‘द्राक्ष क्लस्टर’मध्ये नाशिकचा समावेश 

केंद्र सरकारने देशभरात विविध ५३ पिकांचे क्लस्टर उभारण्याचा निर्णय घेतला आहे. त्यापैकी पायलट प्रोजेक्ट म्हणून १२ पिकांची निवड करण्यात आली आहे.
grapes
grapes

नाशिक : केंद्र सरकारने देशभरात विविध ५३ पिकांचे क्लस्टर उभारण्याचा निर्णय घेतला आहे. त्यापैकी पायलट प्रोजेक्ट म्हणून १२ पिकांची निवड करण्यात आली आहे. या अनुषंगाने नॅशनल हॉर्टिकल्चर बोर्डाच्या माध्यमातून ही योजना राबविली जाणार असून, नाशिक जिल्ह्यातील द्राक्ष पिकाचा समावेश केला आहे. त्यानुसार योजनेच्या अनुषंगाने सादरीकरण बुधवारी (ता. १६) पार पडले त्यामुळे जिल्ह्यात द्राक्ष क्लस्टर डेव्हलपमेंन्ट योजनेच्या अंमलबजावणीच्या हालचाली सुरू झाल्या आहेत. 

जिल्ह्यात मोठ्या प्रमाणावर द्राक्ष उत्पादन होत असून, उत्पादन ते विक्री अशा अनेक अडचणी आहेत. तर शासनाकडून मिळणाऱ्या सुविधांचा अभाव असल्याने द्राक्ष उत्पादकांमध्ये सतत चिंता असते. त्यामुळे ही योजना दिलासा देणारी आहे. सादरीकरणावेळी खासदार हेमंत गोडसे, नाशिक विभागाचे कृषी सहसंचालक संजीव पडवळ, महाराष्ट्र राज्य द्राक्ष बागायतदार संघाचे माजी अध्यक्ष अशोक गायकवाड, अखिल भारतीय द्राक्ष निर्यातदार संघटनेचे अध्यक्ष जगन्नाथ खापरे, नॅशनल हॉर्टिकल्चर बोर्डाचे सदस्य माणिकराव पाटील, रामेतीचे प्राचार्य संजय पाटील, विभागीय अधीक्षक कृषी अधिकारी सुनील वानखेडे, नॅशनल हॉर्टिकल्चर बोर्डचे नाशिक उपसंचालक होशियार सिंग, आत्मा प्रकल्प संचालक राजेंद्र निकम, उपसंचालक हेमंत काळे आदींसह द्राक्ष उत्पादक आणि शेतकरी गटांचे पदाधिकारी मोठ्या संख्येने उपस्थित होते. 

‘ग्रँट थोर्टन’ ही कंपनी प्रकल्पाचे तांत्रिक व्यवस्थापन करणार आहे. कंपनीचे व्यवस्थापक झानीयल यांनी ऑनलाइन द्राक्ष क्लस्टरचे सादरीकरण केले. या वेळी द्राक्षांचे पिकाचे महत्त्व व उत्पादनात येणाऱ्या अडचणींवर मात करण्यासाठी उपाययोजनांबाबत माहिती दिली.  द्राक्ष उत्पादकांनी मांडल्या सूचना 

  • नावीन्यपूर्ण बाजारात मागणी असणाऱ्या वाणांच्या रोपांची निर्मिती करण्यात यावी. 
  • लागवडीपूर्वी पाणी आणि माती परीक्षण सुविधा असावी. 
  • मान्यताप्राप्त आणि अत्याधुनिक नर्सरी केंद्र उभारावेत. 
  • रोगप्रतिकारक वाणांची उपलब्धता करून द्यावी. 
  • क्लस्टरमध्ये नैसर्गिक आपत्तीत द्राक्ष बागांचे संरक्षण उपाययोजनांचा समावेश असावा. 
  • बागांच्या माहिती संकलनासाठी जी.पी.एस.द्वारे आढावा घ्यावा. 
  • जिल्हास्तरावर शीतकरण व्यवस्था व्यवस्था असावी. 
  • वाहतूक विषय महत्त्वाचा असून, वाहतुकीसाठी विशेष सुविधा निर्माण कराव्यात. 
  • प्रतिक्रिया द्राक्ष क्लस्टरमुळे शेतकऱ्यांना एकत्रित येऊन आपल्या मालाचा दर्जा सुधारता येणार आहे. उत्पादन ते विक्री अशा समस्या सहज सोडविता येणार आहेत. क्लस्टर योजना एक आर्थिक स्रोत ठरणार असून, जिल्ह्यातील अधिकाधिक शेतकऱ्यांना द्राक्ष क्लस्टर योजनेचा लाभ घ्यावा.  - हेमंत गोडसे, खासदार, नाशिक  

    Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com