agriculture news in marathi, Neea Water Phaltan, Pandharpur, Sangoli | Agrowon

नीरेचे पाणी फलटण, पंढरपूर, सांगोल्याकडे

टीम अॅग्रोवन
शुक्रवार, 14 जून 2019

सोलापूर : नीरा-देवघर धरणातून बारामती, इंदापूरकडे बेकायदा जाणारे नीरा डाव्या कालव्याचे पाणी बंद करण्याचा निर्णय जलसंपदा विभागाने बुधवारी (ता.१२) घेतला. एकाच दिवसात या आदेशाची तातडीने अंमलबजावणीही झाली. त्यानुसार बुधवारीच नीरा उजवा कालव्यातून ८०० क्‍युसेकने पिण्यासाठी पाणीही सोडण्यास सुरवात झाली. या पाण्याचा आता सोलापूर जिल्ह्यातील पंढरपूर, सांगोला, माळशिरस या तालुक्‍यांसह सातारा जिल्ह्यातील फलटण अशा चार तालुक्‍यांना फायदा होईल.  

सोलापूर : नीरा-देवघर धरणातून बारामती, इंदापूरकडे बेकायदा जाणारे नीरा डाव्या कालव्याचे पाणी बंद करण्याचा निर्णय जलसंपदा विभागाने बुधवारी (ता.१२) घेतला. एकाच दिवसात या आदेशाची तातडीने अंमलबजावणीही झाली. त्यानुसार बुधवारीच नीरा उजवा कालव्यातून ८०० क्‍युसेकने पिण्यासाठी पाणीही सोडण्यास सुरवात झाली. या पाण्याचा आता सोलापूर जिल्ह्यातील पंढरपूर, सांगोला, माळशिरस या तालुक्‍यांसह सातारा जिल्ह्यातील फलटण अशा चार तालुक्‍यांना फायदा होईल.  

नीरा देवघर धरणाच्या पाण्यासंदर्भात २००७ मध्ये ठरलेल्या पाणी वाटपाच्या मूळ आराखड्यात बदल करून ६० टक्के पाणी बारामतीला वळविण्यात आले होते. उजव्या कालव्यावरील फलटण, माळशिरस, सांगोला, पंढरपूर या तालुक्‍यांना केवळ ४० टक्के पाणी मिळत होते. 

लोकसभा निवडणुकीत या विषयाला पुन्हा तोंड फुटले. प्रचारात हा मुद्दाही चांगलाच गाजला. माजी उपमुख्यमंत्री विजयसिंह मोहिते पाटील, नूतन खासदार रणजितसिंह नाईक निंबाळकर, माजी खासदार रणजितसिंह मोहिते पाटील यांनी हा विषय लावून धरला. त्यावर जलसंपदामंत्री गिरीश महाजन यांनी निर्णय घेऊन याबाबतचा आदेश काढल्याने उजव्या कालव्याला ६० टक्के पाणी मिळण्याचा मार्ग मोकळा झाला. एकाच दिवसात आदेशानंतर त्याची तातडीने अंमलबजावणीही करण्यात आली. नाईक-निंबाळकर, त्यांच्या पत्नी जिजामाला निंबाळकर, शिवामृत दूध संघाचे अध्यक्ष धैर्यशील मोहिते-पाटील आदींच्या उपस्थितीत बुधवारी दुपारी हे पाणी सोडण्यात आले. 

काय आहे प्रकरण... 
१९५४ च्या पाणी वाटप कायद्यानुसार नीरा देवघर धरणातून उजव्या कालव्याद्वारे ५७ टक्के, डाव्या कालव्याद्वारे ४३ टक्के पाणी वाटपाचे धोरण ठरले होते. त्यानुसार उजव्या कालव्यातून सातारा जिल्ह्यातील फलटण व सोलापूर जिल्ह्यातील माळशिरस, सांगोला, पंढरपूर या तालुक्‍यांना पाणी मिळत होते. डाव्या कालव्यातून पुणे जिल्ह्यातील बारामती व इंदापूर तालुक्‍याला पाणी मिळत होते. ४ एप्रिल २००७ रोजी राज्य मंत्रिमंडळाने २००९ मध्ये पाणी वाटपाचा करार बदलला. त्यामध्ये नीरा देवघर धरणातून डाव्या कालव्यात ६० टक्के व उजव्या कालव्यात ४० टक्के असा बदल केला. या कराराची मुदत ३ एप्रिल २०१७ रोजीपर्यंत होती. पण अद्यापही १९५४ च्या कराराऐवजी नव्या सूत्रानुसारच पाणी वाटप सुरू होते. 

मुख्यमंत्र्यांचा दे धक्का

नीरेचे बेकायदा पाणी बारामती, इंदापूरकडे वळवण्यात आल्याचा मुद्दा माढ्याच्या राजकारणाचा केंद्रबिंदू ठरला. निवडणुकीच्या आखाड्यात त्यावर बराच खल झाला. हे पाणी बंद करून बारामती किंवा थेट शरद पवार यांना आव्हान देण्याचे धाडस केले जाईल का? याबाबतही साशंकताच होती. पण मुख्यमंत्री देवेंद्र फडणवीस यांनी त्यावर केवळ आदेश न देता थेट त्याच्या अंमलबजावणीचा निर्णय घेऊन धक्का दिल्याचे बोलले जात आहे.


इतर ताज्या घडामोडी
असे करा जनावरांतील पोटफुगीला प्रतिबंधसर्वच मोसमामध्ये चांगल्या प्रतीचा चारा मिळेल अशी...
खानदेशात बाजरीचे क्षेत्र वाढणारजळगाव ः खानदेशात बाजरीचे क्षेत्र यंदा सुमारे...
बुलडाणा जिल्हा संपन्न करण्यासाठी...बुलडाणा  ः ‘‘जिल्ह्याच्या सर्वांगिण...
शेतकऱ्यांचे प्रश्न सोडविण्यासाठी शासन...नाशिक  : शेतकऱ्याला तातडीची मदत मिळावी,...
शरद पवार हेदेखील पंतप्रधान होऊ शकतात :...नाशिक : केंद्राने सूडबुद्धीने शरद पवार यांना...
रत्नागिरी जिल्हा परिषदेत रिक्तपदांमुळे...रत्नागिरी : मंजूर पदांपेक्षा रिक्त पदांची संख्या...
मराठवाड्यात ज्वारीवर चिकटा, मावा;...औरंगाबाद :  औरंगाबाद, जालना व बीड या...
शिवभोजन थाळी योजनेचे पुण्यात उद्‌घाटन पुणे : शासनाच्या अन्न, नागरीपुरवठा व ग्राहक...
शेतकऱ्यांच्या विकासासाठी सरकार कटिबद्ध...नगर  ः  शेतकरी केंद्रबिंदू मानून राज्य...
पुणे बाजार समितीत भाजीपाल्याचे दर स्थिरपुणे  ः पुणे बाजार समितीच्या शनिवार (ता. २५...
सातारा जिल्ह्यातील प्रलंबित सिंचन...सातारा  : प्रलंबित असलेले जिल्ह्यातील सिंचन...
बाजार समिती निवडणुकीत शेतकऱ्यांना ...नाशिक  : कृषी उत्पन्न बाजार समित्यांच्या...
पीकविमा योजना प्रभावीपणे राबविण्यासाठी...मुंबई : अडचणीत असलेल्या शेतकऱ्यांना...
पुण्यात कृषी आयटीआय संस्था सुरू करणार...पुणे : कृषी, सहकार, उद्योग विभागाला चालना...
मराठवाड्यातील पाणीप्रश्नाबाबत...औरंगाबाद  : कुणावर आक्षेप घेण्यासाठी नव्हे;...
पद्मश्री जाहीर होताच हिवरेबाजारमध्ये...नगर ः आदर्श गाव संकल्प व प्रकल्प समितीचे...
हिवाळी हंगामात पौष्टिक चाऱ्यासाठी करा...बरसीम (शास्त्रीय नावः ट्रायफोलियम...
नगरमध्ये गवार, लसणाच्या दरांत सुधारणा...नगर ः नगर कृषी उत्पन्न बाजार समितीत लसूण,...
सोलापुरात हिरवी मिरची, वांगी,...सोलापूर ः सोलापूर कृषी उत्पन्न बाजार समितीच्या...
पुणे जिल्हा परिषदेचा ‘एक पुस्तक' पॅटर्न...पुणे : विद्यार्थ्यांच्या दप्तराचे ओझे कमी...