिक गैरव्यवहाराचा हा प्रकार आहे. यात विविध जिल्हा अधीक्षक कृषी अधिकाऱ्यांनी चार कोटी ६३ लाख रुपये तर जिल्हा कृषी विकास अधिकाऱ्यांनी अडीच कोटीचा घोटाळा केलेला आहे. यात २५७ अधिकारी गुंतलेले आहेत. अधिकारी दोषी असल्यानेच कृषी आयुक्तांनी चौकशी सुरू केली आहे. हा घोटाळा दडपडल्यास कोणी न्यायालयात गेल्यास हे प्रकरण आणखी गंभीर होईल.
- उच्चपदस्थ अधिकारी


इतर बातम्या
जळगाव जिल्ह्यात बोंडअळीचा उद्रेकजळगाव ः जिल्ह्यात यंदा शेतकऱ्यांना अतिवृष्टीने...
राज्यात पावसाला पोषक हवामान पुणे : राज्याच्या किमान तापमानात आणखी घट झाल्याने...
पावसाला पोषक हवामानामुळे किमान तापमानात...पुणे : पावसाने उघडीप दिल्यानंतर राज्याच्या किमान...
वीजप्रश्नी संतप्त शेतकरी  महावितरण...नाशिक : महावितरण कंपनीकडून सटाणा तालुक्यात थकीत...
कापूस खेडा खरेदी करणाऱ्या ...बुलडाणा ः खेडा खरेदीच्या माध्यमातून शेतकऱ्यांना...
कडुलिंबाची झाडे वाळू लागली पुणे नगर ः नगर जिल्ह्यातील नेवासा तालुक्यातील...
राज्यातील १२१ आदिवासी  आश्रमशाळा होणार...पुणे ः शिक्षण व्यवस्थेमधील बदलांना सामोरे जात...
लाल कांद्याला उन्हाळच्या  तुलनेत मिळतोय...नाशिक : दिवाळीनंतर जिल्ह्यातील कृषी उत्पन्न बाजार...
नगर पंचायतींच्या निवडणुकांची रणधुमाळी...पुणे नगर ः राज्यातील मुदत संपलेल्या परंतु,...
सत्तावीस हजार सहकारी संस्थांच्या ...पुणे ः राज्यातील कृषी पतसंस्था, बहुउद्देशीय...
‘बेरीज् एक्सलन्स सेंटर’ उभारणीसाठी ...सातारा ः स्ट्रॅाबेरी मातृ रोपांवरील आयात शुल्क...
शेतकरी उत्पन्न दुपटीच्या बैठकीला २३... नवी दिल्ली ः संसदेच्या कृषी विषयक स्थायी...
दिवाळी सुटीनंतरच्या बेदाणा  सौद्यात...सांगली ः दिवाळीच्या सुटीनंतर सांगली कृषी उत्पन्न...
स्टॉक लिमिटला नकार;  सोयाबीन बाजाराला...पुणे ः राज्य सरकारने सोयाबीनवर स्टॉक लिमिट लावणार...
भात खरेदीच्या जाचक अटीतून शेतकऱ्यांना...सिंधुदुर्गनगरीः ज्या शेतकऱ्यांच्या सात-बारामध्ये...
बीज प्रक्रियेसाठी यंत्राचा वापर वाढलावाशीम : शेतकऱ्यांमध्ये बीजप्रक्रियेचे महत्त्व...
सांगलीत कृषिपंपांची वीजजोड तोडणी सुरुसांगली ः कृषिपंपांच्या वीज बिल वसुलीसाठी...
सावित्रीबाई फुले यांच्या पुतळ्याचे तीन...पुणे ः सावित्रीबाई फुले पुणे विद्यापीठाच्या...
फेरफार नोंदीत पुणे जिल्हा आघाडीवरपुणे ः शेत जमिनी खरेदी विक्री दरम्यान अंत्यत...
सोलापूर जिल्ह्यात खरिपातील पीक ...सोलापूर ः सोलापूर जिल्ह्यात यंदाच्या खरीप...