Agriculture news in marathi Nanded, Parbhani and Hingoli Districts with guaranteed purchase of tour 66 thousand quintal | Agrowon

नांदेड, परभणी, हिंगोली जिल्ह्यांत हमीभावाने ६६ हजारांवर क्विंटल तुरीची खरेदी

टीम अॅग्रोवन
मंगळवार, 24 मार्च 2020

नांदेड : नांदेड, परभणी, हिंगोली या जिल्ह्यांमध्ये २३ खरेदी केंद्रांवर शुक्रवार(ता. २०)पर्यंत एकूण ९ हजार १६४ शेतकऱ्यांची ६६ हजार ७२ क्विंटल एवढ्या तुरीची खरेदी करण्यात आली आहे. 

नांदेड : केंद्र शासनाच्या किमान आधारभूत किंमत योजनेअंतर्गत हमीभावाने राज्य सहकारी पणन महासंघ आणि विदर्भ सहकारी पणन महासंघ अंतर्गत नांदेड, परभणी, हिंगोली या जिल्ह्यांमध्ये २३ खरेदी केंद्रांवर शुक्रवार(ता. २०)पर्यंत एकूण ९ हजार १६४ शेतकऱ्यांची ६६ हजार ७२ क्विंटल एवढ्या तुरीची खरेदी करण्यात आली आहे. कोरोना विषाणूचा संसर्ग टाळण्यासाठी खरेदी केंद्रावरील गर्दी कमी करण्यासाठी नियोजन करण्यात आले आहे.

प्रत्येक केंद्रावरून दररोज ५ ते १० शेतकऱ्यांना एसएमएसद्वारे केंद्रांवर तूर घेऊन येण्यासाठी सांगितले जात आहे. त्यामुळे तूर खरेदीची गती काहीशी मंदावली आहे, असे सूत्रांनी सांगितले.

नांदेड जिल्ह्यात जिल्हा पणन अधिकारी कार्यालयाअंतर्गत नांदेड, हदगाव, किनवट, मुखेड येथील केंद्रावर आणि विदर्भ सहकारी महासंघाच्या भोकर, धर्माबाद, नायगाव येथील केंद्रावर तूर खरेदी केली जात आहे. जिल्हा पणन अधिकारी कार्यालयाअंतर्गत ८ हजार ७८७ शेतकऱ्यांनी नोंदणी केली आहे. शुक्रवार (ता. २०) पर्यंत २ हजार २३४ शेतकऱ्यांची ९ हजार ९१९.९५ क्विंटल तूर खरेदी करण्यात आली, असे जिल्हा विपणन अधिकारी सुधीर पाटील यांनी 
सांगितले. 

जिल्ह्यात विदर्भ सहकारी पणन महासंघातर्फे १ हजार ५३४ शेतकऱ्यांची ७ हजार ५८९.५ क्विंटल तूर खरेदी करण्यात आली. राज्य सहकारी पणन महासंघअंतर्गत जिल्हा पणन अधिकारी कार्यालयातर्फे परभणी जिल्ह्यातील परभणी, जिंतूर, सेलू, पाथरी, सोनपेठ, पालम, पूर्णा या सात केंद्रावर मिळून एकूण २२ हजार ४३४ शेतकऱ्यांनी आणि हिंगोली जिल्ह्यातील हिंगोली, कन्हेरगाव, कळमनुरी, वसमत, जवळाबाजार, सेनगाव, साखरा येथील केंद्रांवर मिळून एकूण १३ हजार ९४७ शेतकऱ्यांनी आॅनलाइन नोंदणी केली आहे. 

पणन अधिकारी कार्यालयाअंतर्गत परभणी जिल्ह्यात १ हजार २८५ शेतकऱ्यांची ११ हजार ८८३.५७ क्विंटल आणि हिंगोली जिल्ह्यात २ हजार ३९७ शेतकऱ्यांची २३ हजार ५७५.९० क्विंटल तूर खरेदी करण्यात आली असे जिल्हा विपणन अधिकारी मिलिंद कापुरे यांनी सांगितले.
विदर्भ सहकारी महासंघातर्फे परभणी जिल्ह्यातील मानवत आणि गंगाखेड येथील केंद्रावर मिळून एकूण १ हजार ७१४ शेतकऱ्यांची १३ हजार १०४ क्विंटल तूर खरेदी करण्यात आली, असे जिल्हा व्यवस्थापक भागवत सोळंके यांनी सांगितले.

खुल्या बाजारातील तुरीचे दर कमी आहेत. त्यामुळे हमीभाव खरेदी केंद्रांवर तूर विक्री करण्यासाठी तीन जिल्ह्यांतील ३५ हजारांवर शेतकऱ्यांनी आॅनलाइन नोंदणी केली आहे. आजवर नोंदणी केलेल्या शेतकऱ्यांपैकी ८० ते ९० शेतकऱ्यांना दररोज एसएमएस पाठवून खरेदी केंद्रांवर तूर आणण्यास सांगितले जात असे, परंतु कोरोना विषाणूचा संसर्ग टाळण्यासाठी प्रत्येक केंद्रावरून दररोज ५ ते १० शेतकऱ्यांना एसएमएस पाठविले जात आहेत, असे सूत्रांनी सांगितले 

हरभरा विक्रीसाठी चार हजारांवर नोंदणी

हमीभावाने हरभरा खरेदीसाठी शेतकऱ्यांची आॅनलाइन नोंदणी सुरू झाली आहे. या तीन जिल्ह्यांत ४ हजार १२२ शेतकऱ्यांनी हरभरा विक्रीसाठी नोंदणी केली आहे. हरभऱ्याची उत्पादकता जाहीर करण्यात आली आहे. पुढील महिन्यात खरेदी सुरू होऊ शकते, असे सूत्रांनी सांगितले.

जिल्हानिहाय हमीभाव तूर खरेदी स्थिती (क्विंटलमध्ये)

जिल्हा  तूर खरेदी शेतकरी संख्या
नांदेड १७५०९.४५ ३७६८
परभणी  २४९८७.५७ २९९९
हिंगोली २३५७५.९०  २३९७

 


इतर ताज्या घडामोडी
डॉक्टरांनाही आता कोरोनाचे भयनवी दिल्ली : कोरोनाचे भय सर्वसामान्यांबरोबरच...
डॉक्टरांचे निवृत्तीचे वय अठावन्नच; ...औरंगाबाद : आरोग्य विभागाअंतर्गत येणारे...
थेट कलिंगड विक्रीतून नुकसान टाळण्याचा...सिंधुदुर्ग : सूक्ष्म नियोजनातून जिल्ह्यातील गडमठ...
सव्वा लाख ‘आयुष’ डॉक्टरांना प्रशिक्षण...मुंबई : कोरोनाला रोखण्यासाठी आवश्यक ते प्रशिक्षित...
सरपंचासह सदस्यांना विमामसंरक्षण द्यानगर ः कोरोना व्हायरसचा प्रादुर्भाव रोखण्यासाठी...
पुणे जिल्ह्यातील शेतकरी गटांकडून १२४...पुणे ः नागरिकांना दररोज ताजा भाजीपाला...
पुणे बाजार समितीत भाजीपाल्याची ९ हजार...पुणे ः ‘कोरोना’ लॉकडाऊनमध्ये बाजार समितीमधील...
नांदेड जिल्ह्यात हमीभावाने तूर खरेदी...नांदेड ः किमान आधारभूत किंमत खरेदी योजनेअंतर्गंत...
कोरोनास्थितीचा गैरफायदा : पुणे...पुणे ः ‘कोरोना’ विषाणूचा संसर्ग वाढत असल्याने...
पोल्ट्री उत्पादकांना वीज दरात सवलत...पुणे : ‘कोरोना’च्या पार्श्वभूमीवर कोंबड्यांबाबत...
भंडाऱ्यातील दूध प्रक्रिया उद्योग सुरू...भंडारा ः भंडारा जिल्हा हा दूध उत्पादक जिल्हा आहे...
‘भुदरगड नॅचरल फार्मर्स’कडून ममता बाल...कोल्हापूर : भुदरगड नॅचरल फार्मस कंपनीच्या...
दर घसरल्यामुळे टोमॅटो उत्पादकांचे नुकसानपरभणी ः टोमॅटोच्या दरात गेल्या महिनाभरापासून मोठी...
‘कोरोना’च्या चाचणी, रोगनिदानासाठी...परभणी ः परभणी येथील पशुवैद्यक व पशुविज्ञान...
बाळापूर तालुक्यात वादळी वाऱ्यामुळे गहू...बाळापूर, जि. अकोला : तालुक्यात शनिवारी (ता. ४)...
अनुकूल हवामानात होते पिकांची चांगली वाढमागील भागात आपण गहू, हरभरा, रब्बी ज्वारी, कापूस,...
काय करावं ? दर, विक्रीव्यवस्था नसल्याने...अंतापूर, जि. नाशिक : सटाणा तालुक्यातील अंतापूर,...
शेतमाल वाहतुकीसाठी नगर जिल्ह्यात दोन...नगर ः लाॅकडाऊनच्या काळात भाजीपाला, फळे विक्रीसाठी...
पिंपळगांवला मागणी कमी झाल्याने दूध...पिंपळगांव बसवंत, जि. नाशिक ः लॉकडाऊनसह...
पोलीस बंदोबस्तात `माळेगाव`चा पदभार...माळेगाव, जि. पुणे : साखर आयुक्तांच्या आदेशान्वये...