Agriculture news in Marathi New agricultural technology benefits farmers: MP Godse | Agrowon

हवामान बदलाचा आंब्यावरील परिणाम अभ्यासणार

राजेश कळंबटे
सोमवार, 25 जानेवारी 2021

दापोलीतील चार ठिकाणी ही निरीक्षणे घेण्यात येणार आहे. संपूर्ण जिल्ह्यात आंबा प्रक्षेत्रांवर ही मोहीम राबविण्यासाठी पुरेसा निधी आवश्यक आहे. त्यासाठी जिल्हा प्रशासनाकडे प्रस्ताव सादर केला आहे, अशी माहिती कोकण कृषी विद्यापीठाचे संशोधक डॉ. पराग हळदणकर यांनी सांगितले.

रत्नागिरी ः वातावरणातील चढ-उताराचे आंबा पिकावर काय परिणाम होतात याची निरीक्षणे नोंदवण्यासाठी कोकण कृषी विद्यापीठाने पावले उचलली आहेत. दापोलीतील चार ठिकाणी ही निरीक्षणे घेण्यात येणार आहे. संपूर्ण जिल्ह्यात आंबा प्रक्षेत्रांवर ही मोहीम राबविण्यासाठी पुरेसा निधी आवश्यक आहे. त्यासाठी जिल्हा प्रशासनाकडे प्रस्ताव सादर केला आहे, अशी माहिती कोकण कृषी विद्यापीठाचे संशोधक डॉ. पराग हळदणकर यांनी सांगितले.

२००५ पासून दरवर्षी वातावरणातील बदल वेगवेगळे आहेत. त्याला शास्त्रीयदृष्ट्या हवामानातील चढ-उतार म्हटले जाते. कधी पाऊस पडतो, तर कधी उष्मा, थंडीचा जोर कमी अशी वेगवेगळी परिस्थिती पाहायला मिळते. हवामानातील चढ-उतारांचा आंबा लागवडीवर होणारा परिणाम अभ्यासण्यासाठी कोकण कृषी विद्यापीठाकडून पावले उचलण्यात आली आहेत; मात्र त्याला आर्थिक जोड लागणार आहे. त्यासाठी जिल्हाधिकाऱ्यांकडे निधीसाठी प्रस्ताव देण्यात आला आहे. जिल्ह्यात महसूल मंडळनिहाय स्वयंचलित हवामान केंद्र बसविण्यात आली आहे. ती स्कायमेट या संस्थेने बसविली आहेत. ही केंद्र असलेल्या परिसरातील आंबा बागांची निवड करून बदलत्या हवामानाचे परिणाम नोंदविण्यात येणार आहेत.

सध्या दापोली तालुक्यातील काही ठिकाणे कोकण कृषी विद्यापीठाकडून निवडली आहेत. याला व्यापक रूप देण्याची गरज असून त्यासाठी अधिकचा निधी लागणार आहे. सध्या उपलब्ध असलेल्या फंडातून कोकण कृषी विद्यापीठाने कार्यवाही सुरू केली आहे. रत्नागिरी, संगमेश्‍वर, चिपळूण यांसह विविध भागांतील वातावरण वेगवेगळे असते. तेथील वातावरण कसे आहे याची नोंद घेऊन त्याचे आंबा बागांवर विपरीत परिणाम कसे होतात याची निरीक्षणे घेतली जाणार आहे.

या सर्वांचा तपशील गोळा करून भविष्यातील आडाखे बांधता येतील. तसेच कीड-रोग आणि त्यावरील फवारणींचे नियोजन, बागायतदारांना खर्च वाचवण्यासाठीच वेळापत्रक निश्‍चित करता येणार आहे. जिल्ह्याचे क्षेत्र अधिक असल्यामुळे १५ ते २० ठिकाणी अशा नोंदी घेणे आवश्यक आहे. दापोली तालुक्यात चार ठिकाणी अशा नोंदी घेण्याचे काम सुरू आहे. जिल्हा प्रशासनाकडून मदत आली तर त्याचा फायदा निश्‍चितच आंबा बागायतदारांना होऊ शकतो, असा विश्‍वास डॉ. हळदणकर यांनी व्यक्त केला.


इतर ताज्या घडामोडी
शेतीच्या उन्नतीसाठी ज्ञानच महत्त्वाचे...पुणे : कृषीप्रधान देश असलेल्या भारतात शेतीला...
अवकाळीच्या तडाख्यात शेवग्याचे पुन्हा...नाशिक : गत जानेवारी महिन्यात झालेल्या अवकाळी...
खानदेशात वीजबिल वसुलीसाठी शेतकऱ्यांमागे...जळगाव : खानदेशात कृषिपंपांची वीजबिल थकबाकी...
खानदेशात मका दर सुधारलेजळगाव : खानदेशातील प्रमुख बाजार समित्यांमध्ये...
नांदेड जिल्ह्यात राष्ट्रीयीकृत...नांदेड : जिल्ह्यात खरीप व रब्बी हंगाम २०२०-२१...
‘महाखनिज’मध्ये परराज्यांतील वाळूची...परभणी ः ‘‘राज्य शासनाने परराज्यांतून होणाऱ्या...
पुणे बाजार समितीत पायाभूत सुविधा द्या,...पुणे ः पुणे बाजार समितीमधील भुसार विभागातील...
परभणी : संचालक मंडळाच्या निवडणूकीत...परभणी ः परभणी जिल्हा बॅंक संचालक मंडळाच्या...
सातारा जिल्हा बॅंकेसाठी दोन हजारांवर...सातारा : जिल्हा बॅंकेच्या निवडणुकीसाठी सोसायटीसह...
सात वर्षांत हमीभावात ऐतिहासिक वाढ ः...नवी दिल्ली : गेल्या सात वर्षांत केंद्र सरकारने...
सोलापुरात शेतकऱ्यांना थेट कर्जवाटप करणारसोलापूर : आर्थिक स्थितीमुळे गेल्या चार-पाच...
पणनची कापूस खरेदी रविवारपासून बंदनागपूर : बाजारात हमीभावापेक्षा कापसाला मिळणारा...
राजर्षी छत्रपती शाहू महाराज कृषी...सोलापूर : सोलापूर, कोल्हापूर, सांगली, सातारा या...
शेतीला दिवसा आठ तास वीजपुरवठा करा :...मुंबई : राज्यात वीजेचे दर कमी करण्याचे व...
मराठा आरक्षणाची सुनावणी सर्वोच्च...मुंबई : ‘‘देशातील अनेक राज्यांमधून त्यांच्या...
शॉर्टसर्किटमुळे आग; अकराशे आंबा, काजू...रत्नागिरी : तालुक्यातील शीळ-सड्यावर वणव्याच्या...
घनकचरा पथदर्शी प्रकल्पांसाठी सिंधुदुर्ग...वैभववाडी : स्वच्छ भारत मिशनच्या दुसऱ्या...
अकोल्यात रब्बीसाठी ५४ कोटींचे पीककर्ज...अकोला : यंदाच्या रब्बी हंगमात जिल्ह्यात लागवड...
भाजपला दिला आयारामांनी झटका...सांगली : सांगली-मिरज-कुपवाड महालिकेवर गेल्या अडीच...
तंत्र कोथिंबीर लागवडीचे...कोथिंबीर पिकास नियमित ४ ते ५ दिवसांनी पाणी द्यावे...