नाशिकमध्ये फळ बाजार अनिश्चित काळासाठी बंद

नाशिक बाजार समितीच्या पेठरोडवरील शरदचंद्र पवार मार्केट यार्डातील फळ विभाग मंगळवारपासून (ता.१४) बंद ठेवण्याचा निर्णय व्यापारी असोसिएशनेने घेतला आहे.
नाशिकमध्ये फळ बाजार अनिश्चित काळासाठी बंद
नाशिकमध्ये फळ बाजार अनिश्चित काळासाठी बंद

नाशिक : दिवसेंदिवस कोरोना बाधितांची संख्या वाढत चालली आहे. त्यात पुणे, मुंबई येथील बाजार बंद झाल्याने येथील व्यापाऱ्यांची गर्दी वाढत आहे. खबरदारी म्हणून नाशिक बाजार समितीच्या पेठरोडवरील शरदचंद्र पवार मार्केट यार्डातील फळ विभाग मंगळवारपासून (ता.१४) बंद ठेवण्याचा निर्णय व्यापारी असोसिएशनेने घेतला आहे. नाशिक बाजार समितीच्या शरदचंद्र मार्केट यार्डातील फळ विभागात परराज्यातून फळे येत असतात, ही फळे नाशिक शहरासह जिल्ह्यात विक्री साठी जात असतात. यामुळे नाशिककरांना कोरोना विषाणूचा प्रादुर्भाव होऊ नये यासाठी उपाययोजना करीत फ्रूट असोसिएशनच्या व्यापाऱ्यांची बैठक शुक्रवारी (ता.१०) झाली. या बैठकीस महेश गुप्ता, याकुब खान, राजेंद्र कोठावदे, सुधीर कुशवाहा, राऊफ बागवान, गोरख व्यापारी, बबलू गुप्ता, राजेश गुप्ता, नरेश गुप्ता यांसह व्यापारी उपस्थित होते. यावेळी मंगळवारपासून (ता.१४) अनिश्चित काळासाठी बंद ठेवण्याचा निर्णय घेण्यात आला असून यामुळे नागरिकांना होणाऱ्या त्रासाबद्दल फ्रूट असोसिएशनने दिलगिरी व्यक्त केली आहे. मात्र गर्दी नियंत्रणात आल्यास सुरू करण्याबाबत पुनर्विचार केला जाईल, असेही यावेळी सांगण्यात आले आहे. याबाबत फ्रुट व्यापारी असोसिएशनने बाजार समितीचे सचिव अरुण काळे यांच्याकडे शनिवारी (ता.११) निवेदन सादर केले आहे.  बाहेरून गर्दी होते आहे. पुणे, वाशी, कल्याण, मुंबई बाजार बंद असल्याने येथे गर्दी वाढली आहे. खरबूज व टरबूज खरेदीसाठी गर्दी अधिक असते. त्यामुळे टप्याटप्यात व्यवहार सुरू ठेवण्याचा विचार आहे. याबाबत लवकरच निर्णय घेण्यात येईल.  - याकूब खान,अध्यक्ष, फ्रुट व्यापारी असोसिएशन

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com