Agriculture news in marathi, Net income is the 3.25 crore to Solapur market committee | Agrowon

सोलापूर कृषी उत्पन्न बाजार समितीचे निव्वळ उत्पन्न सव्वातीन कोटी

टीम अॅग्रोवन
बुधवार, 11 सप्टेंबर 2019

सोलापूर : सोलापूर कृषी उत्पन्न बाजार समितीच्या २०१८-१९ या आर्थिक वर्षात बाजार समितीला १७ कोटी ८० लाख ३७ हजारांचे उत्पन्न मिळाले. त्यापैकी १४ कोटी ५८ लाख ८५ हजार रुपयांचा खर्च झाला आहे. त्यात ८ कोटी ५४ लाख रुपये केवळ आस्थापनेवर खर्च झाला आहे. या सर्व व्यवहारातून  निव्वळ उत्पन्न (वाढावा) ३ कोटी २१ लाख ४८ हजार रुपये बाजार समितीच्या तिजोरीत शिल्लक आहेत. 

सोलापूर : सोलापूर कृषी उत्पन्न बाजार समितीच्या २०१८-१९ या आर्थिक वर्षात बाजार समितीला १७ कोटी ८० लाख ३७ हजारांचे उत्पन्न मिळाले. त्यापैकी १४ कोटी ५८ लाख ८५ हजार रुपयांचा खर्च झाला आहे. त्यात ८ कोटी ५४ लाख रुपये केवळ आस्थापनेवर खर्च झाला आहे. या सर्व व्यवहारातून  निव्वळ उत्पन्न (वाढावा) ३ कोटी २१ लाख ४८ हजार रुपये बाजार समितीच्या तिजोरीत शिल्लक आहेत. 

बाजार समितीचे सभापती तथा पालकमंत्री विजयकुमार देशमुख यांच्या अध्यक्षतेखाली समितीची वार्षिक सभा सोमवारी (ता. ९) झाली. उपसभापती श्रीशैल नरोळे, संचालक दिलीप माने, बाळासाहेब शेळके, जितेंद्र साठे, बसवराज इटकळे आदी उपस्थित होते. 

बाजार समितीच्या २०१८-१९ या आर्थिक वर्षात बाजार शुल्क ११ कोटी ८० लाख रुपये, परवाना शुल्क ३ लाख ८६ हजार, प्लॉट भाडे ८ लाख ९९ हजार, वजनकाटा भाडे २३ लाख ३७ हजार, व्याज ४ कोटी ६८ लाख ३९ हजार, इतर उत्पन्न ६८ लाख ४ हजार रुपये असे एकूण १७ कोटी ८० लाख ३७ हजार रुपयांचे उत्पन्न बाजार समितीला मिळाले. त्यापैकी मानधन, प्रशासन, आस्थापना आदी खर्चावर १४ कोटी ५८ लाख ८५ हजार रुपयांचा खर्च झाला.

देशमुख म्हणाले, "बाजार समितीच्या माध्यमातून शेतकरी हा केंद्रबिंदू मानून काम सुरू आहे. यापुढेही बाजार समितीकडून शेतकऱ्यांचा अधिकाधिक फायदा कसा होईल, याकडे लक्ष देऊ. कांदा निर्यात सुविधा केंद्र सुरू करण्याबाबत शासनाला प्रस्ताव पाठवला आहे. तसेच रस्ते आणि वीजेची पुरेशी सोय आणि शेतमालाला संरक्षण यावरही भर देण्यात येत आहे.’’

‘‘दोन हजार मेट्रिक टनापर्यंतच्या शीतगृह प्रकल्पाबाबतही प्रयत्न सुरू आहेत. ईनाम व्यवहाराबाबतही कार्यवाही सुरू आहे. शक्‍य तेवढ्या लवकर सर्व सुविधा पुरवण्याचा प्रयत्न करण्यात येईल,'''' असेही त्यांनी सांगितले.

बाजार समितीच्या नव्या पदाधिकाऱ्यांची ही पहिलीच सभा होती. त्यामुळे अनेक संचालक उत्सुकेतपोटी उपस्थित होते. पण तुलनेने शेतकऱ्यांची संख्या फारच कमी होती. या सभेबाबत अनेक शेतकऱ्यांना माहिती नव्हती, असे दिसले. त्यामुळे सभेचे कामकाज अवघ्या काही वेळात संपले.


इतर ताज्या घडामोडी
ठिबक सिंचनातील पंप निवडीसाठी तांत्रिक...महाराष्ट्रामध्ये शेतकरी कापूस, हळद, ऊस, संत्रा,...
वारणा, गोकुळ दूध संघांकडून दरात वाढकोल्हापूर : जिल्हा दूध संघ (गोकुळ) आणि वारणानगर...
नाशिक : अतिवृष्टीनंतर कपाशीवर करपाचा...नाशिक : अतिवृष्टीमुळे सातत्याने कपाशी लागवडीमध्ये...
कृषी संशोधन केंद्रे पांढरा हत्ती ठरू...भंडारा ः सर्वाधिक रोजगार शेतीमधून उपलब्ध होऊ शकतो...
मधमाश्या, मित्रकीटक वाचविण्यासाठी...नाशिक: मधमाश्यांची संख्या जगभरात तसेच भारतातही...
बाधितांसाठी मागितले दहा कोटी अन्‌...आटपाडी, जि. सांगली ः अवकाळी पावसामुळे आटपाडी...
शेतकरी संघटनेचे गुरुवारी निर्बंधमुक्ती...नगर ः संपूर्ण कर्जमाफी करून राज्यातील शेतकऱ्यांचा...
पुणे : फळपीक विमा योजना असून नसल्यासारखीपुणे : फळपिकांना हवामानाच्या धोक्यापासून संरक्षण...
गडहिंग्लजमध्ये ज्वारीचे क्षेत्र एक हजार...गडहिंग्लज, जि. कोल्हापूर : अतिवृष्टी आणि अवकाळी...
बाजारपेठेवर आधारित पीकपद्धतीचा अवलंब...नगर  : ‘‘कमी पाणी व जास्त पाणी, अशा दोन...
नवीन वर्षात ७५० ग्रामपंचायतींच्या...पुणे : येत्या नवीन वर्षात जुलै ते डिसेंबर २०२० या...
हिंगोली जिल्ह्यात रब्बीची ७६ हजार...हिंगोली : जिल्ह्यात यंदाच्या रब्बी हंगामात सोमवार...
पुण्यात पालेभाज्यांसह कांद्याच्या आवकेत...पुणे : गुलटेकडी येथील पुणे कृषी उत्पन्न बाजार...
गहू, हरभरा पिकांसाठी एकात्मिक...या वर्षी परतीच्या पावसाचे प्रमाण अधिक राहिल्याने...
शेती उत्पादन वाढीसाठी मधमाश्‍यांचा मोठा...नाशिक: मधमाश्‍यांचे संगोपन करून त्यांच्या...
कृत्रिम रेतनावर नियंत्रण योग्यचपुणे : कृत्रिम रेतन करताना शास्त्रोक्त...
कडधान्यवर्गीय बियाणे उत्पादकांना अनुदान...अकोला  ः कडधान्यवर्गीय पिकांच्या पायाभूत...
अमरावती ‘एसआयटी’कडूनही अजित पवार निर्दोषमुंबई : नागपूर विभागातील सिंचन घोटाळ्यापाठोपाठ...
नांदेड जिल्ह्यात कृषी योजनेंतर्गत १...नांदेड : जिल्हा परिषदेच्या कृषी...
पुणे विभागात गळीत हंगामात १८ साखर...पुणे : गळीत हंगाम सुरू होऊन जवळपास दीड महिना होत...