नाशिक बाजार समितीचा ‘ई-नाम’ योजनेत समावेश

नाशिक बाजार समितीचा ‘ई-नाम’ योजनेत समावेश
नाशिक बाजार समितीचा ‘ई-नाम’ योजनेत समावेश

नाशिक : केंद्र शासनातर्फे शेतमालाच्या खरेदी-विक्रीसाठी राष्ट्रीय कृषी बाजार ई-नाम योजना राज्यातील ६० बाजार समितीत राबविण्यात येत आहेत. नाशिक कृषी उत्पन्न बाजार समितीची या योजनेसाठी दुसऱ्या टप्प्यात निवड झाली असून, शेतकऱ्यांनी त्याअंतर्गत आपली नाव नोंदणी करावी, असे आवाहन बाजार समितीतर्फे करण्यात आले आहे.

शेतकऱ्यांच्या मालाला योग्य हमीभाव मिळत नाही. विक्री केलेल्या मालाची रक्कम मिळत नसल्याची शेतकऱ्यांची तक्रार असल्याने शासनाने इलेक्ट्रॉनिक बाजार तयार करून इंटरनेटद्वारे बाजारपेठ निर्माण केली आहे. यामध्ये शेतकरी व व्यापाऱ्यांचे आधार कार्ड, बँक खाते, मोबाइल रजिस्टर आहेत. बाजार समितीत आलेल्या मालाची गेट इंट्री करून मालाची गुणवत्ता तपासणी व लॉट क्रिएशन होते. मालाची विक्री ई ओकशनद्वारे करून अहवाल जनरेट केले जातात. खरेदीदार व्यापारी पोर्टलद्वारे बिल देत असल्याने पूर्णपणे गोपनीयता राहते. स्पर्धात्मक परिस्थिती निर्माण होत असल्याने मालाला चांगला बाजारभाव मिळतो. शेतकऱ्यांच्या खात्यावर त्वरित रक्कम जमा होते.

केंद्र शासनाने विकसित केलेल्या ई-नाम पोर्टलद्वारे शेतमाल विक्री केल्यास शेतकऱ्यांची फसवणूक होत नाही. शेतमालाचे योग्य वजन व चांगला बाजारभाव मिळून त्वरित पैसे मिळण्याची खात्री असल्याने शेतकऱ्यांनी मालाची विक्री ई-नामद्वारे करावी, असे आवाहन बाजार समिती सभापती शिवाजी चुंबळे, उपसभापती युवराज कोठुळे यांनी केले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com