Agriculture news in Marathi, The Nashik district was badly damaged by rain | Agrowon

नाशिक जिल्ह्याला जोरदार पावसाने झोडपले
टीम अॅग्रोवन
मंगळवार, 9 जुलै 2019

नाशिक : जिल्ह्यात सलग तिसऱ्या दिवशी संततधार कायम असून, रविवारी (ता. ७) दिवसभर पाऊस शहर व परिसरात ठाण मांडून होता. जिल्ह्यात सोमवारी (ता. ८) सकाळी आठ वाजेपर्यंत ७२६ मिमी पावसाची नोंद झाली. या झालेल्या जोरदार पावसामुळे गोदावरी नदीच्या पाणीपातळीत वाढ होऊन गोदावरीला पहिला पूर आला. सलग तीन दिवस पावसाने जोर धरल्यामुळे नाशिक, त्र्यंबकेश्‍वर व इगतपुरी तालुक्याला अक्षरश: झोडपून काढले. त्र्यंबकेश्‍वरमध्ये धरणांच्या पाणलोट क्षेत्रांत पाऊस झाल्याने धरणसाठ्यात वाढ होऊ लागली आहे.

नाशिक : जिल्ह्यात सलग तिसऱ्या दिवशी संततधार कायम असून, रविवारी (ता. ७) दिवसभर पाऊस शहर व परिसरात ठाण मांडून होता. जिल्ह्यात सोमवारी (ता. ८) सकाळी आठ वाजेपर्यंत ७२६ मिमी पावसाची नोंद झाली. या झालेल्या जोरदार पावसामुळे गोदावरी नदीच्या पाणीपातळीत वाढ होऊन गोदावरीला पहिला पूर आला. सलग तीन दिवस पावसाने जोर धरल्यामुळे नाशिक, त्र्यंबकेश्‍वर व इगतपुरी तालुक्याला अक्षरश: झोडपून काढले. त्र्यंबकेश्‍वरमध्ये धरणांच्या पाणलोट क्षेत्रांत पाऊस झाल्याने धरणसाठ्यात वाढ होऊ लागली आहे.

जूनमध्ये महिनाभर पाठ फिरवणाऱ्या पावसाने जुलैच्या पहिल्या आठवड्यात दमदार हजेरी लावली असून, तीन दिवसांपासून नाशिक शहर परिसरासह विविध तालुक्यांत जोरदार पाऊस झाला. नाशिक शहरात शनिवार (ता. ६) रात्रीपासून जोरदार पावसाला सुरवात होऊन रविवारी दिवसभर तो सुरूच असल्याने ठिकठिकाणच्या सखल भागांत पाणी साचले होते. 

गोदावरी नदीला पावसाळ्यात पहिला पूर आला. सायंकाळी ७ वाजता अहिल्यादेवी होळकर पुलाजवळ पाण्याचा वेग ६२८७ क्यूसेक इतका विसर्ग होता. नासर्डी व वालदेवी नदीच्या पातळीतही लक्षणीय वाढ झाली. नदीच्या पाणीपातळीत अचानक वाढ झाली. पुराच्या पाण्यात अनेक वाहने अडकून पडली. शहरात नाशिकरोड, सिडको, सातपूरसह अन्य उपनगरांतही पावसामुळे नागरिकांचे हाल झाले. सिडकोत अनेक घरांमध्ये पाणी शिरले होते. 

त्र्यंबकेश्‍वर व इगतपुरी तालुक्यातही संततधार कायम राहिल्याने सर्वत्र पाणी पाणी झाले होते. या पावसामुळे त्र्यंबकेश्‍वर शहरातील रस्त्यांवर पाणी खळाळून वाहत होते. यामुळे शहरातील जनजीवन विस्कळित झाले. नाशिक - त्र्यंबक रस्त्यावर पिंपळगाव बहुला येथे रस्ता पाण्याखाली गेल्याने नाशिक व त्र्यंबकेश्‍वर यांच्यातील वाहतुकीचा संपर्क तुटला होता. त्यामुळे या रस्त्यावरील वाहतूक काहीकाळ बंद करण्यात आली. इगतपुरी तालुक्यात अस्वली स्टेशन ते मुंढेगाव रस्ता पाण्याखाली गेल्याने वाहतूक अन्य मार्गाने वळविण्यात आली. 

जिल्ह्यातील पेठ, सिन्नर, दिंडोरी व सुरगाण्यातही चांगल्या पावसाचे आगमन झाले. तर देवळा, कळवण, येवला, नांदगाव आणि मालेगाव या तालुक्यांकडे मात्र पावसाने पाठ फिरवली. या पावसामुळे बळिराजा सुखावला असून, ग्रामीण भागांत भात, मका, बाजरी, सोयाबीन, नागलीसह खरिपाच्या पेरण्यांना वेग आला आहे.

धरणसाठ्यात लक्षणीय वाढ
नाशिक, त्र्यंबकेश्‍वर व इगतपुरी तालुक्यांत सुरू असलेल्या संततधारेमुळे गंगापूर व दारणा धरणांच्या पाणीपातळीत लक्षणीय वाढ झाली. गंगापूर धरणातील साठा १९०६ दलघफूवर पोचला असून, त्याची टक्केवारी ३४ इतकी झाली आहे. तर समूहातील अन्य धरणांपैकी गौतमी-गोदावरी धरणातील पाणीसाठा ३९८ दलघफू ( २१%) आणि कश्यपीत पाणीसाठा ४५३ दलघफू( २४%) झाली आहे. इगतपुरी तालुक्यात पावसाचा जोर कायम आहे. त्यामुळे दारणा धरणात पाणीसाठा २७४६ दलघफू( ३८ %) झाली आहे तर भावली धरणात  सध्या ५६१ दलघफू (३९%), मुकणेत ८६८ दलघफू (१२%) पाणी जमा झाले आहे.

इतर बातम्या
मराठवाड्यातील ३७१ मंडळांमध्ये पाऊसऔरंगाबाद/ परभणी ः मराठवाड्यातील आठ जिल्ह्यांतील...
पुणे जिल्ह्यात संततधार पाऊसपुणे : पुणे जिल्ह्यात सर्वदूर शनिवारपासून (ता. १९...
पावसामुळे भात उत्पादक धास्तावलेपुणे : दोन ते तीन दिवसांपासून पावसाने पुन्हा...
नांदेड, परभणी, हिंगोली जिल्ह्यांत ५...नांदेड : विधानसभा निवडणुकीसाठी नांदेड, परभणी,...
बुलडाणा जिल्ह्यात २० लाख ३९ हजार मतदार...बुलडाणा : जिल्ह्यात बुलडाणा, चिखली, मलकापूर,...
वाशीम जिल्ह्यात विधानसभेसाठी आज मतदानवाशीम : विधानसभा सार्वत्रिक निवडणुकीसाठी सोमवारी...
रत्नागिरी जिल्ह्यातील पावसामुळे भातशेती...रत्नागिरी ः गेली चार ते पाच दिवस जिल्ह्यात...
सोयाबीन भिजल्याने वाढल्या अडचणीअमरावती ः शेतात सोंगून ठेवलेले सोयाबीन दोन...
नगर : दोन दिवसांपासून जिल्हाभरात...नगर ः नगर जिल्ह्यामध्ये गेल्या दोन दिवसांपासून...
सातारा जिल्ह्यात सर्वत्र दमदार पाऊससातारा : जिल्ह्यात सलग दुसऱ्या दिवशी वादळी...
पावसाने कऱ्हाड-पाटणच्या शेतकऱ्यांचा...कऱ्हाड, जि. सातारा ः मुसळधार पावसाने कऱ्हाड-पाटण...
शेतकऱ्यांच्या तोंडचा घास हिरावलापुणे  : राज्यात मॉन्सूनोत्तर पावसाने मुसळधार...
वादळी पावसाचा इशारा कायमपुणे : अरबी समुद्रात तयार झालेले कमी दाबाचे...
‘महाराष्ट्रा’साठी आज मतदान ! तयारी पूर्णमुंबई : चौदाव्या विधानसभेच्या निवडणुकीसाठी...
केंद्राने कांद्यावरील निर्यातबंदी...नाशिक : कांदा बाजारभावात होत असलेली घसरण...
सुप्रसिद्ध पैलवान दादू चौगुले यांचे निधनकोल्हापूर : हिंदकेसरी, रुस्तुम ए हिंद, महाराष्ट्र...
आज, उद्या पावसाचा अंदाज कायमपुणे : अरबी समुद्रात कमी दाबाच्या क्षेत्राचे...
उजनी धरणातून भीमा नदीत पुन्हा ३० हजार...सोलापूर  ः पुणे जिल्ह्यात पावसाने पुन्हा...
राजापूर, रत्नागिरी, संगमेश्‍वर...रत्नागिरी  ः राजापूर, रत्नागिरीसह संगमेश्‍वर...
कापूस उत्पादकता वाढीसाठी शासनाने...अकोला : महाराष्ट्रात कापूस लागवड क्षेत्र...