Agriculture news in marathi New Gram Panchayat elections in the new year | Agrowon

नवीन वर्षात ७५० ग्रामपंचायतींच्या निवडणुका

टीम अॅग्रोवन
सोमवार, 9 डिसेंबर 2019

पुणे : येत्या नवीन वर्षात जुलै ते डिसेंबर २०२० या कालावधीत संपणाऱ्या १२ हजार ६५५ ग्रामपंचायतींच्या प्रभागरचना, आरक्षण व प्रभागनिहाय मतदार यादीचे विभाजन आदी कार्यक्रम जाहीर केला आहे. येत्या २० डिसेंबर ते २१ मार्च २०२० यादरम्यान ही कामे करण्यात येतील. यासंदर्भात राज्य निवडणूक आयोगाचे अप्पर सचिव अतुल जाधव यांनी नुकताच आदेश काढला आहे. त्यामुळे पुणे जिल्ह्यातील सुमारे ७५० ग्रामपंचायतींच्या निवडणुका होणार असून, गावांतील वातावरण तापणार आहे.

पुणे : येत्या नवीन वर्षात जुलै ते डिसेंबर २०२० या कालावधीत संपणाऱ्या १२ हजार ६५५ ग्रामपंचायतींच्या प्रभागरचना, आरक्षण व प्रभागनिहाय मतदार यादीचे विभाजन आदी कार्यक्रम जाहीर केला आहे. येत्या २० डिसेंबर ते २१ मार्च २०२० यादरम्यान ही कामे करण्यात येतील. यासंदर्भात राज्य निवडणूक आयोगाचे अप्पर सचिव अतुल जाधव यांनी नुकताच आदेश काढला आहे. त्यामुळे पुणे जिल्ह्यातील सुमारे ७५० ग्रामपंचायतींच्या निवडणुका होणार असून, गावांतील वातावरण तापणार आहे.

जुलै ते डिसेंबर २०२० दरम्यान राज्यातील सुमारे १२ हजार ६५५ ग्रामपंचायतींच्या कार्यकारी मंडळाची मुदत संपत आहे. या सर्व ग्रामपंचायतींची प्रभागरचना, आरक्षण, प्रभागनिहाय मतदार याद्यांचे विभाजन पुन्हा एकदा करावे लागेल. त्यामुळे निवडणूक आयोगाने या संदर्भात आदेश काढला आहे. संबंधित तहसीलदारांनी २० डिसेंबरपर्यंत संबंधित गावांचे नकाशे गुगल मॅपच्या साह्याने तयार करायचे आहेत. संबंधित गावचे तलाठी व ग्रामविकास अधिकाऱ्यांनी ३० डिसेंबरपर्यंत प्रत्यक्ष स्थळाची पाहणी करून प्रभाग पाडणे, प्रभागाच्या सीमा निश्चित करून अनुसूचित जाती, जमातींचे आरक्षण निश्चित करावे. या प्रस्तावाला तहसीलदार अध्यक्ष असलेल्या समितीने १० जानेवारी २०२० पर्यंत मंजुरी देऊन २० जानेवारीपर्यंत तहसीलदारांकडून आवश्‍यक दुरुस्ती करून घ्यावी. ३० जानेवारीपर्यंत जिल्हाधिकारी  कार्यालयाने सुचविलेले बदल करून प्रारूप प्रभागरचना व आरक्षणाला मान्यता द्यावी. आरक्षणाच्या सोडतीसाठी विशेष ग्रामसभा बोलवण्यासाठी एक फेब्रुवारी रोजी सूचना द्यावी, असे आदेशात म्हटले आहे.

 चार फेब्रुवारीपर्यंत विशेष ग्रामसभा बोलावून प्रारूप प्रभागरचनेवर आरक्षणाची सोडत निघेल. सात फेब्रुवारीपर्यंत प्रारूप प्रभागरचना सूचना व हरकतींसाठी सूचना प्रसिद्ध होईल. त्यावर नागरिकांना १४ फेब्रुवारीपर्यंत आक्षेप नोंदविता येतील. 

२०११ च्या जनगणनेनुसार निवडणूक 

राज्य निवडणूक आयोगाच्या २००५ च्या आदेशानुसार ग्रामपंचायतीच्या हद्दीत व क्षेत्रात निवडणुकीच्या अगोदर सहा महिने बदल करता येत नाही. प्रभागरचनेला मान्यता देण्याचा अधिकार संबंधित तहसीलदार, अध्यक्ष गटविकास अधिकारी, मंडलाधिकारी सदस्य समितीला आहे. आरक्षणाची सोडतीसाठी बोलाविलेल्या विशेष ग्रामसभेस गणपूर्तीची आवश्यकता, ग्रामपंचायतीच्या मान्यतेची गरज नसेल. या निवडणुका २०११ च्या जनगणनेनुसार घेण्यात येतील. 


इतर ताज्या घडामोडी
कृषी कायदे शेतकऱ्यांना गुलाम करणारे :...नागपूर : केंद्रातील भाजप सरकारने लोकशाही आणि...
कोरोना लसीकरण क्रांतिकारक पाऊल : ...मुंबई : कोरोना लसीकरणाचा आजचा कार्यक्रम हे एक...
सातारा जिल्ह्यात रब्बीची ९५ टक्के...सातारा : जिल्ह्यातील रब्बी हंगामातील पेरणीची कामे...
औरंगाबाद, जालना, बीड जिल्ह्यांत गहू...औरंगाबाद : तीन जिल्ह्यात यंदा रब्बी हंगामात...
सांगलीत कारखानदारांनी एफआरपीचा केला...सांगली : कोल्हापूर जिल्ह्यातील बहुतांश साखर...
बँकांनी पीक कर्जवाटप वेळेत पूर्ण करावे...नगर:  ‘‘जिल्ह्यात रब्बी हंगामासाठी बँकांना...
सांगलीत ‘पीएम किसान’च्या अपात्र...सांगली : पंतप्रधान किसान योजनेतील जिल्ह्यातील ५...
सांगली जिल्हा बॅंकेसह १७३ संस्थांच्या ...सांगली : सहकारी संस्थांच्या निवडणुका घेण्याचे...
नाशिकला मका खरेदीसाठी ५६ हजार क्विंटलचे... येवला : केंद्र शासनाच्या परवानगीनंतर ही...
नांदेड जिल्ह्यात मतदानासाठी केंद्रांवर...नांदेड ः जिल्ह्यातील ९०७ ग्रामपंचायतींसाठी...
नाशिकमध्ये उत्साहात ग्रामपंचायतींचे...नाशिक : जिल्ह्यातील ६२१ पैकी ५६५...
गोसेखुर्द प्रकल्पासाठी भूसंपादनाचा तिढा...नागपूर : पूर्व विदर्भातील शेतकऱ्यांसाठी वरदान...
नव्या परवानगीमुळे मका उत्पादकांचा जीव...बुलडाणा : राज्यात सर्वाधिक मका खरेदी झालेल्या...
राज्यात कृषी पीएचडीची प्रवेश प्रक्रिया...पुणे ः राज्याच्या चारही कृषी विद्यापीठांमधील...
खानदेशात मका दरात सुधारणाजळगाव ः खानदेशातील प्रमुख बाजार समित्यांमध्ये...
सकाळी सौम्य थंडी; दुपारी उष्ण हवामानमहाराष्ट्रावर १०१० हेप्टापास्कल इतका कमी हवेचा...
डाळिंब बागांसाठी पाण्याचे व्यवस्थापनजानेवारी अखेरपासून पाण्याची उपलब्धता कमी होत जाते...
औरंगाबादमध्ये मोसंबीला सर्वसाधारण ३०००...औरंगाबाद : येथील कृषी उत्पन्न बाजार समितीमध्ये...
गहू संशोधनात सर्वांचाच वाटा ः डाॅ. ढवणनाशिक :  येथील गहू संशोधन केंद्रास डॉ....
कोल्हापुरात सकाळपासूनच मतदारांच्या...कोल्हापूर : जिल्ह्यात ग्रामपंचायतीसाठी चुरशीने...