Agriculture news in Marathi Nashik in water supply institutions loan free | Agrowon

नाशिक जिल्ह्यातील बंद उपसा जलसिंचन संस्था कर्जमुक्त करा

टीम अॅग्रोवन
बुधवार, 11 डिसेंबर 2019

नाशिक : जिल्ह्यात सन १९९५ ते २००० या कालावधीत सहकारी तत्त्वावर उपसा जलसिंचन संस्था स्थापन करण्यात आल्या होत्या. मात्र यामध्ये शेतकऱ्यांची फसवणूक झाली आहे. जिल्हा बँकेने या संस्थांना कर्जपुरवठा केला. मात्र या योजनेच्या माध्यमातून थेंबभर पाणी शेतकऱ्यांना मिळालेले नाही. मात्र, शेतकऱ्यांच्या सातबाऱ्यावर कर्जाचा बोजा कायम आहे. त्यामुळे कोणतीही संस्था अथवा बँक शेतकऱ्यांना कर्जपुरवठा करीत नाही.

नाशिक : जिल्ह्यात सन १९९५ ते २००० या कालावधीत सहकारी तत्त्वावर उपसा जलसिंचन संस्था स्थापन करण्यात आल्या होत्या. मात्र यामध्ये शेतकऱ्यांची फसवणूक झाली आहे. जिल्हा बँकेने या संस्थांना कर्जपुरवठा केला. मात्र या योजनेच्या माध्यमातून थेंबभर पाणी शेतकऱ्यांना मिळालेले नाही. मात्र, शेतकऱ्यांच्या सातबाऱ्यावर कर्जाचा बोजा कायम आहे. त्यामुळे कोणतीही संस्था अथवा बँक शेतकऱ्यांना कर्जपुरवठा करीत नाही. त्यामुळे शेतकऱ्यांना उभारी देण्यासाठी नाशिक जिल्ह्यातील बंद उपसा सहकारी संस्था जळगाव जिल्ह्याप्रमाणे कर्जमुक्त करा व सातत्याने कर्जमुक्तीपासून वंचित असलेल्या शेतकऱ्यांना न्याय मिळवून द्या, अशी मागणी राज्य किसान सभेच्या शिष्टमंडळाने जिल्हाधिकाऱ्यांकडे केली आहे. 

याबाबतचे निवेदन निवासी उपजिल्हाधिकारी भागवत डोईफोडे यांच्याकडे सोमवारी (ता. ९) देण्यात आले. जिल्ह्यात नाशिक, मालेगाव, इगतपुरी, सिन्नर, दिंडोरी, येवला व नांदगाव तालुक्यात ८ उपसा जलसिंचन संस्था बंद आहेत. या बंद उपसा जलसिंचन संस्थेच्या सभासद शेतकऱ्यांना खासगी सावकारांकडून व्याजाने पैसे घेऊन शेती करावी करावी लागत आहे. २००८ व २०१७ च्या कर्जमाफीत केंद्र व राज्य सरकारकडून कुठल्याही प्रकारची कर्जमाफी झालेली नाही. 

नाशिक जिल्ह्यातील शेतकऱ्यांनी थकीत कर्ज असल्याने आत्महत्या केल्या आहेत. या उपसा जलसिंचन संस्थेच्या सभासदांनी आपल्या जमिनी विकून कर्जही भरले. घेतलेल्या कर्जाच्या तुलनेत अधिक मुद्दलही शेतकऱ्यांनी भरले. मात्र, आजही शेतकऱ्यांच्या सातबारावर बोजा कायम आहे. त्यामुळे जिल्हाधिकारी यांनी यात लक्ष घालावे, असे निवेदनात म्हटले आहे. या निवेदनावर राज्य किसान सभेचे कार्याध्यक्ष राजू देसले, जिल्हाध्यक्ष भास्करराव शिंदे, आळंदी उपसा संस्थेचे मधुकर कसबे, गोदावरी उपसा संस्थेचे भीमा उगले आदींच्या सह्या आहेत.

नाशिक जिल्ह्यातील संस्था का कर्जमुक्त केल्या नाहीत? 
जळगाव जिल्ह्यातील तापी खोऱ्यातील संस्था कर्जमुक्त झाल्या. मात्र, नाशिकच्या उपसा जलसिंचन संस्था कर्जमुक्त न झाल्याने जिल्ह्यातील संस्था कर्जमुक्त करा, अशी मागणी महाराष्ट्र राज्य किसान सभेच्या शिष्टमंडळाने जिल्हाधिकाऱ्यांकडे केली आहे. जळगाव जिल्ह्यातील तापी खोऱ्यातील बंद उपसा संस्था कर्जमुक्त करण्यासाठी माजी मंत्री एकनाथ खडसे यांनी प्रयत्न केले होते. यासाठी माजी जलसंपदामंत्री गिरीश महाजन यांनी बंद जलउपसा संस्था पुन्हा उभ्या करण्यासाठी २५ कोटींचे अनुदान दिले होते. मात्र, श्री. महाजन हे नाशिक जिल्ह्याचे असताना त्यांनी नाशिक जिल्ह्यातील संस्था का कर्जमुक्त केल्या नाहीत? असा सवाल किसान सभेच्या पदाधिकाऱ्यांनी उपस्थित केला आहे.


इतर बातम्या
नरनाळा किल्ला पर्यटन विकासासाठी...अकोला  : अकोला जिल्ह्याच्या सर्वसाधारण...
पीक फेरपालटातून रोगांचा प्रादुर्भाव...येत्या हवामान बदलाच्या काळामध्ये कीड आणि रोगांचा...
मंगळवेढ्यात डाळिंबाच्या सौद्यांना...मंगळवेढा, जि. सोलापूर : मंगळवेढा कृषी उत्पन्न...
अकोला जिल्ह्यातील सात गावे झाली ‘...अकोला  ः जिल्ह्यातील सात गावांची राज्य...
वाशीम जिल्ह्यात ७७७ कोटींंची कर्जमुक्ती...वाशीम : राज्याचे मुख्यमंत्री उद्धव ठाकरे...
शेतकऱ्यांच्या उत्पन्नवाढीसाठी कृषी...नाशिक : ग्रामीण भागातील गरीब शेतकऱ्यांचे उत्पन्न...
पूर्णा येथे रेशीम कोषास प्रतिकिलोस ५१५...परभणी : पूर्णा (जि. परभणी) येथील रेशीम कोष...
सांगलीत ‘माणगंगा’वर ताब्याच्या...सांगली : आटपाडीतील माणगंगा सहकारी साखर...
सोलापूर जिल्हा नियोजन आराखड्यात ७४.४५...सोलापूर : जिल्ह्याच्या सन २०२०-२०२१ च्या जिल्हा...
सूक्ष्म सिंचन साधनांमुळे आदिवासी शेतकरी...हिंगोली : ‘‘वसंतराव नाईक मराठावाडा कृषी...
मोर्शी येथे ‘कामदार’ कार्यालयाचे उद्‌...अमरावती  ः शेतकरी, कष्टकऱ्यांचे प्रश्‍न...
प्राप्त निधी वेळेत खर्च करा : भुजबळ नाशिक : ‘जिल्हा वार्षिक योजनेंतर्गत प्राप्त...
सोलापूरजिल्ह्याच्या ३४९.८७ कोटींच्या...सोलापूर : जिल्ह्यासाठी २०२०-२१ या आर्थिक...
सांगली जिल्ह्यातून डाळिंब निर्यातीसाठी...सांगली ः जिल्ह्यातून गतवर्षी ८०० टन डाळिंबाची...
खानदेशात रब्बीचे क्षेत्र दुप्पटजळगाव ः खानदेशात रब्बी हंगामाची स्थिती...
‘व्हीएसआय’ची आंतरराष्ट्रीय साखर परिषद...पुणे: वसंतदादा साखर संस्थेच्या वतीने आयोजित...
वाघाच्या बंदोबस्तासाठी गावकऱ्यांचा...भंडारा  ः वाघाच्या दहशतीमुळे शेतीकामे...
मराठवाड्यातील पाणीसाठ्यात झपाट्याने घटऔरंगाबाद : ऑक्‍टोबरमध्ये हिटऐवजी पावसाचे आगमन...
धोरणात्मक निर्णय, सिंचनाच्या सुविधेमुळे...नवी दिल्ली: धोरणात्मक निर्णय आणि पुढाकार;...
इथेनॉल प्रकल्पासाठी ३६ कारखान्यांनाच...नवी दिल्ली: पेट्रोलमध्ये १० टक्के इथेनॉल...