Agriculture news in marathi Need for onion seeds in Nagar district, stock did not match | Agrowon

नगर जिल्ह्यात कांदा बियाणे गरज, साठ्याचा ताळमेळ बसेना

टीम अॅग्रोवन
शुक्रवार, 25 सप्टेंबर 2020

नगर ः जिल्ह्यात दरवर्षी सुमारे एक लाख हेक्टरपेक्षा अधिक क्षेत्रावर कांद्याची लागवड होत आहे. तरीही कांदा बियाण्याची गरज आणि साठा, याचा कृषी विभागालाच ताळमेळ नाही.

नगर ः जिल्ह्यात दरवर्षी सुमारे एक लाख हेक्टरपेक्षा अधिक क्षेत्रावर कांद्याची लागवड होत आहे. तरीही कांदा बियाण्याची गरज आणि साठा, याचा कृषी विभागालाच ताळमेळ नाही. कांदा बियाण्याची गरज किती आहे, सध्या किती बियाणे उपलब्ध आहे, याची काहीही माहिती कृषी विभागाकडे नाही. बियाणे टंचाई झाल्यानंतर आता कुठे कृषी विभागाने माहिती मागवली आहे.  

जिल्ह्यात खरीप, लेट खरीप व उन्हाळी कांद्याची साधारण दरवर्षी एक लाख हेक्टर क्षेत्रावर लागवड होते. त्यात ७० ते ८० हजार हेक्टर क्षेत्रावर उन्हाळी कांद्याची लागवड होते. गेल्यावर्षी कांद्याला मिळणाऱ्या चांगल्या दरामुळे लागवडी वाढल्या. गतवर्षी एकट्या नगर जिल्ह्यात सुमारे एक लाख ४० हजार हेक्टर क्षेत्रावर कांद्याची लागवड झाली. गेल्या सहा महिन्यात कांद्याला दर नाही. मात्र यंदा चांगला पाऊस असल्याने कांद्याचे क्षेत्र वाढण्याचा अंदाज आहे. मात्र, बियाणे टंचाईला शेतकरी सामोरे 
जात आहेत. 

गेल्यावर्षीच्या तुलनेत यंदा दुप्पट दर देऊनही कांदा बियाणे मिळेनासे झाले आहे. त्यावर उपाय शोधण्याची जबाबदारी कृषी विभागावर आहे. मात्र, जिल्ह्यात कांदा बियाणांबाबत कृषी विभाग उदासीन आहे. ‘‘आम्ही फक्त मोजक्या पिकांचीच अशी माहिती ठेवतो. आता कांदा बियाण्याबाबत माहिती मागवली आहे.’’ असे कृषी विकास अधिकाऱ्यांनी सांगितले. 

साठेबाजी होत असल्याची शक्यता 

जिल्ह्यात कांदा बियाण्याची यंदा अधिकची गरज आहे. ते पाहून सुरवातीपासूनच विक्रेते कांदा बियाणे उपलब्ध नसल्याचे सांगत आहेत. गेल्यावर्षी कांदा बिजोत्पादन कमी झाले असेल, परंतु, अजिबातच बियाणे उपलब्ध नाही, असे कसे होऊ शकते? असा प्रश्न शेतकऱ्यांनी उपस्थित केला. मुख्य वितरकांचीच चौकशी करण्याची मागणी होत आहे. बियाणे, खतांचा काळाबाजार रोखण्यासाठी तयार केलेल्या समित्याही कांदा बियाणांच्या बाबत गायब झाल्याचे दिसत आहे. 

गेल्या अनेक दिवसांपासून कांदा बियाण्याची मागणी करत आहोत. मात्र, बियाणे उपलब्ध नसून, लवकर प्राप्त होईल, असे सांगितले जात आहे. शेतकऱ्यांची कोंडी केली जात आहे. शासनाने बियाणे उपलब्ध करणे गरजेचे आहे.
- राजेंद्र पालवे, शेतकरी, आखतवाडे, ता. शेवगाव, जि. नगर


इतर ताज्या घडामोडी
सांगली जिल्ह्यातील भाजीपाला पिके...सांगली ः सांगली जिल्ह्याची ओळख भाजीपाला...
सणासुदीत निष्काळजीपणा नको ः पंतप्रधान...नवी दिल्ली ः देशातील लॉकडाउन संपला तरी कोरोनाचा...
कांदा बियाण्यांचा काळाबाजार सुरूचनाशिक : मागील वर्षी उन्हाळ कांदा बीजोत्पादनावेळी...
लाचखोर तलाठ्यास कारावासवर्धा : सातबारावरील चूक दुरुस्तीसाठी पंधरा...
‘गोकूळ’ देणार दूध संस्‍थांना दरफरकापोटी...कोल्‍हापूर : कोल्‍हापूर जिल्‍हा सहकारी दूध...
केंद्राने महाराष्ट्राच्या हक्काचे ३०...मुंबई : कोरोना संकटामुळे महाराष्ट्रासमोर आर्थिक...
बिहारला मदत, मग महाराष्ट्राला का नाही?...मंगळवेढा, जि. सोलापूर : केंद्र शासनाने बिहारमध्ये...
शेतकऱ्यांशी सरकारला देणेघेणे नाही ः...करमाळा, जि. सोलापूर : मुख्यमंत्री उद्धव ठाकरे हे...
पिकांचे पंचनामे करून प्रस्ताव तातडीने...सोलापूर : नुकसानग्रस्त शेतकऱ्यांच्या जीवनाला...
सोलापूर जिल्ह्यातील तब्बल ७५ महसूल...सोलापूर :  जिल्ह्याला अतिवृष्टीचा मोठा...
सांगली जिल्ह्यात कृष्णाकाठावरील कृषिपंप...सांगली : जिल्ह्यात गेल्या आठवड्यात अतिवृष्टी झाली...
रत्नागिरीत भातशेतीवर अस्मानी संकटरत्नागिरी : ‘‘ऑक्टोबर महिन्यातील मुसळधार...
नाशिक जिल्ह्यात मका विक्रीत...येवला, जि. नाशिक : सध्या बाजार समित्यांसह खासगी...
नुकसानपातळी अधिक, केंद्रानेही मदत करावी...नाशिक : ‘‘परतीच्या पावसामुळे कापणी योग्य झालेली...
रिसोड तालुक्यात सोयाबीनची हेक्टरी अडीच...रिसोड, जि. वाशीम ः  सततच्या पावसाने सोयाबीन...
सातारा जिल्ह्याला पावसाने झोडपलेसातारा ः दोन दिवसाच्या विश्रांतीनंतर सोमवारी...
नुकसानग्रस्तांना अधिकाधिक लाभ द्या :...भंडारा : ‘‘अतिवृष्टी व अवेळी आलेल्या...
नगर जिल्ह्यात शेतकऱ्यांची डाळिंब...नगर : दुष्काळ आणि यंदा अतीवृष्टी, तेल्या आणि...
पुणे जिल्ह्यात काही ठिकाणी मुसळधारपुणे : जिल्ह्यात पावसाच्या कमी अधिक स्वरूपात पाऊस...
मराठवाड्यात पीकविमा, नुकसानभरपाई मान्य...नांदेड : ‘‘जिल्ह्यासह संपूर्ण मराठवाड्यात...