agriculture news in marathi, NCP's movement demanded to declare drought | Agrowon

दुष्काळ जाहीर करण्याच्या मागणीसाठी राष्ट्रवादीचे आंदोलन
टीम अॅग्रोवन
रविवार, 14 ऑक्टोबर 2018

सोलापूर : शेतीपंपांचे भारनियमन कमी करावे, सोलापूर जिल्हा दुष्काळग्रस्त जाहीर करावा, यासह विविध मागण्यांसाठी जिल्हा राष्ट्रवादी युवक कॉंग्रेस पक्षातर्फे जिल्हाध्यक्ष विक्रांत माने यांच्या नेतृत्वाखाली शुक्रवारी (ता. १२) आंदोलन करण्यात आले. जुनी मिल कंपाउंड येथील महावितरणच्या कार्यालयासमोर मुख्यमंत्री देवेंद्र फडणवीस यांच्या पुतळ्याचे दहन करण्यात आले. भाजप सरकारच्या विरोधात घोषणाबाजी करून निषेध करण्यात आला.

सोलापूर : शेतीपंपांचे भारनियमन कमी करावे, सोलापूर जिल्हा दुष्काळग्रस्त जाहीर करावा, यासह विविध मागण्यांसाठी जिल्हा राष्ट्रवादी युवक कॉंग्रेस पक्षातर्फे जिल्हाध्यक्ष विक्रांत माने यांच्या नेतृत्वाखाली शुक्रवारी (ता. १२) आंदोलन करण्यात आले. जुनी मिल कंपाउंड येथील महावितरणच्या कार्यालयासमोर मुख्यमंत्री देवेंद्र फडणवीस यांच्या पुतळ्याचे दहन करण्यात आले. भाजप सरकारच्या विरोधात घोषणाबाजी करून निषेध करण्यात आला.

जिल्ह्यात दुष्काळी परिस्थिती निर्माण झाली आहे. विहिरी, बोअरमध्ये पाणीपातळी कमी झाली आहे. जे पाणी आहे तेसुद्धा उपसा करण्यासाठी पाहिजे, तेवढी वीज मिळत नसल्याने शेतकरी हैराण झाला आहे. शेतकऱ्यांच्या शेतातील रोहित्रे सातत्याने बिघडत असतानासुद्धा महावितरणचे अधिकारी, कर्मचारी त्याकडे लक्ष देत नाहीत. त्याची वेळेवर दुरुस्ती होत नसल्याने आणि जळालेले रोहित्र वेळेवर उपलब्ध होत नसल्याने शेतकऱ्यांची अवस्था ‘दुष्काळात तेरावा महिना` अशी झाली आहे. एकूणच शेतकऱ्यांना कोणीच वाली राहिलेला नाही. खऱ्या अर्थाने जेवढा वीजपुरवठा होत आहे, तो सुद्धा सातत्याने खंडित करण्यात येत आहे. सरकारी धोरणांचा मोठ्या प्रमाणावर फटका बसत आहे, याला भाजप सरकार जबाबदार आहे, असा आरोप जिल्हाध्यक्ष विक्रांत माने यांनी या वेळी बोलताना केला.

महावितरणच्या अधिकाऱ्यांना निवेदन देऊन तत्काळ भारनियमन कमी करून बळिराजाला दिलासा देण्याची मागणी करण्यात आली. दरम्यान, पुतळा दहन आंदोलनानंतर राष्ट्रवादीच्या कार्यकर्त्यांनी जिल्हाधिकारी कार्यालयाकडे मोर्चा वळवला. तेथे निवासी उपजिल्हाधिकारी संजय तेली यांना निवेदन देण्यात आले. या वेळी सोलापूर जिल्हा दुष्काळी जाहीर करण्याची मागणी केली. पावसाअभावी पेरणी केलेली पिकेसुद्धा वाया गेली आहेत. पाऊस नसल्याने जनावरांना चारा नाही. पाण्याचीसुद्धा कमतरता भासत आहे. शेतकऱ्यांना संकटांना सामोरे जावे लागत आहे. ऊस उत्पादक शेतकऱ्यांना हुमणी अळीचा मोठा फटका बसला आहे. हुमणीबाधित क्षेत्राचे प्रशासनाने तत्काळ पंचनामे करावेत, अशी मागणी माने यांनी निवेदनाद्वारे केली आहे.

इतर बातम्या
वणव्यामुळे पतंग, वनस्पतींच्या प्रजाती...जंगलामध्ये लागणाऱ्या वणव्याचे परागीकरण करणाऱ्या...
दुष्काळी स्थितीमुळे संत्रा बागांचे...शेलूबाजार जि. वाशीम ः निसर्गाच्या दुष्टचक्रामुळे...
नांदेड, परभणी जिल्ह्यांतील अकरा मंडळांत...नांदेड :  नांदेड, परभणी जिल्ह्यांतील ११...
कोल्हापूर जिल्ह्यातील धरणे निम्मी भरली कोल्हापूर : जिल्ह्यात पावसाचा जोर कमी झाला असला...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
नाशिक जिल्ह्यात पावसाचे पुनरागमननाशिक : जिल्ह्यात पावसाने उघडीप दिल्यामुळे...
वाशीम जिल्ह्यात ‘सुजलाम सुफलाम’मधून २९७...वाशीम ः सुजलाम सुफलाम दुष्काळमुक्त महाराष्ट्र...
रत्नागिरीतील आठ धरणांची होणार तपासणीरत्नागिरी : ‘‘तिवरे धरण फुटल्यानंतर जिल्ह्यातील...
साक्री तालुक्यात दुष्काळाची शक्यतासाक्री, जि. धुळे : पाण्याचे स्रोत आटत आहेत. पाऊस...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...
पावसाच्या आगमनाने नाशिकमधील शेतकरी...नाशिक : जिल्ह्यात पावसाने दडी मारल्याने...
पशुसंवर्धन विकासासाठी ७०० कोटींचा निधी...कोल्हापूर  : राज्यातील पशुसंवर्धन विकासाला...
मराठवाड्यातील पावणेनऊ लाखांवर शेतकरी...औरंगाबाद : मराठवाड्यातील आठही जिल्ह्यांतील...
विद्यार्थी, शेतकरीप्रश्नी ‘स्वाभिमानी’...बुलडाणा  : जिल्ह्यातील शेतकरी अनेक समस्यांना...
बारामतीत मुसळधार पाऊसपुणे  : जिल्ह्याच्या कोरडवाहू भागात असलेल्या...
नगर जिल्ह्यातील सहा महसूल मंडळांत...नगर : जिल्ह्यातील ३५ महसूल मंडळांत शनिवारी जोरदार...
कोणत्याही तंत्रज्ञानाचा डोळस स्वीकार...औरंगाबाद   : कोणत्याही तंत्रज्ञानाचा...
विधानसभा निवडणुकीत महायुतीने  २२० जागा...मुंबई  : आगामी विधानसभा निवडणुकीत महायुतीने...
सोलापूर जिल्ह्यात १७ हजार हेक्टर...सोलापूर ः गेल्या दोन वर्षांपासून सोलापूर जिल्हा...
नाशिक जिल्ह्यातील ४१ हजार हेक्टरवरील...नाशिक : जिल्ह्यात लष्करी अळीचा प्रादुर्भाव...