Agriculture news in marathi, In Nanded district, the distribution of relief aid is not even after two months | Agrowon

नांदेड जिल्ह्यात नुकसानीच्या मदतीचे वाटप दोन महिन्यानंतरही नाहीच

टीम अॅग्रोवन
रविवार, 5 डिसेंबर 2021

नांदेड : अतिवृष्टिग्रस्त शेतकऱ्यांना मदतीसाठी शासनाकडून ७५ टक्क्यांनुसार प्राप्त ४५५ कोटींची मदत जिल्हा बँकेमार्फत वाटपाचे नियोजन आहे. परंतु शंभर टक्के जमाखर्च झाल्याशिवाय बँकेमार्फत मदतीच्या वाटपाचे काम सुरु होणार नाही, अशी भूमिका घेतली आहे.

नांदेड : अतिवृष्टिग्रस्त शेतकऱ्यांना मदतीसाठी शासनाकडून ७५ टक्क्यांनुसार प्राप्त ४५५ कोटींची मदत जिल्हा बँकेमार्फत वाटपाचे नियोजन आहे. परंतु शंभर टक्के जमाखर्च झाल्याशिवाय बँकेमार्फत मदतीच्या वाटपाचे काम सुरु होणार नाही, अशी भूमिका घेतली आहे. यामुळे शेतकऱ्यांना मदत मिळण्यासाठी आणखी प्रतीक्षा करावी लागणार आहे.

जिल्ह्यात मार्च ते सप्टेंबर या कालवधीत अतिवृष्टीमुळे सहा लाख सहा हजार ४६४ हेक्टरमधील पिकांचे नुकसान झाले होते. याचा फटका आठ लाख ६१ हजार ९१८ शेतकऱ्यांना बसला. याबाबत नुकसानग्रस्तांच्या भरपाईसाठी शासनाकडून ६१२ कोटींचा निधी अपेक्षित आहे. यापैकी पहिला हप्ता म्हणून जिल्ह्याला ७५ टक्क्यांनुसार ४५५ कोटी ७२ लाखांचा निधी प्राप्त झाला. हा निधी प्रशासनाने तीन नोव्हेंबर रोजी सर्व तालुक्यांना वितरित केला आहे. या निधी वाटपाचे नियोजन पुन्हा एकदा जिल्हा बँकेकडून केले आहे.

शेतकऱ्यांच्या खात्यांत दिवाळीपूर्वी मदत जमा करण्याच्या वल्गना करणाऱ्या पदाधिकाऱ्यांचा भंडाफोड झाला आहे. जिल्हा बँकेकडे निधी वाटपाचे नियोजन होऊन दोन महिन्याचा कालावधी लोटला. परंतु अद्याप मदत जमा झाली नाही. आतापर्यंत जमाखर्चाचे काम ७० टक्के झाले आहे. ज्या बँकेत जमाखर्च झाले आहे, अशा शेतकऱ्यांना एटीएममार्फत मदत वाटप झाली. उर्वरित जमाखर्चाचे काम झाल्यानंतर बँकेमार्फत वाटप ‘ए टू झेड’ या इंग्रजी अद्याक्षरानुसार गावनिहाय सुरु होणार आहे, अशी माहिती बँक प्रशासनाकडून मिळाली. 

जिल्हा बँकेकडून जिल्ह्यात सोळा ठिकाणी एटीएम मशिन बसविणार आहेत. त्या २६ जानेवारीपर्यंत कार्यान्वित होतील. बँकेमार्फत आजपर्यंत दीड लाख एटीएम कार्ड वाटप करण्यात आले आहेत. तर एक लाख कार्ड वाटपाचे नियोजन आहे, अशी माहिती मिळाली.

शंभर टक्के जमाखर्च झाल्यानंतरच बँकेमार्फत मदत वाटपाचे काम सुरु होईल. बँकेकडून संगणक हाताळणारे ५० सेवानिवृत्त कर्मचारी कंत्राटी पद्धतीने घेतले आहेत. यासोबतच रिक्त ३३७ कर्मचाऱ्यांच्या भरतीसाठी रीतसर कार्यवाही सुरु आहे.

- अजय कदम, व्यवस्थापकीय संचालक, जिल्हा बँक, नांदेड


इतर बातम्या
अंदाजपत्रकातून कृषी क्षेत्राला काय हवे...लवकरच २०२२-२०२३ या आर्थिक वर्षातील अंदाजपत्रक...
कृषी तंत्रज्ञान,ॲक्वाकल्चर क्षेत्रातील...२०२२ च्या केंद्रीय अंदाजपत्रकाच्या पार्श्वभूमीवर...
Weather Alert : थंडीची लाट 'या'...देशातल्या वायव्य भागात थंडी अजून दोन ते तीन दिवस...
भारताच्या गहू निर्यातीची घोडदौड वेगात दक्षिण आशिया आणि दक्षिण पूर्व आशियातील वाढत्या...
Top 5 News: वऱ्हाडात तुरीची आवक वाढली1. देशातल्या वायव्य भागात थंडी अजून दोन ते तीन...
पेनटाकळी प्रकल्पबाधित गावांना तातडीने...बुलडाणा : जिल्ह्यात गेल्या काही दिवसांपासून...
नवीन बोअरवेलऐवजी `फ्लशिंग’वर भर नागपूर : उन्हाळ्यात पाण्याचे दुर्भिक्ष लक्षात...
ज्वारीच्या राखणीसाठी कणसाला संरक्षण नेवासे, जि. नगर : रब्बी हंगामातील ज्वारी आता...
वाशीमलाही मिळाला १५ कोटींचा वाढीव निधी वाशीम ः जिल्ह्यातील विकासकामांना निधीची गरज...
जळगाव जिल्ह्यातील १४ वाळू लिलाव गटाची...जळगाव ः जिल्ह्यात भडगाव, पाचोरा, चोपडा येथील तीन...
सोलापूर जिल्हा दूध संघाची निवडणूक ...सोलापूर ः राज्यात नावाजलेल्या सोलापूर जिल्हा...
शेतीमालाच्या विक्रीसाठी मूल्यसाखळी...सोलापूर ः शेतकरी उत्पादनात आता पुढे आहेत. त्यांना...
जळगाव : खासगी संस्था, सोसायट्यांच्या ...जळगाव : ओमिक्रॉनच्या वाढत्या प्रादुर्भावामुळे...
सांगलीत पीक कर्जवाटपात बॅंकांचा हात...सांगली ः रब्बी हंगामातील पिकांची पेरणी अंतिम झाली...
‘पाच हजार १२२ कुटुंबांना परभणी...परभणी ः ‘‘‘जल जीवन मिशन’ कार्यक्रमांतर्गत...
परभणीत ३८.९१ लाखांच्या निधीची कामे...परभणी ः जिल्ह्यात चालू आर्थिक वर्षात एकात्मिक...
क्षारपड जमीन सुधारणा संस्थांना ११.९०...कोल्हापूर : उर्जांकुर श्री दत्त पॉवर कंपनी...
उत्तर महाराष्ट्राला थंडीचा विळखा पुणे : उत्तर भारतातील गोठविणाऱ्या शीत वाऱ्यांमुळे...
राज्यातील ५१ अधिकारी, कर्मचाऱ्यांना...मुंबई : केंद्रीय गृहमंत्रालयाने प्रजासत्ताक...
‘सीडी रेशो’ घसरलेल्या  जिल्ह्यांमध्ये...पुणे ः कर्जवाटप व ठेवीचे गुणोत्तर (सीडी रेशो)...