agriculture news in Marathi Nampur market committee register wrong rate onion Maharashtra | Page 2 ||| Agrowon

नामपूर बाजार समितीत कांद्याला किमान दर १३०, नोंद मात्र ५०० रुपयांची 

टीम अॅग्रोवन
रविवार, 16 मे 2021

सोमवारी (ता. १०) सटाणा तालुक्यातील नामपूर कृषी उत्पन्न बाजार समितीत व्यापाऱ्याने गोल्टी कांद्याला १६० रुपये क्विंटलप्रमाणे बोली लावली असताना बाजार समितीने याच दिवशी किमान दर ५०० रुपये राहिल्याची नोंद केली आहे.

नाशिक : सोमवारी (ता. १०) सटाणा तालुक्यातील नामपूर कृषी उत्पन्न बाजार समितीत व्यापाऱ्याने गोल्टी कांद्याला १६० रुपये क्विंटलप्रमाणे बोली लावली असताना बाजार समितीने याच दिवशी किमान दर ५०० रुपये राहिल्याची नोंद केली आहे. त्यामुळे बाजार समितीच्या कामकाजावर शंका उपस्थित करण्यात येत आहे. प्रत्यक्ष लिलाव व बाजार समितीत दराच्या नोंदी वेगवेगळ्या असल्याने शेतकऱ्यांची दिशाभूल होत आहे. 

याबाबत सविस्तर माहिती अशी, की सोमवार द्याने (ता. सटाणा) येथील शेतकरी सतीश कापडणीस यांनी १७ क्विंटल गोल्टी कांदा विक्रीस आणला होता. सकाळच्या सत्रात या कांद्याला प्रतिक्विंटल १३० रुपये बोली लागली, तर दुपारच्या सत्रात पुन्हा लिलावात १६० रुपये प्रतिक्विंटल प्रमाणे बोली लागली. मग ही नचांकी नोंद असताना बाजार समितीत ५०० रुपये किमान दराची नोंद असल्याचे समोर आले आहे. त्यामुळे जिल्हा उपनिबंधक कार्यालय व पणन विभागाला खोटी माहिती पुरवली जाते की काय, याबाबत शंका उपस्थित होत आहे. 

एकीकडे राज्यातील बाजार समित्यांची आवक व दरासंबंधी माहिती महाराष्ट्र राज्य पणन मंडळाच्या संकेतस्थळावर अद्यावत असते. मात्र नामपूर बाजार समितीची माहिती का नाही, असे अनेक प्रश्‍न या संशयाला कारण ठरत आहेत. 

बाजार समितीच्या कामकाजासंबंधी उपस्थित प्रश्‍न 

  • लिलाव झाल्यानंतर सौदा पट्टीवर रकाना असताना शेतकऱ्याचे नाव, गाव असा उल्लेख का केला जात नाही? 
  • लिलावात बोलले जाणारे किमान दर व बाजार समितीने जाहीर केलेला किमान दर यात तफावत का? 
  • माहिती समोर असताना शेतकरी खोटे बोलतात, असा सभापती आरोप नेमका कुणासाठी करतात? 

खोट्या माहितीची नोंद अन् सभापती अनभिज्ञ 
बाजार समितीचे सभापती शांताराम निकम यांना संपर्क केला असता शेतकऱ्याने पत्रकारांना खोटी माहिती दिल्याचे सांगितले. यावर तुम्ही शेतकऱ्याला खोडले का नाही, असे विचारले असता त्यांनी बोलणे टाळले अन् सचिवांकडे फोन दिला. यावर सचिव संतोष गायकवाड यांनी सांगितले, की माल खराब असल्यास कमी दर मिळतो. त्यामुळे माध्यमात चर्चा होत असल्याने नीचांकी दराची नोंद टाकत नाही यापुढे टाकू.’’ मात्र सभापती याबाबत अनभिज्ञ असताना शेतकऱ्यांवर आरोप कुणासाठी करतात, असा सवाल उपस्थित होत आहे. त्यामुळे शेतकऱ्यांमध्ये संताप आहे. 

प्रतिक्रिया
गोल्टी कांद्याचा आकार व रंग याची मला कल्पना आहे. मात्र रास्त दर न देता मातीमोल दराने बोली लागल्याने मी माल दिला नाही. किलोला १२ रुपये खर्च असताना दीड रुपया बोली लागते, हे दुर्दैवी आहे. 
- सतीष कापडणीस, कांदा उत्पादक, द्याने, ता. सटाणा 

नामपूर बाजार समितीत १ रुपये ६० पैसे किलोने कांदा विकला असताना किमान ५ रुपये किलोचे दर दाखविले. शेतकऱ्यांचे दुर्दैव हे आहे, जे लोक खोटे बोलतात त्यांच्याच दारात परत कांदा विक्री करावी लागणार आहे. शासनाचा बाजार समित्या व व्यापारी वर्गावर अंकुश नाही. 
- अभिमन पगार, जिल्हा उपाध्यक्ष, राज्य कांदा उत्पादक शेतकरी संघटना 


इतर बातम्या
सोमवारपासून पावसाचा प्रभाव कमी होणार पुणे : दक्षिण कोकण व मध्य महाराष्ट्रात पावसाने...
कृषी परिषदेत संचालक नेमण्यासाठी मुहूर्त...पुणे ः राज्याच्या कृषी संशोधनाला चालना देण्यासाठी...
कोकणात जोरदार पाऊसपुणे : कोकणातील बहुतांशी भागांत पावसाने चांगलेच...
अमरावती विभागात कर्जवाटपात...यवतमाळ : पीककर्ज वाटपासाठी शासनाने बँकांना...
आदिवासींच्या जमिनींचा शोध घेण्यासाठी ‘...बुलडाणा : संग्रामपूर तालुक्यातील चिचारी येथील...
‘एफआरपी’चा अभ्यास सुरू पुणे ः राज्यातील ऊस उत्पादक शेतकऱ्यांना दिल्या...
‘क्रॉपसॅप’ प्रकल्पात १७ पिकांचा समावेश पुणे ः राज्यात यंदा पिकांवरील कीड-रोग सर्वेक्षण व...
यवतमाळमध्ये ६५ लाखांचे बोगस बीटी...यवतमाळ : जिल्ह्यात खरिपाची लगबग सुरू आहे. याचा...
काळ्याफिती लावून किसानपुत्रांचे आंदोलनआंबेजोगाई, जि. बीड : किसानपुत्र आंदोलनाच्या...
हमीभावाने एक हजार क्विंटल मका खरेदीऔरंगाबाद : आधारभूत किमतीने शेतीमाल खरेदी...
नांदेडमध्ये खरीप पेरणी सुरूनांदेड : जिल्ह्यात जून महिन्याच्या प्रारंभापासून...
‘पशुसंवर्धन’च्या योजनांसाठी केंद्राकडून...पुणे ः पशुसंवर्धनाबरोबरच दूध आणि प्रक्रिया उद्योग...
पीककर्ज व्याज सवलत योजनेस ३० जूनपर्यंत...अकोला : शेतकऱ्यांनी खरीप हंगामासाठी पेरणीच्या आधी...
पुणे जिल्ह्यातील आठवडी बाजार बंदचपुणे : ग्रामीण भागातील अर्थ व्यवस्थेचा कणा असलेले...
औरंगाबाद, जालना, बीड जिल्ह्यांत तीन...औरंगाबाद : यंदाच्या खरीप हंगामात १५ जून...
जळगाव जिल्ह्यातील कृषी केंद्रांची तपासणीजळगाव ः जिल्ह्यात कृषी केंद्रांमधील बियाणे साठा,...
नगरमध्ये साडेपाच हजार हेक्टरवर फळबाग... नगर : नगर जिल्ह्यात गेल्या वर्षाप्रमाणे यंदाही...
मराठवाड्यात पीककर्ज वाटप धीम्या गतीनेच औरंगाबाद : मराठवाड्यात यंदाच्या खरीप हंगामासाठी...
कोल्हापुरात पाऊस सुरूच; नद्यांच्या...कोल्हापूर : जिल्ह्याच्या बहुतांशी भागात पावसाच्या...
साखर कारखान्यांच्या कर्जांची चौकशी करानगर : शेतकऱ्यांना पीककर्ज द्यायचे झाल्यास अत्यंत...