agriculture news in Marathi Nashik included in grapes cluster Maharashtra | Page 3 ||| Agrowon

‘द्राक्ष क्लस्टर’मध्ये नाशिकचा समावेश 

टीम अॅग्रोवन
शुक्रवार, 18 जून 2021

केंद्र सरकारने देशभरात विविध ५३ पिकांचे क्लस्टर उभारण्याचा निर्णय घेतला आहे. त्यापैकी पायलट प्रोजेक्ट म्हणून १२ पिकांची निवड करण्यात आली आहे. 

नाशिक : केंद्र सरकारने देशभरात विविध ५३ पिकांचे क्लस्टर उभारण्याचा निर्णय घेतला आहे. त्यापैकी पायलट प्रोजेक्ट म्हणून १२ पिकांची निवड करण्यात आली आहे. या अनुषंगाने नॅशनल हॉर्टिकल्चर बोर्डाच्या माध्यमातून ही योजना राबविली जाणार असून, नाशिक जिल्ह्यातील द्राक्ष पिकाचा समावेश केला आहे. त्यानुसार योजनेच्या अनुषंगाने सादरीकरण बुधवारी (ता. १६) पार पडले त्यामुळे जिल्ह्यात द्राक्ष क्लस्टर डेव्हलपमेंन्ट योजनेच्या अंमलबजावणीच्या हालचाली सुरू झाल्या आहेत. 

जिल्ह्यात मोठ्या प्रमाणावर द्राक्ष उत्पादन होत असून, उत्पादन ते विक्री अशा अनेक अडचणी आहेत. तर शासनाकडून मिळणाऱ्या सुविधांचा अभाव असल्याने द्राक्ष उत्पादकांमध्ये सतत चिंता असते. त्यामुळे ही योजना दिलासा देणारी आहे.

सादरीकरणावेळी खासदार हेमंत गोडसे, नाशिक विभागाचे कृषी सहसंचालक संजीव पडवळ, महाराष्ट्र राज्य द्राक्ष बागायतदार संघाचे माजी अध्यक्ष अशोक गायकवाड, अखिल भारतीय द्राक्ष निर्यातदार संघटनेचे अध्यक्ष जगन्नाथ खापरे, नॅशनल हॉर्टिकल्चर बोर्डाचे सदस्य माणिकराव पाटील, रामेतीचे प्राचार्य संजय पाटील, विभागीय अधीक्षक कृषी अधिकारी सुनील वानखेडे, नॅशनल हॉर्टिकल्चर बोर्डचे नाशिक उपसंचालक होशियार सिंग, आत्मा प्रकल्प संचालक राजेंद्र निकम, उपसंचालक हेमंत काळे आदींसह द्राक्ष उत्पादक आणि शेतकरी गटांचे पदाधिकारी मोठ्या संख्येने उपस्थित होते. 

‘ग्रँट थोर्टन’ ही कंपनी प्रकल्पाचे तांत्रिक व्यवस्थापन करणार आहे. कंपनीचे व्यवस्थापक झानीयल यांनी ऑनलाइन द्राक्ष क्लस्टरचे सादरीकरण केले. या वेळी द्राक्षांचे पिकाचे महत्त्व व उत्पादनात येणाऱ्या अडचणींवर मात करण्यासाठी उपाययोजनांबाबत माहिती दिली. 

द्राक्ष उत्पादकांनी मांडल्या सूचना 

  • नावीन्यपूर्ण बाजारात मागणी असणाऱ्या वाणांच्या रोपांची निर्मिती करण्यात यावी. 
  • लागवडीपूर्वी पाणी आणि माती परीक्षण सुविधा असावी. 
  • मान्यताप्राप्त आणि अत्याधुनिक नर्सरी केंद्र उभारावेत. 
  • रोगप्रतिकारक वाणांची उपलब्धता करून द्यावी. 
  • क्लस्टरमध्ये नैसर्गिक आपत्तीत द्राक्ष बागांचे संरक्षण उपाययोजनांचा समावेश असावा. 
  • बागांच्या माहिती संकलनासाठी जी.पी.एस.द्वारे आढावा घ्यावा. 
  • जिल्हास्तरावर शीतकरण व्यवस्था व्यवस्था असावी. 
  • वाहतूक विषय महत्त्वाचा असून, वाहतुकीसाठी विशेष सुविधा निर्माण कराव्यात. 

प्रतिक्रिया
द्राक्ष क्लस्टरमुळे शेतकऱ्यांना एकत्रित येऊन आपल्या मालाचा दर्जा सुधारता येणार आहे. उत्पादन ते विक्री अशा समस्या सहज सोडविता येणार आहेत. क्लस्टर योजना एक आर्थिक स्रोत ठरणार असून, जिल्ह्यातील अधिकाधिक शेतकऱ्यांना द्राक्ष क्लस्टर योजनेचा लाभ घ्यावा. 
- हेमंत गोडसे, खासदार, नाशिक  


इतर अॅग्रो विशेष
पूर परिस्थितीवर मात करण्यासाठी यापुढे...कोल्हापूर : सातत्याने निर्माण होणाऱ्या पूर...
दोष पीकविमा कंपन्यांचा, रोष आमच्यावर;...पुणे ः पीकविमा योजनेचे कंत्राट मिळवलेल्या खासगी...
दिवेकर, ताटेंसह १४ कृषी उपसंचालकांच्या...पुणे ः राज्याच्या कृषी आयुक्तालयातील ठिबक कक्षाचे...
मध्य महाराष्ट्र, कोकण, घाटमाथ्यावर हलका...पुणे : राज्यातील धरणक्षेत्रात पावसाचा जोर कमी...
पीकविमा तक्रार निवारण व्यवस्थेचे तीन...पुणे ः पंतप्रधान पीकविमा योजनेबाबत समस्या किंवा...
यवतमाळ जिल्ह्यात वाघांची संख्या वीस यवतमाळ : वनसंपदेने नटलेल्या यवतमाळ जिल्ह्यात...
बावीस जिल्ह्यांत उभारणार तेलघाणे नागपूर ः विदर्भात तेलबियावर्गीय पिकांना...
सोयाबीन पिकाची किडीकडून चाळणआर्णी, जि. यवतमाळ : तालुक्यातील लोणी येथील...
‘आयटी’ मित्रांची शेती व्यवस्थापन कंपनीतुमची शेती आमच्यावर सोपवा, आम्ही आधुनिक...
लवांडे यांनी उभारली चारा पिकांची...फत्तेपूर (जि.. नगर) येथील अल्पभूधारक सोमेश्वर...
‘एफपीओं’ना बनवा अधिक कार्यक्षमशेतीसाठीच्या सध्याच्या अत्यंत प्रतिकूल अशा...
विदर्भ, कोकण, मध्य महाराष्ट्रात हलक्या...पुणे : बंगालच्या उपसागरातील कमी दाब क्षेत्रामुळे...
नुकसानीच्या दोन लाखांहून अधिक सूचना...पुणे ः राज्यभर कृषी विभागाच्या कार्यालयांमध्ये...
विमा कंपन्यांच्या नफेखोरीला सरकारी...पुणे ः पंतप्रधान पीकविमा योजनेचा कारभार गेल्या...
राज्यात हलका, मध्यम पावसाची हजेरी पुणे : गेल्या पाच ते सहा दिवसांपासून पावसाने...
महाराष्ट्र सेंद्रिय प्रमाणीकरण यंत्रणा...मुंबई : महाराष्ट्र सेंद्रिय प्रमाणीकरण यंत्रणेची...
केबल शेडनेटला आता अनुदान पुणे ः राज्याच्या संरक्षित शेतीला चालना...
शेळीपालनापाठोपाठ घरालाही दिले ‘ॲग्रोवन...औरंगाबाद : शेतकऱ्याचं ‘ॲग्रोवन’वरचं प्रेम पुन्हा...
शेतकरी कंपन्यांसाठी २०० कॉपशॉप साकारणार पुणे : राज्यातील शेतकरी उत्पादक कंपन्यांना...
एकोप्याच्या बळावर बदलले वडगाव गुप्ताचे...दुष्काळाशी संघर्ष करणाऱ्या वडगाव गुप्ता (ता. जि....