Agriculture news in Marathi In Nanded, the establishment held power | Agrowon

नांदेड जिल्ह्यात प्रस्थापितांनी सत्ता राखली

टीम अॅग्रोवन
मंगळवार, 19 जानेवारी 2021

नांदेड जिल्ह्यात ग्रामपंचायत निवडणुकीचे निकाल हाती आले आहेत, यात अनेक ठिकाणी प्रस्थापितांनी सत्ता राखलीय तर काही ठिकाणी सत्तापरिवर्तन झाले आहे. ९०७ ग्रामपंचायतींसाठी मतदान झालेल्या काही ठिकाणचा निवडणूक निकाल हाती येणे बाकी आहे.

नांदेड : नांदेड जिल्ह्यात ग्रामपंचायत निवडणुकीचे निकाल हाती आले आहेत, यात अनेक ठिकाणी प्रस्थापितांनी सत्ता राखलीय तर काही ठिकाणी सत्तापरिवर्तन झाले आहे. ९०७ ग्रामपंचायतींसाठी मतदान झालेल्या काही ठिकाणचा निवडणूक निकाल हाती येणे बाकी आहे.

जिल्ह्यात शुक्रवारी (ता. १५) जानेवारीला ९०७ ग्रामपंचायतीसाठी निवडणूक झाली होती. या निवडणुकीचा निकाल सोमवारी (ता. १८) जाहीर झाला. यात अनेक ठिकाणी प्रस्थापितांनी सत्ता राखली आहे. तर काही ठिकाणी सत्तापरिवर्तन झाले आहे. राजकीय पक्षांनीही अनेक ठिकाणी आपली ग्रामपंचायत निवडून आल्याचा दावा केला आहे. यात भाजप, काँग्रेस, शिवसेना, राष्ट्रवादी काँग्रेस या संस्थानिक आघाड्यांनी आपले सर्वाधिक उमेदवार निवडून आल्याचा दावा केला आहे. दरम्यान सकाळी दहा वाजता सर्व तहसीलच्या ठिकाणी निवडणूक निकालाची प्रक्रिया सुरू झाली. यात अर्ध्या तासानंतर निकाल हाती आले.

चुरस झालेल्या ठिकाणी निकालाकडे लक्ष लागले होते. पावडेवाडी, विष्णुपुरी, मालेगाव, तुप्पा या ग्रामपंचायतीकडे विशेष लक्ष होते. यासोबतच लोहा तालुक्यातील माळाकोळी, कापसी बु., वाका, नायगाव तालुक्यातील बरबडा, मांजरम, नरसी. मुखेड तालुक्यातील मुक्रामाबाद, राजुरा, देगलूर तालुक्यातील खानापूर, हाणेगाव, बिलोली तालुक्यातील कासराळी, सगरोळी, हदगाव तालुक्यातील तामसा, निवघा बाजार, मनाठा, बनचिंचोली आदी ठिकाणी प्रस्थापितांनी सत्ता राखली आहे. दुपारी तीन पर्यंत अनेक गावांचा निकाल बाकी होता. संवेदनशील गावांचा निकाल बाकी ठेवल्याची माहिती प्रशासनाकडून देण्यात आली. विजयी उमेदवारांनी अनेक ठिकाणी विजयी मिरवणुका काढल्या. तर पराभूत उमेदवार मात्र हिरमुसले होते. दरम्यान शासकीय तंत्रनिकेतनच्या मतमोजनी केंद्रावर जिल्हाधिकारी डॉ. विपीन, जिल्हा पोलीस अधीक्षक प्रमोद शेवाळे, तहसीलदार श्री. अंबेकर आदींनी भेट देऊन मतदान मतमोजणी प्रक्रियेची पाहणी केली.


इतर ताज्या घडामोडी
पांडुरंग साखर कारखाना उताऱ्यात...सोलापूर : पांडुरंग साखर कारखान्याने २५ लाख ७७...
अकोला झेडपीच्या कृषी विभागाचे दहा...अकोला : जिल्हा परिषद कृषी विभागाला आगामी आर्थिक...
नाशिक जिल्ह्यात अवकाळीचा दोन हजार...नाशिक : जिल्ह्यात अवकाळी व गारपिटीमुळे झालेल्या...
कपाशीचा उत्पादन खर्च कमी करण्याची गरज ः...नांदेड ः ‘‘जगाच्या तुलनेत आपल्या देशात कपाशीची...
खानदेशातील तुरीच्या आवकेत ४० टक्के घटजळगाव ः खानदेशातील प्रमुख बाजार समित्यांमध्ये...
कीटकनाशक फवारणीला अनुदान द्या : आंबा...मुंबई : कोकण किनारपट्टीच्या भागात १८ व १९...
पारनेर : महावितरणच्या विरोधात शेतकरी...निघोज, ता. पारनेर : विहिरीत पाणी असूनही पिकांना...
खानदेशात ऊसगाळप राहणार मार्चअखेरपर्यंत...जळगाव ः  खानदेशात सुमारे १६ लाख टन ऊस गाळप...
कोल्हापुरात आग्या मधमाशा जतन,...कोल्हापूर : आग्या मधमाशा जतन आणि संवर्धनासाठी...
शेतकऱ्यांना अडचणीत आणू नका ः डॉ. पवारनाशिक : ‘‘वीज महावितरणच्या मनमानी...
संभाव्य निर्बंध, लॉकडाउनमुळे द्राक्ष...नाशिक : कोरोनाच्या पार्श्‍वभूमीवर करण्यात...
सिंधुदुर्गमध्ये होणार ड्रोनद्वारे होणार...सिंधुदुर्गनगरी : शासनाच्या स्वामित्व योजनेतर्गत...
मराठीला अभिजात दर्जा मिळविणारच :...मुंबई : ‘छत्रपती शिवाजी महाराजांच्या या भाषेला,...
खामसवाडीत नुकसानग्रस्त पिकांची होणार...खामसवाडी, जि. उस्मानाबाद : परिसरात १९ फेबुवारी...
किमान २५ टक्के शेतीमालावर प्रक्रिया...जालना : ‘‘उत्पादित केलेल्या किमान २५ टक्के...
नगर जिल्ह्यात पाच हजारांवर शेतकऱ्यांना...नगर ः जिल्ह्यातील २०१९ - २० चा खरीप व रब्बी हंगाम...
सोसायट्यांच्या वसुलीपूर्वी प्रोत्साहन...सातारा : आता मार्च महिन्यात सोसायट्यांची...
केळीसाठी एकात्मिक अन्नद्रव्य व्यवस्थापनएकात्मिक अन्नद्रव्ये व्यवस्थापनामुळे पिकास...
सकाळी थंड, तर दुपारी उष्ण हवामानमहाराष्ट्रावर १०१० हेप्टापास्कल इतका हवेचा दाब...
अकोला : अवकाळी, गारपीटग्रस्तांना १७...अकोला ः गेल्या वर्षात जिल्ह्यात फेब्रुवारी ते मे...