Agriculture News in Marathi National level sugar industry quality awards announced | Agrowon

राष्ट्रीय स्तरावरील साखर उद्योगातील गुणवत्ता पारितोषिके जाहीर

टीम अॅग्रोवन
रविवार, 24 ऑक्टोबर 2021

नवी दिल्लीच्या राष्ट्रीय सहकारी साखर कारखाना महासंघाच्या वतीने देशातील साखर कारखान्यांना देण्यात येणारे पुरस्कार जाहीर झाले आहेत. यामध्ये राज्यातील कारखान्यांनी मोहोर उठविली आहे.

कोल्हापूर : नवी दिल्लीच्या राष्ट्रीय सहकारी साखर कारखाना महासंघाच्या वतीने देशातील साखर कारखान्यांना देण्यात येणारे पुरस्कार जाहीर झाले आहेत. यामध्ये राज्यातील कारखान्यांनी मोहोर उठविली आहे. राज्याला १० पारितोषिके मिळाली आहेत. दुसऱ्या क्रमांकावर उत्तर प्रदेश असून, त्यांना चार पारितोषिके प्राप्त झाली आहेत. गुजरात, हरियाना व तमिळनाडूने प्रत्येकी दोन पारितोषिके मिळविली आहेत. मध्य प्रदेशाला एक मिळाले आहे. 

यंदाच्या वर्षाचे संपूर्ण देशातील सर्वोत्कृष्ट सहकारी साखर कारखान्यासाठीचे मानाचे वसंतदादा पाटील पारितोषिक पांडुरंग सहकारी साखर कारखाना लि., सोलापूर यांना मिळाले आहे. उच्च उतारा विभागात अति उत्कृष्ट साखर कारखाना म्हणून कागलच्या श्री छत्रपती शाहू सहकारी साखर कारखान्यास गौरविण्यात येणार आहे.
विक्रमी ऊस गाळपात हुपरीच्या (जि. कोल्हापूर) जवाहर, तर उत्कृष्ट ऊस उत्पादकतेत शिरोळच्या श्री दत्त साखर कारखान्याने पहिला क्रमांक मिळवला. यंदाच्या (२०२१) वर्षीच्या गुणवत्ता पारितोषिकासाठी देशातून १०८ सहकारी साखर कारखान्यांनी सहभाग घेतला. त्यात महाराष्ट्र (४६), उत्तर प्रदेश (१३), तमिळनाडू (११), हरियाना (१०), गुजरात (१०), पंजाब (९) कर्नाटक (७) आणि मध्य प्रदेश व आंध्र प्रदेश (प्रत्येकी एक) कारखाने सहभागी झाले होते. 

संस्थेमार्फत दर वर्षी देशातील सहकारी साखर कारखान्यांचे मूल्यांकन करण्यात येते व त्याआधारे ऊस उत्पादकता, तांत्रिक गुणवत्ता, वित्तीय व्यवस्थापन, अधिकतम ऊस गाळप, सर्वोत्तम साखर उतारा, सर्वांत जास्त साखरनिर्यात, अशा विविध क्षेत्रात देदीप्यमान कामगिरी करणाऱ्या सहकारी साखर कारखान्यांचे काटेकोर मूल्यमापन करून त्याआधारे केंद्रीय मुख्य संचालक (साखर) यांच्या अध्यक्षतेखालील समितीद्वारे वर्ष २०२१साठीची निश्‍चित केलेली एकूण २१ पारितोषिके राष्ट्रीय सहकारी साखर कारखाना महासंघाचे अध्यक्ष जयप्रकाश दांडेगावकर यांनी जाहीर केली. या प्रसंगी राष्ट्रीय सहकारी साखर कारखाना महासंघाचे व्यस्थापकीय संचालक प्रकाश नाईकनवरे उपस्थित होते.  

दांडेगावकर म्हणाले, ‘‘पारितोषिक योजनेच्या धोरणानुसार देशातील उच्च साखर उतारा (किमान सरासरी १० टक्के) असणाऱ्या महाराष्ट्र, गुजरात व कर्नाटक या राज्यांचा एक गट तयार करण्यात आला. या गटात देशातील एकूण ६३ सहकारी साखर कारखान्यांचा सहभाग होता. उर्वरित (सरासरी १० टक्क्यांपेक्षा कमी उतारा) राज्यांचा दुसरा गट तयार करण्यात आला. या गटात देशातील एकूण ४५ सहकारी साखर कारखान्यांचा समावेश करण्यात आला. त्यात उत्तर प्रदेश, पंजाब, हरियाना तमिळनाडू, मध्य प्रदेश, आंध्र प्रदेश इत्यादी राज्यांचा समावेश करण्यात आला होता. तसेच ‘एका कारखान्याला एक पारितोषिक’ असे धोरण ठरविण्यात आले.’’

गट १ 
उच्च उतारा विभाग 
उत्कृष्ट ऊस उत्पादकता : श्री दत्त शेतकरी सहकारी साखर कारखाना, शिरोळ, जि. कोल्हापूर, राजारामबापू पाटील, स. सा. का., सांगली
तांत्रिक कार्यक्षमता 
उच्च उतारा विभाग : विघ्नहर स. सा. का., पुणे, डॉ. पतंगराव कदम सोनहिरा स. सा. का., सांगली.
उत्कृष्ट वित्तीय व्यवस्थापन   
उच्च उतारा विभाग : श्री नर्मदा खाण्ड उद्योग मंडळी लि. गुजरात, श्री खेडूत सहकारी खांड उद्योग मंडळी लि. बारडोली, गुजरात.
विक्रमी ऊस गाळप
जवाहर शेतकरी स. सा. का., कोल्हापूर
विक्रमी ऊस उतारा
अजिंक्यतारा स.सा.का., सातारा 
अति उत्कृष्ट साखर कारखाना 
उच्च उतारा विभाग ः श्री छत्रपती शाहू सहकारी साखर कारखाना लि. कागल, कोल्हापूर.
विक्रमी साखर निर्यात : विठ्ठलराव शिंदे सहकारी साखर कारखाना लि., पिंपळनेर. सह्याद्री पांडुरंग सहकारी साखर कारखाना लि., सोलापूर. 
गट २
उर्वरित विभाग
उत्कृष्ट ऊस उत्पादकता : दि कैथल सहकारी साखर कारखाना, हरियाना
किसान शेतकरी चिनी मिल्स लि., नाजीबाबाद, उत्तर प्रदेश
तांत्रिक कार्यक्षमता
दि शहाबाद सहकारी चिनी मिल्स, हरियाना
दि किसान सहकारी चिनी मिल्स लि. साथिऑन, आझमगड, उत्तर प्रदेश
उत्कृष्ट वित्तीय व्यवस्थापन
डी. एस. सुब्रमण्या शिवा सहकारी साखर मिल्स लि. तमिळनाडू
श्री नवलसिंग सहकारी शक्कर कारखाना मर्यादित, बुऱ्हाणपूर, मध्य प्रदेश
विक्रमी ऊसगाळप
रामाला सहकारी चिनी मिल्स लि., उत्तर प्रदेश
विक्रमी ऊस उतारा
दि किसान सहकारी चिनी मिल्स लि. गजरौला, उत्तर प्रदेश
अति उत्कृष्ट साखर कारखाना
कल्लाकुरीची सहकारी साखर मिल्स, तमिळनाडू

 


इतर अॅग्रो विशेष
किमान तापमानात घट होण्याची शक्यतापुणे : राज्यात पावसाने उघडिप दिल्यानंतर किमान...
‘महाडीबीटी’च्या कामात अडथळाअकोला ः कृषी खात्याच्या विविध योजनांचा लाभ...
कृषी निविष्ठा केंद्रांचे परवाने आता...पुणे ः राज्यातील कृषी सेवा केंद्रांना परवान्याची...
आयातीमुळे कडधान्य दर दबावातपुणे ः तुरीचा हंगाम पुढील काही दिवसांत सुरू होईल...
...तर द्राक्षाचे नुकसान टळले असतेनाशिक : गेल्या तीन वर्षांपासून कसमादे भागातील...
साहित्य संमेलनाचे अनुदान शेतकरी,...नाशिक : वामनदादा कर्डक जन्मशताब्दी साहित्यनगरी...
देशी वाणाने सकस उत्पादन ः राहीबाई पोपेरेसांगली : पारंपरिक बियाणाला रासायनिक खताच्या...
शिवरायांच्या स्वराज्यापासून महात्मा...कोल्हापूर : छत्रपती शिवाजी महाराज यांच्या हिंदवी...
मराठवाड्यात आंब्यावर संकटाचे ढगऔरंगाबाद : यंदा आंब्यावर संकटाचे ढग कायम आहेत....
पुन्हा उभा राहिलो अन् यशस्वीही झालो...दुग्ध व्यवसायात भरभराट येत असतानाच कुट्टी यंत्र...
पीकबदल, फळबागांसह पूरक उद्योगांची साथऔरंगाबाद जिल्ह्यातील जडगाव येथील भोसले कुटुंबाने...
डेअरी उद्योगातील खरेदीदराचा गोंधळ कायमपुणे ः राज्यातील दुधाच्या बाजारपेठेत विक्रीविषयक...
ऊस उत्पादकांचे अद्याप ४,४४५ कोटी थकीतकोल्हापूर : गेल्या हंगामात उत्तर प्रदेशातील साखर...
कोरड्या हवामानाचा अंदाज, गारठाही वाढणारपुणे : राज्यात पावसाने उघडीप दिली असून, आकाश...
लातूर जिल्ह्यात द्राक्ष बागांना पावसाचा...लातूर ः जिल्ह्यात गेल्या काही दिवसांपासून...
पाकिस्तानमध्ये कापसाचे दर टिकूनपुणे ः पाकिस्तानमध्ये यंदा कापूस उत्पादनात वाढ...
‘पशुसंवर्धन’च्या योजनांसाठी अर्ज...पुणे ः जिल्ह्यातील ग्रामीण भागातील सुशिक्षित व...
मनाच्या वेदना दूर करण्यासाठी संघर्ष ः...कुंडल, जि. सांगली : माणसाच्या अंगाला, कपड्याला...
शेती हा आर्थिक प्रश्‍न ः विलास शिंदेनाशिक : शेतीविषयी चर्चा राजकीय व सामाजिक अंगाने न...
उसाच्या पहिल्या पेमेंटकडे लागले लक्षपुणे ः राज्यातील साखर कारखान्यांनी शेतकऱ्यांकडून...