कणेरी मठात ३० पासून राष्ट्रीय कृषी संमेलन

कणेरी मठात ३० पासून राष्ट्रीय कृषी संमेलन
कणेरी मठात ३० पासून राष्ट्रीय कृषी संमेलन

कोल्हापूर : कणेरी (ता. करवीर) येथील सिद्धगिरी कृषी विज्ञान केंद्रात ३० जानेवारी ते १ फेब्रुवारी अखेर राष्ट्रीय शेतकरी संमेलन होणार आहे. यामध्ये देशभरातील प्रयोगशील शेतकऱ्यांबरोबरच देशातील विविध संस्थांचे, विद्यापीठाचे कुलगुरू व पदाधिकारी उपस्थित राहणार आहेत. कणेरी मठाचे प्रमुख काडसिद्धेश्‍वर स्वामी यांनी ही माहिती दिली.  केंद्र शासनाच्या कृषी व शेतकरी कल्याण मंत्रालय, भारतीय कृषी अनुसंधान संस्था, दिल्ली, कृषी प्रोद्योगिकी अनुप्रयोग अनुसंधान संस्थान पुणे, कृषी विभाग, व श्री सिद्धगिरी कृषी विज्ञान केंद्राच्या मार्फत ही संमेलन होणार आहे. ‘‘समृद्ध शेतीसाठी शेतकरी नवकल्पना’’ हा आशय मध्यवर्ती धरून या तीनदिवसीय संमेलनात चर्चा होईल. देशभरातील शंभरहून अधिक शेतकरी यात सहभागी होतील. आपले प्रयोग लोकांसमोर मांडणार आहेत. देशी गाय आधारित ग्रामीण अर्थव्यवस्था शाश्‍वत शेतीसाठी पर्यायी शेती प्रणाली, शेतकऱ्यांचे उत्पन्न वाढविण्यासाठी तांत्रिक पर्याय आणि व्यावहारिकता, उद्योजकता विकास आणि प्रोत्साहन यासाठी शेती व शेतीपूरक व्यवसाय आदी विषयांवर या संमेलनात ऊहापोह होईल. भारतीय कृषी अनुसंधानचे उपसंचालक डॉ. ए. के. सिंग, राष्ट्रीय कामधेनू आयोगाचे अध्यक्ष डॉ. वल्लभभाई कथिरिया, उदयपूर विद्यापीठाचे कुलगुरू डॉ. एन. एस. राठोर, धारवाड विद्यापीठाचे कुलगुरू डॉ. एम. बी. चेट्टी,  राहुरी विद्यापीठाचे कुलगुरू डॉ. के. पी. विश्‍वनाथा, भारतीय कृषी अनुसंधान संस्थानचे  डॉ. एस. ए. पाटील, सहसंचालक डॉ. ज. प्र. शर्मा, केंद्रीय कृषी मंत्रालयाचे अतिरिक्त आयुक्त डॉ. या. रा. मीना, डॉ. लाखन सिंग, आदींसह कृषी विभागाचे विविध पदाधिकारी या संमेलनात सहभागी होणार आहेत.  संमेलनात सहभागी होणाऱ्या शेतकऱ्यांसाठी निवास, भोजन व्यवस्था मोफत करण्यात येणार आहे. शेतकऱ्यांनी संमेलनात सहभागी होण्यासाठी kvkkolhapur२@gmail.com या संकेतस्थळावर नोंदणी करावी, असे आवाहन मठाच्या वतीने करण्यात आले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com