agriculture news in marathi, nana patole demands for take a action against chief minister of maharashtra and karnatak | Agrowon

महाराष्ट्र, कर्नाटकच्या मुख्यमंत्र्यांवर गुन्हे दाखल करा ः नाना पटोले

टीम अॅग्रोवन
बुधवार, 14 ऑगस्ट 2019

सांगली  : राज्यातील आपत्ती व्यवस्थापनाला पावसाबाबत सूचना देऊनही त्यांनी दुर्लक्ष केले. मुख्य सचिवांना नोटीस देऊनही कसूर केली. आता महाराष्ट्र व कर्नाटकचे मुख्यमंत्री एकमेकांना दोष देत आहेत. या दोघांविरुद्ध ३०२ चे गुन्हे दाखल करावेत, यासाठी याचिका दाखल करणार असल्याची माहिती अखिल भारतीय किसान काँग्रेसचे अध्यक्ष माजी खासदार नाना पटोले यांनी दिली.

सांगली  : राज्यातील आपत्ती व्यवस्थापनाला पावसाबाबत सूचना देऊनही त्यांनी दुर्लक्ष केले. मुख्य सचिवांना नोटीस देऊनही कसूर केली. आता महाराष्ट्र व कर्नाटकचे मुख्यमंत्री एकमेकांना दोष देत आहेत. या दोघांविरुद्ध ३०२ चे गुन्हे दाखल करावेत, यासाठी याचिका दाखल करणार असल्याची माहिती अखिल भारतीय किसान काँग्रेसचे अध्यक्ष माजी खासदार नाना पटोले यांनी दिली.

येथे आयोजित पत्रकार परिषदेत श्री. पटोले बोलत होते. ते म्हणाले की, सांगली आणि कोल्हापूर जिल्ह्यात नऊ दिवस महापुराचे तांडव सुरू आहे. शासन यंत्रणा अपयशी ठरली आहे. हा केवळ राजकीय आरोप नसून वस्तुस्थिती आहे. अतिवृष्टीबाबत २ तारखेपासून सातत्याने आपत्ती व्यवस्थापनाला सूचना केल्या आहेत. तरीही, त्यांनी मुद्दामहून दुर्लक्ष केले. मुख्यमंत्री फडणवीस महाजनादेश दौऱ्यावर होते. पाच तारखेला राज्याच्या मुख्य सचिवांना आम्ही नोटीसदेखील दिली. आपत्ती व्यवस्थापन कायद्यानुसार तत्काळ कारवाई केली नाही, तर सर्वोच्च न्यायालयात दाद मागता येते.

२००५ च्या महापुरावेळी दिवंगत नेते पतंगराव कदम, आर. आर. पाटील यांनी आलमट्टी धरणातील पाणीसाठ्याबाबत कर्नाटकला कळवून प्रसंगी ते फोडण्याचा इशारा दिला होता. आता महाराष्ट्र व कर्नाटकात भाजपचेच सरकार आहे. तरीही, दोन्ही मुख्यमंत्री एकमेकांना दोष देत आहेत. त्यामुळे या प्रकरणात दोघांवर ३०२ चे गुन्हे दाखल करावेत, यासाठी याचिका दाखल करण्याची तयारी केली आहे.

श्री. पटोले म्हणाले, ‘‘पूरग्रस्तांना मदतीसाठी अन्य जिल्ह्यांतून मदत येत असताना ‘आरएसएस’ने स्वत:चे लेबल त्यावर लावून ते वाटप केले आहे. पूरग्रस्तांना बाहेर काढण्यासाठीदेखील ज्या भागातून मतदान मिळाले तेथे बोट प्रथम पाठवली गेली असल्याच्या तक्रारी आहेत. सांगली-कोल्हापुरातील पूरस्थिती हाताळण्यासाठी सैन्याकडे सर्व जबाबदारी द्यायला हवी होती. या संकटाला राष्ट्रीय आपत्ती म्हणून घोषित केले तरच पूरग्रस्तांना न्याय मिळू शकतो.’’  


इतर ताज्या घडामोडी
या आठवड्यात ढगाळ, थंड, कोरडे हवामान...महाराष्ट्राच्या मध्य भागावर पूर्व व पश्‍चिम...
सकस चाऱ्या‍साठी बीएचएन - १० संकरित...महाग खुराकातील काही भाग स्वस्त चाऱ्या‍मधून देणे...
माथाडी कामगारांच्या प्रश्‍नांसाठी लवकरच...पुणे  ः माथाडी आणि कामगार कायदा गुंतागुंतीचा...
नगर, नाशिकला पुढील वर्षी ऊसदरात फटका ?नगर ः नगर, नाशिकसह राज्याच्या अनेक भागांत उशिरा...
धरण कालवा सल्लागार समितीची आज नगरला बैठकनगर  : मुळा, भंडारदरा व निळवंडे धरणांच्या...
परभणीत मूग, उडदाचा पीकविमा परतावा मंजूरपरभणी  ः पंतप्रधान पीकविमा योजनेअंतर्गत खरीप...
सिंचन सुविधा बळकटीकरणावर भर देणार :...चंद्रपूर   ः ‘‘शेतकऱ्यांच्या जीवनात...
नांदेड, परभणी, हिंगोलीत चार हजारांवर...नांदेड : किमान आधारभूत किंमत योजनेअंतर्गत...
इराण–भारतादरम्यान कृषी उत्पादनांचा...मुंबई : महाराष्ट्र हे देशातील औद्योगिक...
छत्रपती राजर्षी शाहू महाराज यांचे...कोल्हापूर  : या देशात राजे अनेक झाले, पण...
नाशिकच्या वैभवशाली इतिहासाला मिळणार...नाशिक : नाशिक जिल्ह्याच्या स्थापनेस दीडशे वर्ष...
स्मार्टसिटी वादात शेतकऱ्यांवर अन्याय...नाशिक : नाशिक शिवारातील हनुमानवाडी व मखमलाबाद...
धुळे जिल्हा परिषदेत आता सभापती निवडीकडे...धुळे ः अध्यक्ष, उपाध्यक्ष निवडीनंतर जिल्हा...
सांगली जिल्ह्यात ९३८ कोटींची ऊसबिले थकीतसांगली ः जिल्ह्यातील बहुसंख्य साखर...
शेतमालाला मार्केटिंगची जोड दिल्याने...अकोला : जो शेतमाल पिकवला त्याची स्वतः विक्री...
पुण्यात कांदा, लसूण, बटाट्याच्या दरात...पुणे ः गुलटेकडी येथील पुणे कृषी उत्पन्न बाजार...
पुणे जिल्ह्यात `कृषी, उद्योग, ऊर्जा’...पुणे : जिल्ह्याच्या २०२०-२१ च्या प्रारूप वार्षिक...
‘टेंभू’चे आवर्तन पुढील आठवड्यात...सांगली : टेंभू उपसा सिंचन योजनेचे आवर्तन सुरू करा...
भंडारा : केवळ खरेदी केंद्रांवरच मिळतोय...भंडारा : महाविकास आघाडीकडून ५०० रुपयांचे बोनस आणि...
जळगाव जिल्ह्यात शासकीय धान्य खरेदीला...जळगाव : जिल्ह्यातील तीन केंद्रांमध्ये सोयाबीनची व...