agriculture news in marathi In Nanded district, the cultivation of corona hampered farming activities | Page 2 ||| Agrowon

नांदेड जिल्ह्यात कोरोनाच्या विळख्याने शेती मशागतीची कामे रखडली

टीम अॅग्रोवन
रविवार, 16 मे 2021

नांदेड : कोरोनाच्या दुसऱ्या लाटेने ग्रामीण भागाला व्यापल्याने ऐन पेरणीच्या तोंडावर मशागतीची कामे रखडली आहेत.

नांदेड : कोरोनाच्या दुसऱ्या लाटेने ग्रामीण भागाला व्यापल्याने ऐन पेरणीच्या तोंडावर मशागतीची कामे रखडली आहेत. कोरोनाबाधितांची संख्या गावात वाढली. त्यामुळे अनेकांना रुग्णालये गाठावे लागले. इतरांना विलगीकरणात राहावे लागले. यामुळे पेरणीपूर्व मशागतीची कामे जिल्ह्यात रेंगाळली आहेत. या सोबतच बाजार बंदमुळे पेरणीपूर्वी शेतकऱ्यांना चणचण जाणवत आहे.

कोरोनाच्या दुसऱ्या लाटेने जिल्हा ढवळून निघाला आहे. जिल्ह्यात दररोज दोन हजारांवर रुग्ण बाधित होऊ लागले. यात सर्वाधिक रुग्ण ग्रामीण भागातील होते. या काळात संसर्गाला आळा घालण्यासाठी प्रशासनाने अनेक गावांच्या सीमा बंद कराव्या लागल्या होत्या. परिणामी, जून महिना जवळ येऊनही शेतकऱ्यांना पेरणीपूर्व कामे करण्यासाठी अडचण निर्माण झाली.

कोरोनाचा प्रादुर्भाव ग्रामीण भागात अनेकांना झाला. एका घरातील एक व्यक्ती बाधित झाला, तर इतर सर्वच लोकांना त्यांची झळ पोहोचू लागली. परिणामी, अख्खे घर यात गुंतल्याने शेती कामे जागावर राहिली. तर शेतीमालही घरीच पडून राहिला. 

हाती असलेले पैसे तर खर्च झाले. परंतु शेतीमाल तसेच नगदी पैसे देणाऱ्या भाजीपाल्याचे दरही कोसळल्याने शेतकऱ्यांना आर्थिक अडचण निर्माण झाली. कोरोनाच्या विक्राळ परिस्थितीमुळे शासनाने लागू केलेल्या लॉकडाउनचा फटका ग्रामीण भागातील नागरिकांना मोठ्या प्रमाणात बसला. परिणामी, पेरणीपूर्वी करण्यात येणारी नांगरणी, वखरणी, काडी-कचरा जमा करणे आदी कामे अद्याप शिल्लक आहेत. 

खतांची दरवाढ अडचणीची

संसर्गाची साखळी तुटावी, या साठी लॉकडाउन लागू करण्यात आला. त्याचा फटका बळिराजाला मोठ्या प्रमाणात बसला. अशातच आता खतांच्या किमती वाढत आहे. त्यामुळे यंदाचा खरीप हंगाम शेतकऱ्यांसाठी आर्थिक अडचणीचा ठरणार असल्याची शक्यता आहे.

खतांच्या किमतीबाबत शासनाकडून ठोस माहिती उपलब्ध होत नसल्याने शेतकरी संभ्रमात आहेत. तर खत विक्रेते मात्र नवीन एमआरपीनुसार खताची विक्री करत आहेत. रासायनिक खतांसह इंधनाचे दर वाढल्यामुळे शेतकऱ्यांच्या अडचणीत भर पडली आहे.


इतर बातम्या
सोमवारपासून पावसाचा प्रभाव कमी होणार पुणे : दक्षिण कोकण व मध्य महाराष्ट्रात पावसाने...
कृषी परिषदेत संचालक नेमण्यासाठी मुहूर्त...पुणे ः राज्याच्या कृषी संशोधनाला चालना देण्यासाठी...
कोकणात जोरदार पाऊसपुणे : कोकणातील बहुतांशी भागांत पावसाने चांगलेच...
अमरावती विभागात कर्जवाटपात...यवतमाळ : पीककर्ज वाटपासाठी शासनाने बँकांना...
आदिवासींच्या जमिनींचा शोध घेण्यासाठी ‘...बुलडाणा : संग्रामपूर तालुक्यातील चिचारी येथील...
‘एफआरपी’चा अभ्यास सुरू पुणे ः राज्यातील ऊस उत्पादक शेतकऱ्यांना दिल्या...
‘क्रॉपसॅप’ प्रकल्पात १७ पिकांचा समावेश पुणे ः राज्यात यंदा पिकांवरील कीड-रोग सर्वेक्षण व...
यवतमाळमध्ये ६५ लाखांचे बोगस बीटी...यवतमाळ : जिल्ह्यात खरिपाची लगबग सुरू आहे. याचा...
काळ्याफिती लावून किसानपुत्रांचे आंदोलनआंबेजोगाई, जि. बीड : किसानपुत्र आंदोलनाच्या...
हमीभावाने एक हजार क्विंटल मका खरेदीऔरंगाबाद : आधारभूत किमतीने शेतीमाल खरेदी...
नांदेडमध्ये खरीप पेरणी सुरूनांदेड : जिल्ह्यात जून महिन्याच्या प्रारंभापासून...
‘पशुसंवर्धन’च्या योजनांसाठी केंद्राकडून...पुणे ः पशुसंवर्धनाबरोबरच दूध आणि प्रक्रिया उद्योग...
पीककर्ज व्याज सवलत योजनेस ३० जूनपर्यंत...अकोला : शेतकऱ्यांनी खरीप हंगामासाठी पेरणीच्या आधी...
पुणे जिल्ह्यातील आठवडी बाजार बंदचपुणे : ग्रामीण भागातील अर्थ व्यवस्थेचा कणा असलेले...
औरंगाबाद, जालना, बीड जिल्ह्यांत तीन...औरंगाबाद : यंदाच्या खरीप हंगामात १५ जून...
जळगाव जिल्ह्यातील कृषी केंद्रांची तपासणीजळगाव ः जिल्ह्यात कृषी केंद्रांमधील बियाणे साठा,...
नगरमध्ये साडेपाच हजार हेक्टरवर फळबाग... नगर : नगर जिल्ह्यात गेल्या वर्षाप्रमाणे यंदाही...
मराठवाड्यात पीककर्ज वाटप धीम्या गतीनेच औरंगाबाद : मराठवाड्यात यंदाच्या खरीप हंगामासाठी...
कोल्हापुरात पाऊस सुरूच; नद्यांच्या...कोल्हापूर : जिल्ह्याच्या बहुतांशी भागात पावसाच्या...
साखर कारखान्यांच्या कर्जांची चौकशी करानगर : शेतकऱ्यांना पीककर्ज द्यायचे झाल्यास अत्यंत...