agriculture news in marathi, In Nanded district, crops of 65,000 hectares have been affected due to heavy rain | Agrowon

नांदेड जिल्ह्यात ६५ हजार हेक्टरवरील पिकांना अतिवृष्टीचा फटका
टीम अॅग्रोवन
सोमवार, 20 ऑगस्ट 2018

नांदेडः गेल्या आठवड्यामध्ये झालेली अतिवृष्टी, पुरांमुळे जिल्ह्यातील ६५ हजार हेक्टरवरील खरीप तसेच फळपिकांचे नुकसान झाले असल्याचा प्राथमिक अंदाज आहे. माहूर, किनवट, हिमायतनगर या तीन तालुक्यांमध्ये सर्वाधिक नुकसान झाले असल्याचे कृषी विभागाच्या सूत्रांनी सांगितले. दरम्यान, नुकसानाची पंचनामे करून आर्थिक मदत द्यावी, अशी मागणी शेतकऱ्यांमधून केली जात आहे.

नांदेडः गेल्या आठवड्यामध्ये झालेली अतिवृष्टी, पुरांमुळे जिल्ह्यातील ६५ हजार हेक्टरवरील खरीप तसेच फळपिकांचे नुकसान झाले असल्याचा प्राथमिक अंदाज आहे. माहूर, किनवट, हिमायतनगर या तीन तालुक्यांमध्ये सर्वाधिक नुकसान झाले असल्याचे कृषी विभागाच्या सूत्रांनी सांगितले. दरम्यान, नुकसानाची पंचनामे करून आर्थिक मदत द्यावी, अशी मागणी शेतकऱ्यांमधून केली जात आहे.

नांदेड जिल्ह्यात गेल्या आठवड्यात दोन दिवस अतिवृष्टी झाली. अनेक मंडळांमध्ये १०० मिलिमीटरपेक्षा अधिक पाऊस झाला. शुक्रवारी (ता. १७) सकाळी आठपर्यंतच्या २४ तासांमध्ये वाई बाजार (ता. माहूर) मंडळामध्ये २३२ मिमी पाऊस झाला होता. मुसळधार पावसामुळे ओढे, नाले, नद्यांना पूर आले. पुराचे पाणी शेतातील उभ्या पिकांमध्ये शिरले. पाण्याच्या वेगवान प्रवाहामुळे जमिनी खरडल्या, मातीचा सुपीक थर वाहून गेला. कापूस, सोयाबीन, तूर आदी पिके मुळ्या तुटल्याने पिके आडवी झाली.

माहूर तालुक्यातील ८३ गावांतील ३४ हजार ६४९ हेक्टवरील खरीप तसेच बागायती पिके अतिवृष्टीमुळे बाधित झाली आहेत. त्यापैकी २८ हजार ३७४ हेक्टरवरील पिकांचे ३३ टक्केपेक्षा अधिक नुकसान झाल्याचा प्राथमिक अंदाज आहे. किनवट, हिमायतनगर, हदगांव तसेच अन्य काही तालुक्यांतील पिकांचे देखील मोठ्या प्रमाणावर नुकसान झाले आहे.

जिल्ह्यातील एकूण ६५ हजार हेक्टरवरील खरीप तसेच फळ पिकांचे अतिवृष्टी, पुरांमुळे नुकसान झाले असल्याचा प्राथमिक अंदाज कृषी तसेच महसूल विभागातर्फे करण्यात आलेल्या सर्वेक्षणाद्वारे व्यक्त करण्यात आला आहे. शेतकऱ्यांच्या शेतावर जाऊन बाधित पिकांचे संयुक्त पंचनामे केल्यानंतरच प्रत्यक्ष नुकसान क्षेत्र स्पष्ट होईल, असे सूत्रांनी सांगितले.

इतर बातम्या
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...
राज्यातील ३४ जिल्हा परिषद अध्यक्षपदाची...मुंबई ः राज्यातील ३४ जिल्हा परिषद अध्यक्षपदाची...
भारत 'या' देशाला देणार कापूस...नागपूर ः मुस्लिम बहूल असलेल्या अझरबैजान देशातील...
कांदा घेऊन जाणाऱ्या ट्रक ड्रायव्हरची...नाशिक : परराज्यांत होणाऱ्या कांद्याच्या...
हमीभाव खरेदी केंद्रावर आली वजनकाटे...अकोला ः शासनाने या हंगामात सुरु केलेल्या आधारभूत...
मराठवाड्यात रब्बी पेरणीला मिळेना गती लातूर : मराठवाड्यातील रब्बी पेरणीची गती...
परभणी जिल्ह्यात कापूस वेचणीसाठी...परभणी : जिल्ह्यात यंदाच्या हंगामात सद्य:स्थितीत...
अरुणा प्रकल्पग्रस्तांनी मांडले...सिंधुदुर्ग : आयुक्त कार्यालयावर ‘दे धडक बेधडक’...
पाण्याच्या निचऱ्यासाठी गादीवाफ्यावर धान...भंडारा ः‘पावसाच्या पाण्याचा योग्य निचरा...
अस्मानीमुळे नुकसान सोसवेना, चालविली...नाशिक : अगदी प्रतिकूल परिस्थितीत भांडवल जमा करून...
अचूक सांख्यिकीमुळे शेती उत्पन्न वाढविणे...नवी दिल्ली: बदलत्या हवामानाच्या आव्हानावर...
साखर उद्योगाने मूल्यपदार्थांकडे वळणे...पुणे: देशाच्या ग्रामीण अर्थकारणात मोलाचा वाटा...
पुणे जिल्हा परिषदेत येणार ‘महिला राज’पुणे  : जिल्हा परिषदेच्या नवीन अध्यक्ष...
पुणे बाजार समितीत रताळ्यांची २० टन आवक...पुणे  ःकार्तिकी एकादशीनिमित्ताने पुणे बाजार...
देशात कापूस उत्पादन घटणारजळगाव ः देशात सर्वाधिक कापूस उत्पादित करणाऱ्या...
कशामुळे घटले साताऱ्यातील स्ट्राॅबेरीचे...सातारा  ः जिल्ह्यात अतिपावसाचा फटका...
राष्ट्रीय कृषिमुल्य आयोगासमोर ऊस...पुणे : कायद्यातील उणिवांचा फायदा घेत ऊस उत्पादक...
साताऱ्यात पुढील वर्षी सहकारी संस्थांची...सातारा  : आगामी वर्ष हे सहकारातील विविध...
नगर जिल्हा परिषदेतही वाहताहेत...नगर ः राज्यात एकीकडे भाजपला सत्तेपासून दूर...
नुकसानग्रस्तांसाठीचे दोन हजार कोटी...मुंबई: राज्यातील ३४ जिल्ह्यांतील ३२५ तालुक्‍...