नाशिक जिल्ह्यात पावसामुळे पूर्वहंगामी टोमॅटोला फटका

नाशिक जिल्ह्यात पावसामुळे पूर्वहंगामी टोमॅटोला फटका
नाशिक जिल्ह्यात पावसामुळे पूर्वहंगामी टोमॅटोला फटका

नाशिक : संततधार सुरू असलेल्या पावसामुळे पूर्वहंगामी टोमॅटोच्या लागवडीला फटका बसला. झाडांवरील पानांची संख्या कमी झाली आहे. अलीकडे जास्त पडणारे कडक ऊन व सकाळी मोठ्या प्रमाणात दव पडत असल्याने त्याचा फटका टोमॅटोच्या झाडांना बसला. परिणामी, उत्पादनात घट होण्याची शक्यता आहे. 

सुरवातीला पावसात टोमॅटोच्या झाडांची मोठ्या प्रमाणात फुलगळ झाली. सतत पडणाऱ्या पावसामुळे टोमॅटोच्या झाडांची पाने खराब झाली. त्यात सतत कोसळणाऱ्या पावसामुळे टोमॅटोवर वेळोवेळी फवारण्या करणे शेतकऱ्यांना शक्य झाले नाही. त्यात ढगाळ वातावरण असल्याने अन्नप्रक्रिया व वाढीच्या अवस्थेत अडचणी आल्या आहेत.

लागवडीच्या क्षेत्रामध्ये पाणी साचून राहिल्याने मुळांची कार्यक्षमता मंदावली असून, ‘करपा’ रोगाचा प्रादुर्भाव वाढला आहे. झाड पूर्णपणे करप्यामुळे अशक्त झाल्याने टोमॅटोच्या फुगवणयोग्य त्या प्रमाणात होण्याची शाश्वती कमी असल्याचे शेतकऱ्यांचे म्हणणे आहे. त्यामुळे उत्पादनात घट होण्याची शक्यता आहे. 

कडक ऊन असल्याने वाढलेला ‘करपा’चा प्रादुर्भाव व फळांच्या फुगवणीत अडचणी येत आहेत. प्रादुर्भाव ५० टक्के आहे. त्यात फळधारणा कमी असल्याने शेतकऱ्यांच्या उत्पादनासह उत्पन्नावर मोठा परिणाम होत आहे. त्यामुळे खूप मोठ्या प्रमाणात खर्च करून प्लॉट वाचवण्यासाठी टोमॅटो उत्पादक प्रयत्न करत आहेत. बाजारभाव चांगले आहेत. ते टिकून राहिले तर काहीतरी पदरात मिळेल, अशी अपेक्षा शेतकऱ्यांना आहे. येवला, निफाड तालुक्यातील ज्या गावांमध्ये पूर्वहंगामी लागवड आहे, त्या गावांमध्ये  ‘करपा’चा प्रादुर्भाव झाल्याने टोमॅटो उत्पादक अडचणीत सापडले आहेत. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com