लष्करी अळी नियंत्रणासाठी एकात्मिक उपाययोजनांची गरज ः कुलगुरू डॉ. ढवण

लष्करी अळी नियंत्रणासाठी एकात्मिक उपाययोजनांची गरज ः कुलगुरू डॉ. ढवण
लष्करी अळी नियंत्रणासाठी एकात्मिक उपाययोजनांची गरज ः कुलगुरू डॉ. ढवण

परभणी ः मक्यावरील लष्करी अळीचा प्रसार झपाट्याने होत आहे. या घातक अळीच्या नियंत्रणाचे आव्हान निर्माण झाले आहे. कीड रोग सल्ला प्रकल्प (क्रॉपसॅप) अंतर्गत कार्यरत सर्व कर्मचाऱ्यांनी लष्करी अळीच्या संवेदनशील अवस्थेत उपलब्ध असलेल्या सर्व आयुधांचा वापर एकत्रित आणि एकात्मिक पद्धतीने करून या अळीच्या नियंत्रणासाठी प्रयत्न करणे आवश्यक आहे, असे प्रतिपादन वसंतराव नाईक मराठवाडा कृषी विद्यापीठाचे कुलगुरू डॉ. अशोक ढवण यांनी केले.

कृषी विभाग आणि वसंतराव नाईक मराठवाडा कृषी विद्यापीठातील कृषी कीटकशास्त्र विभाग यांच्यातर्फे पिकांवरील कीड -रोग सर्वेक्षण प्रकल्प (क्रॉपसॅप)अंतर्गत कृषी विभागातील अधिकारी, कर्मचारी आणि कृषी विद्यापीठातील समन्वयक यांच्या मास्टर ट्रेनर्स प्रशिक्षणाच्या उद्‍घाटन कार्यक्रमामध्ये डॉ. ढवण बोलत होते.

या वेळी शिक्षण संचालक तथा अधिष्ठाता तसेच विस्तार शिक्षण संचालक डॉ. प्रदीप इंगोले, संशोधन संचालक डॉ. दत्तप्रसाद वासकर, विभागीय कृषी अधीक्षक अधिकारी डी. जी. मुळे, प्राचार्य डॉ. डी. एन. गोखले, कीटकशास्त्र विभागप्रमुख डॉ. पी. एस. झंवर, उपविभागीय अधिकारी सागर खटकाळे, बी. एस. कच्छवे, आर. टी. सुखदेव उपस्थित होते.

डॉ. ढवण पुढे म्हणाले, ‘‘कृषी विभाग, कृषी विद्यापीठ, महसूल विभाग यांच्यातील समन्वयामुळे गतवर्षी कपाशीवरील गुलाबी बोंड अळीचे नियंत्रण व्यवस्थितरीत्या करता आले. मध्यम कालावधीच्या वाणांची लागवड, फरदड निर्मूलनातून गुलाबी बोंड अळीचे नियंत्रण करणे शक्य आहे. परंतु मक्यावरील लष्करी अळी बहुवार्षिक आहे. तिचा प्रसार झपाट्याने होत असल्याने मका पिकासाठी ही अळी अतिशय घातक ठरत आहे. या अळीच्या नियंत्रणासाठी समाज माध्यमांचा उपयोग करून शेतकऱ्यांमध्ये जनजागृती करावी. .’’ प्रास्ताविक डॉ. झंवर यांनी केले. डॉ. अनंत बडगुजर यांनी केले. तर आर. के. सय्यद यांनी आभार मानले.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com