agriculture news in marathi, Need terms while expanding Sugar Factories : Subhash Deshmukh | Agrowon

कारखान्यांच्या विस्तारीकरणात अटी टाका : सुभाष देशमुख

टीम अॅग्रोवन
रविवार, 7 जुलै 2019

पुणे : “राज्यातील साखर कारखान्यांना यापुढे विस्तारीकरणाची मान्यता देताना उसाची पुरेशी उपलब्धता आणि इथेनॉल निर्मितीचे बंधन अशा दोन अटी टाकाव्यात,” असे सहकारमंत्री सुभाष देशमुख यांनी सूचित केले. 

पुणे : “राज्यातील साखर कारखान्यांना यापुढे विस्तारीकरणाची मान्यता देताना उसाची पुरेशी उपलब्धता आणि इथेनॉल निर्मितीचे बंधन अशा दोन अटी टाकाव्यात,” असे सहकारमंत्री सुभाष देशमुख यांनी सूचित केले. 

राज्य सहकारी बॅंकेने आयोजित केलेल्या साखर परिषदेच्या उद्‍घाटन सोहळ्यात शनिवारी (ता. ६) ते बोलत होते. साखर आयुक्त शेखर गायकवाड, राज्य उत्पादन शुल्क आयुक्त प्राजक्ता लवंगारे, वैधमापन शास्त्राच्या उपनियंत्रक सीमा बैस, राज्य बॅंकेच्या प्रशासकीय मंडळाचे अध्यक्ष विद्याधर अनास्कर, मंडळ सदस्य अविनाश महागावकर व संजय भेडे, व्यवस्थापकीय संचालक डॉ. अजित देशपांडे, साखर संघाचे व्यवस्थापकीय संचालक संजय खताळ तसेच राज्यातील साखर कारखान्यांचे अध्यक्ष व कार्यकारी संचालक उपस्थित होते. कारखानदारीच्या बळकटीकरणासाठी एकत्रित आराखडा देण्याचा निर्णय परिषदेने घेतला. 

“विस्तारीकरणाला सरकारचा विरोध नाही. मात्र कारखाने एकमेकांचा ऊस दाखवतात. त्यामुळे १५ किलोमीटरच्या आत ८० टक्के ऊस उपलब्ध असेल, तसेच उपलब्ध ५० टक्के उसाचा इथेनॉलसाठी वापर अशा अटी टाकून विस्तारीकरणाला मान्यता देण्याची गरज आहे. साखर उद्योगाच्या कोणत्याही कामात सरकारकडून सहकारी व खासगी असा भेदाभेद केला जाणार नाही. मागील किंवा आताच्या सरकारी धोरणामुळे काय चुकले हे बघण्यापेक्षाही आता कारखानदारी टिकण्यासाठी आपण एकत्र काय केले पाहिजे हे सांगण्याची गरज आहे,” असे श्री. देशमुख म्हणाले.   

साखर आयुक्त श्री. गायकवाड म्हणाले, की साखर आयुक्तालयाकडून अनेक सुधारणा केल्या जात आहेत. हंगाम सुरू होण्याच्या दोन महिने आधीच कारखान्यांना परवाने दिले जातील. गाळप परवान्यासाठी आलेले प्रस्ताव परस्पर नाकारण्याचे साखर सहसंचालकांचे अधिकार रद्द करण्यात येतील. मंत्री समितीची बैठक झाल्यानंतर परवाना देण्याची पारंपरिक पद्धत बंद केली जाईल. कारण या समितीत ठरणारी गाळपाची तारीख बंधनकारक ठेवून आधीच परवाने देण्यास अडचणी नाहीत.

कारखान्यांच्या विस्तारीकरण व नूतनीकरण प्रस्तावांना मान्यता देताना कडक धोरण स्वीकारण्याचा आग्रह आयुक्तांनी व्यासपीठावरच बोलून दाखविला. “विस्तारीकरणाबाबत खोटी आकडेवारी दाखविली जाते. त्यामुळे मंत्रिमहोदयांनी यात कडक धोरण आणायला हवे. यंदा तर ३० कारखाने सुरू होणार नाहीत. त्यातील २० कारखान्यांचा प्रवास कायमस्वरूपी बंद होण्याकडे सुरू झाला आहे. राज्यात यंदा ६३ लाख टन साखर तयार होईल. एकूण ऊस २८ टक्क्यांनी, तर साखर ४० टक्क्यांनी कमी होणार आहे. त्यामुळे हे वर्ष अतिशय जोखमीचे आहे. यंदा कारखाना चालू करताना तुम्ही १०० वेळा विचार करा. कारखाना बंद ठेवण्याचा  कडक निर्णय देखील घ्या. त्यामुळेच वित्तीय अडचणीतून तुमची सुटका होईल, असा इशारेवजा सल्ला देखील आयुक्तांनी दिला.  

साखर कारखानदारांनी केलेल्या मागण्या

  • इतर उद्योगांप्रमाणेच साखर उद्योगाला कर्जमाफी द्यावी
  • साखरेचा किमान विक्री मूल्य ग्राहकांसाठी ३५ रुपये, तर व्यावसायिक दर ४५ रुपये असावा
  • स्थिर निर्यात धोरण हवे, साखर अत्यावश्यक वस्तु कायद्यातून काढावी 
  • तोडणी यंत्रासाठी अनुदान सुरू करावे, कमी पाण्यात जास्त उतारा देणारे वाण द्यावेत 
  • परवाना पद्धत सुरूच ठेवावी, मात्र कामकाज सुटसुटीत करावे
  • इथेनॉल, सहवीज, प्रक्रिया उद्योगाला चालना द्यावी

गाळप परवान्याला कारखानदारांचा पाठिंबा
“कारखान्यांना राज्य शासनाकडून गाळप परवाना देण्याची पद्धत 
सुरू ठेवावी की नाही,” असा जाहीर प्रश्न सहकारमंत्र्यांनी परिषदेत विचारला. मात्र कारखानदारांनी परवाना पद्धतीला चक्क पाठिंबा दर्शविला. “साखरेसाठी दुहेरी दर पद्धत, निर्यातीसाठी वाहतूक अनुदान, परवाने पद्धत सुटसुटीत करणे, तोडणी यंत्रांना अनुदान देणे याबाबत आम्ही सकारात्मक आहोत. मात्र या परिषदेतील घटकांनी ठोस उपायांसह तुम्ही सरकारकडे यावे,” असेही आवाहन सहकारमंत्र्यांनी केले. 


इतर अॅग्रो विशेष
हरितक्रांती घडविताना सुपीकता हरवली:...अकोला : अन्नधान्य निर्मितीचे उद्दिष्ट पूर्ण...
वाइन उद्योगाला अडचणीतून मुक्त करणार ः...नाशिक : वाइन उद्योगाला मागील काही दिवसांपासून...
सत्तावीस लाख शेतकऱ्यांचे ‘आधार’ रखडलेपुणे: शेतकऱ्यांच्या आधार संलग्न बॅंक खात्यात...
वायफाय मोफत हवाय? घरपट्टी, पाणीपट्टी भराकोल्हापूर : ‘‘वायफाय मोफत हवाय? घरपट्टी व...
कर्जमाफीचा शब्द पाळू ः मुख्यमंत्रीइस्लामपूर, जि. सांगली ः कर्जमाफीचा आम्ही दिलेला...
अकोला जिल्ह्यात मजूरटंचाईमुळे कापूस...अकोला ः शेतीकामांसाठी दिवसेंदिवस मजूर समस्या भीषण...
सावित्रीच्या लेकींचा जागर करीत घराच्या...नाशिक : क्रांतिज्योती सावित्रीबाई फुले जयंतीचे...
पूरकउद्योग अन् शेती विकासात श्री भावेश्...बेलवळे खुर्द (ता. कागल, जि. कोल्हापूर) येथील श्री...
उत्तर महाराष्ट्रात अधिक गारठापुणे : राज्यात गारठा वाढला असला तरी, किमान...
शाश्वत ग्राम, शेतीविकासाची 'जनजागृती'औरंगाबाद येथील जनजागृती प्रतिष्ठान या स्वयंसेवी...
बदल ठरावेत लाभदायकयवतमाळ जिल्ह्यातील आर्णी तालुक्यातील हजारो...
हवामान बदल हेच सर्वांत मोठे आव्हानआ ज जगभरात हवामान बदल आणि त्याचे होणारे परिणाम हा...
महिनाभरात पडणार नाशिक विभागातील साखर...नगर ः नगर, नाशिक जिल्ह्यामध्ये यंदा ३२ पैकी केवळ...
महिलांनी मालक बनले पाहिजे ः राज्यपालमुंबई ः महालक्ष्मी सरस प्रदर्शनातून महिलांचे...
कर्जमाफीपासून वंचित शेतकऱ्यांसाठी...मुंबई ः दोन लाख रुपयांपेक्षा जास्त थकबाकी...
ग्रामीण कुटुंबांचे उत्पन्न का वाढत नाही...पुणे: देशात ५० टक्के रोजगार हा शेतीशी निगडित व...
नागपूर : थंडीची तीव्रता वाढली; अंडी...नागपूर ः थंडीच्या दिवसांत मागणी वाढत अंड्यांचे...
निफाडला २.४ अंश तापमान; राज्य थंडीने...पुणे : उत्तरेकडून वाहणाऱ्या थंड वाऱ्यांच्या...
शेतात नवे प्रयोग करणारे शेतकरी आमचे...मुंबई ः प्रत्यक्ष शेतात राबून नवनवीन प्रयोग...
चिखलदऱ्याच्या स्ट्राॅबेरीला हवाय...अमरावती ः लागवड खर्चाच्या दुप्पट उत्पन्न मिळवून...