`केव्हीके`तर्फे राष्ट्रीय कृषी दिन साजरा

`केव्हीके`तर्फे राष्ट्रीय कृषी दिन साजरा
`केव्हीके`तर्फे राष्ट्रीय कृषी दिन साजरा

वाशीम : राष्ट्रीय कृषी दिनानिमित्त वाशीम कृषी विज्ञान केंद्रातर्फे शेतकरी शास्त्रज्ञ परिसंवाद आणि प्रक्षेत्रावरील प्रात्याक्षिक पाहणीचा कार्यक्रम घेण्यात आला.

कृषी विज्ञान केंद्राचे वरिष्ठ शास्त्रज्ञ व प्रमुख डाॅ. आर. एल. काळे अध्यक्षस्थानी होते. एस. के. देशमुख, टी. एस. देशमुख, डाॅ. डी. एल. रामटेके, शुभांगी वाटाणे, प्रमोद देशमुख, डी. डी. मसुदकर उपस्थित होते. 

कृषी विज्ञान केंद्राच्या दत्तक ग्राम, ग्रामसखी, ग्राममित्र, मृद आरोग्य पत्रिका, स्वच्छता पंधरवाडा उपक्रमामध्ये कृषी महाविद्यालयाच्या विद्यार्थ्यांनी सहभाग नोंदवावा, एस. के. देशमुख यांनी सुचविले. राष्ट्रीय कृषी दिन साजरा करण्यामागे कृषी विज्ञान केंद्राचा उद्देश डाॅ. काळे यांनी स्पष्ट केला. २०२२ पर्यंत शेतकऱ्याचे उत्पन्न दुप्पट करण्यासाठी शेतीतील खर्च कमी करण्याचे तंत्रज्ञान आत्मसात करावा, असे आवाहन त्यांनी केले.

नावीण्यपूर्ण उपक्रमामध्ये कौशल्य प्रशिक्षण, सेंद्रिय शेतीतील तंत्रज्ञान, कृषी क्षेत्रातील बदलती वाटचाल व त्या अनुशंगिक उपलब्ध तंत्रज्ञानाचा उलगाडाही डॉ. काळे यांनी केला. 

सेंद्रिय शेती व भविष्यातील वाटचालीवर टी. एस. देशमुख यांनी मार्गदर्शन केले. शेतकऱ्यांनी विचारलेल्या शंकांचे निरसन या वेळी शास्त्रज्ञांनी केले. प्रक्षेत्र भेटीत रेनवाॅटर हार्वेस्टिंग, पोषणबाग, सेंद्रिय शेती व एकात्मिक शेती पद्धतीचे माॅडेल प्रशिक्षणार्थींना दाखविण्यात आले. शुभांगी वाटाणे यांनी सूत्रसंचालन केले. प्रमोद देशमुख यांनी आभार मानले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com