agriculture news in marathi, Nashik Onion traders raid by Income tax, Maharashtra | Agrowon

नाशिकमध्ये कांदा लिलाव ठप्प

संतोष विंचू
शनिवार, 16 सप्टेंबर 2017

येवला, जि. नाशिक : कांदा उत्पादनाचे आगार असलेल्या नाशिक जिल्ह्यात गुरुवारी (ता. १४) सकाळी सात कांदा व्यापाऱ्यांवर २४ ठिकाणी प्राप्तिकर विभागाने छापा टाकल्याने शुक्रवारी (ता. १५) जिल्ह्यातील कांदा लिलाव बंद ठेवण्यात आले होते. यामुळे शेतकऱ्यांची कोंडी झाली. त्यातच या छापासत्राने कांदा भावात २०० ते ५०० रुपयांची घसरण झाल्याने शेतकरी संताप व्यक्त करत आहेत. कांद्याची साठेबाजी आणि त्यातून होणारी भाववाढ रोखण्यासाठी जिल्ह्यातील कांदा व्यापाऱ्यांवर प्राप्तिकर विभागाने छापे टाकल्याचे सांगितले जात आहे.

येवला, जि. नाशिक : कांदा उत्पादनाचे आगार असलेल्या नाशिक जिल्ह्यात गुरुवारी (ता. १४) सकाळी सात कांदा व्यापाऱ्यांवर २४ ठिकाणी प्राप्तिकर विभागाने छापा टाकल्याने शुक्रवारी (ता. १५) जिल्ह्यातील कांदा लिलाव बंद ठेवण्यात आले होते. यामुळे शेतकऱ्यांची कोंडी झाली. त्यातच या छापासत्राने कांदा भावात २०० ते ५०० रुपयांची घसरण झाल्याने शेतकरी संताप व्यक्त करत आहेत. कांद्याची साठेबाजी आणि त्यातून होणारी भाववाढ रोखण्यासाठी जिल्ह्यातील कांदा व्यापाऱ्यांवर प्राप्तिकर विभागाने छापे टाकल्याचे सांगितले जात आहे.

नाशिकमधील व्यापाऱ्यांनी कांद्यांचा साठा केल्याचा संशय असल्याने पिंपळगाव, लासलगाव, कळवण, उमराणा, येवला, चांदवड येथील कांदा व्यापाऱ्यांवर आयकर विभागाने कारवाई करीत घरे, कार्यालये आणि गोदामांची झाडाझडती घेतली होती. शुक्रवारी दुसऱ्या दिवशी देखील या सर्व ठिकाणी चौकशी व तपासणी सुरूच असल्याचे सांगण्यात आले. कांदा व्यापाऱ्यांच्या महिन्याभरातील खरेदी-विक्री व्यवहारांची आयकर विभाग चौकशी करून व्यापाऱ्यांच्या कार्यालयांतील महत्त्वाची कागदपत्रे अधिकाऱ्यांनी जप्त केल्याची चर्चा आहे.

मुख्य बाजारपेठ असलेल्या लासलगाव येथे ओमप्रकाश राका, कांतिलाल सुराणा, पिंपळगाव बसवंतला सोहनलाल भंडारी, सटाणात वर्धमान लुंकड, उमराण्यात खंडू पंडित देवरे, येवल्यात संतोष अटल, चांदवडला प्रवीण हेडा या व्यापाऱ्यांकडे छापामारी झाली आहे. एकाच वेळी व्यापाऱ्यांचे ऑफिस व घरे तपासली जात असून, त्यातून खरेदी-विक्री व्यवहार, बँक अकाउंटसह रोकड तपासली जात आहे. या छाप्यांबाबत प्राप्तिकर विभागाने कमालीची गुप्तता पाळली आहे.

जिल्ह्यातील कांद्याची मुख्य बाजार पेठ असलेल्या ठिकाणच्या बड्या व्यापाऱ्यांचा समावेश असल्याने या ठिकाणी बाजार समितीचे व्यवहार ठप्प झाले. या कारवाईनंतर जिल्ह्यातील बाजार समितीचे व्यवहार बंद ठेवण्याचा निर्णय व्यापाऱ्यांनी गुरुवारी घेतला होता. अर्थात खरेदी केलेला कांदा निकष करण्यासाठी हा निर्णय घेतल्याचे सांगण्यात आले. यामुळे शुक्रवारी लासलगाव, येवला, पिंपळगाव बसवत, निफाड, सटाणा, उमराणे, नामपूर या सगळ्या कांदा खरेदी करणाऱ्या महत्वाच्या बाजार समित्यात लिलाव बंद होते. उद्यादेखील शनिवारमुळे तर परवा रविवारमुळे येथील कांदा लिलाव बंद राहणार असल्याने शेतकऱ्यांना दुष्काळात तेरावा महिना अशा अडचणीला सामोरे जाण्याची वेळ आली आहे. शुक्रवारी देवळा, कळवण येथे फक्त भुसार तर मनमाड, नांदगाव, सिन्नर, झोडगे, मुंगसे येथील बाजार समिती सुरळीत सुरू होती.

कांदा दर पडले
गुरुवारी (ता. १४) येवल्यात लिलाव सुरु होताच बाजारभावात मोठी घसरण झालेली दिसली. सुमारे पाच हजार क्विंटल कांदा विक्रीला आला होता. या वेळी कांद्यास ५०० ते १३२८ रुपये तर सरसरी ११५० रुपये क्विंटल भाव मिळाला. हाच भाव बुधवारी ५०० ते १५४१ रुपये तर सरसरी १३०० रुपये मिळाला होता. म्हणजेच धाडसत्राचा परिणाम दरावर होऊन शेतकऱ्यांना २०० ते ३०० रुपयांचा भुर्दंड सहन करावा लागला.

पथकाने केली होती पाहणी
जिल्ह्यात ऑगस्टमध्ये उन्हाळ कांद्याने तीन हजारांपर्यंत दर मिळवल्याने घाऊक बाजारातील दारात वाढ झाली होती. जुलैमध्ये चारशे ते पाचशे रुपये प्रतिक्विंटल विक्री होणारा कांदा ऑगस्ट महिन्यापर्यंत २५०० ते २८०० रुपये दराने विक्री झाल्यामुळे कांद्याच्या व्यवहाराकडे सर्वांचे लक्ष वेधले गेले होते. १८ ऑगस्टला केंद्रीय अन्नपुरवठा मंत्रालयाच्या दोनसदस्यीय पथकाने लासलगावला येऊन प्रत्यक्षात कांदाउत्पादकांना फायदा होतो की नाही, याची पाहणी केली होती. तर केंद्रीय कृषी मंत्रालयाने मागील आठवड्यात यासंदर्भात अहवाल मागविला होता. यावरून कांद्याची साठेबाजी, भाववाढ आणि अचानक होणाऱ्या चढ-उतारामुळे दोन महिन्यांपासून जिल्ह्यातील कांदा व्यवहार रडारवर होते हे स्पष्ट झाले आहे.

काल आम्ही साडेसहा वाजेपासून कांदा मार्केटला घेऊन आलो तर येथे आल्यानंतर नऊ वाजता आम्हाला कळाले की, व्यापाऱ्यांच्या मालावर धाडी पडल्या आहेत. लिलाव बंद असून पावसाचे वातावरण पण झाल्याने आता भावाचे का होणार हा प्रश्न आहे.
- धीरज शंखपाळ, कांदा उत्पादक, लासलगाव

गुरुवारी सकाळच्या सत्रामध्ये बाजार समिती लिलाव बंद होते. दरम्यानच्या काळात व्यापाऱ्यांची बैठक घेतल्यानंतर दुपारनंतर आलेल्या मालाचे लिलाव झाले. मात्र खरेदी कांदा निकास होत नाही मोठ्या प्रमाणावर खळ्यावर माल पडून आहे. तो निकास होत नाही म्हणून बाजार समिती बंद ठेवण्याचे व्यापाऱ्यांच्या वतीने सांगण्यात आलेले आहे. त्याच बरोबरीने शनिवारी सुट्टी असल्याने ही बाजार समितीही बंद ठेवण्यात आलेली आहे. व्यापाऱ्यांशी परत एकदा चर्चा केल्यानंतर सोमवारचा निर्णय घेतला जाईल.
- जयदत्त होळकर, सभापती, बाजार समिती, लासलगाव


इतर अॅग्रो विशेष
संगमनेर तालुका संघाकडून ५० टक्के...नगर: संगमनेर तालुका सहकारी दूध संघाने दूध...
उगाव येथे सामूहिक पातळीवर दशपर्णी अर्क...नाशिक: निफाड तालुक्यातील उगाव येथील श्री. श्री....
किसान क्रेडिट कार्डवर बिनव्याजी कर्ज...नाशिक: शेतकऱ्यांना शेतीकामासाठी आर्थिक मदत करणे...
दुधाला दर नसल्याने, दुभती जनावरे ...सोलापूर ः दुधाला मागणी असूनही केवळ योग्य तो दर...
मराठा समाजाला विश्वासात घेणार : अशोक...मुंबई : मराठा आरक्षणाच्या न्यायालयीन लढाईत राज्य...
पुण्यात शेतमाल पुरवठा देखील बंद पुणे: कोरोनाची उफाळून आलेली साथ रोखण्यासाठी...
देशाच्या सूत निर्यातीत मोठी घट जळगाव ः कोरोना व इतर संकटांमध्ये देशातील सूत...
मराठवाड्यात २६ टक्के पीककर्ज वितरणऔरंगाबाद : मराठवाड्यातील आठही जिल्ह्यांत...
कृषी निविष्ठा विक्रेत्यांचा राज्यात बंद...औरंगाबाद: कृषी निविष्ठा विक्रेत्यांच्या...
राज्यात पावसाला पोषक हवामानपुणे : राज्यात पावसाला पोषक हवामान होत असल्याने...
जलसंधारण,शिक्षण अन् कृषी विकासाचा रचला...सुदृढ, आत्मनिर्भर समाज घडविणे या उद्देशातून जळका...
दुग्ध व्यवसाय ठरतोय शेतीला आधारपनवेल येथील बांधकाम व्यावसायिक अनिल लक्ष्मण...
कृषी आयुक्त दिवसेंची बदली, गायकवाड...मुंबई : राज्य सरकारने शनिवारी महत्त्वपूर्ण...
कृषी निविष्ठा विक्रेत्यांना आरोपी नव्हे...पुणे : राज्यात खते, बियाणे, कीटकनाशकांची विक्री...
आनंदाची पातळी बदलतेय उत्पन्नांनुसारआजच्या जगामध्ये सामाजिक आर्थिक निकषांमध्ये वेगाने...
शेती क्षेत्रातील बदल टप्याटप्याने...नागपूर ः शेतकऱ्यांच्या बांधापर्यंत कृषी...
राज्यात कृषी सेवा केंद्रांचा बंद सुरूपुणेः सोयाबीन बियाणे न उगवल्या प्रकरणी...
औरंगाबाद जिल्ह्यातील थेट शेतमाल विक्री...औरंगाबाद : कोरोना संकटामुळे शेतकरी ते ग्राहक...
रुतलेले अर्थचक्राने विकासालाही ‘ब्रेक’''मूडी'' या पतमानांकन संस्थेने अलीकडेच आपला अहवाल...
बेलखेडा होणार संत्रा उत्पादक गावरिसोड, जि. वाशीम ः तालुक्यातील दोन हजार लोकसंख्या...