Agriculture news in marathi The new permit puts the lives of maize growers at risk | Agrowon

नव्या परवानगीमुळे मका उत्पादकांचा जीव भांड्यात 

टीम अॅग्रोवन
रविवार, 17 जानेवारी 2021

राज्यात सर्वाधिक मका खरेदी झालेल्या बुलडाणा जिल्ह्यात अद्यापही सुमारे दोन लाख क्विंटलपेक्षा अधिक मका पडून आहे. केंद्र शासनाने भरडधान्य खरेदीस मुदतवाढ दिल्याने आता या मक्याच्या खरेदीचा पेच सुटला आहे.

बुलडाणा : राज्यात सर्वाधिक मका खरेदी झालेल्या बुलडाणा जिल्ह्यात अद्यापही सुमारे दोन लाख क्विंटलपेक्षा अधिक मका पडून आहे. केंद्र शासनाने भरडधान्य खरेदीस मुदतवाढ दिल्याने आता या मक्याच्या खरेदीचा पेच सुटला आहे. राज्याकडून आदेश मिळताच खरेदीची प्रक्रिया सुरू केली जाणार आहे. 

जिल्‍ह्यात विदर्भात सर्वाधिक मका उत्पादन घेतले जाते. यंदाच्या खरिपात दहा हजार हेक्टरपेक्षा अधिक क्षेत्रावर लागवड झाली होती. जिल्ह्यात मका विक्रीसाठी ११ हजार ३३१ शेतकऱ्यांनी ऑनलाइन नोंदणी केली होती. त्यापैकी आजवर ३ हजार ७८८ शेतकऱ्यांचा १ लाख ४० हजार ९२४ क्विंटल मका खरेदी झालेला आहे.

खरेदीचा लक्ष्यांक पूर्ण झाल्याचे कारण देत शासनाने मुदतीपूर्वी (३१ डिसेंबर) मका खरेदी थांबविल्याने जिल्ह्यातील राहिलेल्या साडेसात हजारांवर मका उत्पादकांसमोर पेच तयार झाला होता. मका खरेदी सुरू करण्याची मागणी मलकापूरचे आमदार राजेश एकडे यांनी या खात्याच्या मंत्र्यांकडे केली होती.

गेले १० ते १२ दिवस या बाबत कुठलीही घोषणा न झाल्याने अनेकांनी खुल्या बाजारात कमी दरात मक्याची विक्री सुरू केली होती. बाजारभाव व आधारभूत किमतीत शेतकऱ्यांना ७०० रुपयांपर्यंत फटका सहन करावा लागला आहे. शासनाचा बाजारभाव १ हजार ८५० असताना बाजारपेठेत १ हजार १०० रुपयांपासून खरेदी सुरू होती.

जिल्ह्यात सध्या दोन लाख क्विंटलपेक्षा अधिक मका शिल्लक असल्याचा अंदाज आहे. नव्या मंजुरीनंतर आता ३१ जानेवारीपर्यंत खरेदीची मुदत राहणार आहे. यामुळे शिल्लक असलेला मका राहिलेल्या १६ ते १७ दिवसांतच खरेदी करावा लागणार आहे. 

केंद्राने मंजुरी दिल्याने खरेदीचा मार्ग मोकळा झाला. राज्याचे आदेश जिल्हा यंत्रणेला मिळताच जिल्ह्यात १५ केंद्रांवर तातडीने मका खरेदी सुरू केली जाणार असल्याचे अधिकाऱ्यांनी स्पष्ट केले. मका खरेदीच्या अनुषंगाने सर्वच तयारी आधीपासून झालेली आहे. 

  • बुलडाण्यातील मका खरेदी 
  • नोंदणी केलेले शेतकरी - ११३३१ 
  • मका खरेदी झालेले शेतकरी- ३७८८ 
  • शिल्लक शेतकरी- ७५४३ 
  • झालेली मका खरेदी- १४०९२४ (क्विंटल) 
     

इतर ताज्या घडामोडी
शेतीच्या उन्नतीसाठी ज्ञानच महत्त्वाचे...पुणे : कृषीप्रधान देश असलेल्या भारतात शेतीला...
अवकाळीच्या तडाख्यात शेवग्याचे पुन्हा...नाशिक : गत जानेवारी महिन्यात झालेल्या अवकाळी...
खानदेशात वीजबिल वसुलीसाठी शेतकऱ्यांमागे...जळगाव : खानदेशात कृषिपंपांची वीजबिल थकबाकी...
खानदेशात मका दर सुधारलेजळगाव : खानदेशातील प्रमुख बाजार समित्यांमध्ये...
नांदेड जिल्ह्यात राष्ट्रीयीकृत...नांदेड : जिल्ह्यात खरीप व रब्बी हंगाम २०२०-२१...
‘महाखनिज’मध्ये परराज्यांतील वाळूची...परभणी ः ‘‘राज्य शासनाने परराज्यांतून होणाऱ्या...
पुणे बाजार समितीत पायाभूत सुविधा द्या,...पुणे ः पुणे बाजार समितीमधील भुसार विभागातील...
परभणी : संचालक मंडळाच्या निवडणूकीत...परभणी ः परभणी जिल्हा बॅंक संचालक मंडळाच्या...
सातारा जिल्हा बॅंकेसाठी दोन हजारांवर...सातारा : जिल्हा बॅंकेच्या निवडणुकीसाठी सोसायटीसह...
सात वर्षांत हमीभावात ऐतिहासिक वाढ ः...नवी दिल्ली : गेल्या सात वर्षांत केंद्र सरकारने...
सोलापुरात शेतकऱ्यांना थेट कर्जवाटप करणारसोलापूर : आर्थिक स्थितीमुळे गेल्या चार-पाच...
पणनची कापूस खरेदी रविवारपासून बंदनागपूर : बाजारात हमीभावापेक्षा कापसाला मिळणारा...
राजर्षी छत्रपती शाहू महाराज कृषी...सोलापूर : सोलापूर, कोल्हापूर, सांगली, सातारा या...
शेतीला दिवसा आठ तास वीजपुरवठा करा :...मुंबई : राज्यात वीजेचे दर कमी करण्याचे व...
मराठा आरक्षणाची सुनावणी सर्वोच्च...मुंबई : ‘‘देशातील अनेक राज्यांमधून त्यांच्या...
शॉर्टसर्किटमुळे आग; अकराशे आंबा, काजू...रत्नागिरी : तालुक्यातील शीळ-सड्यावर वणव्याच्या...
घनकचरा पथदर्शी प्रकल्पांसाठी सिंधुदुर्ग...वैभववाडी : स्वच्छ भारत मिशनच्या दुसऱ्या...
अकोल्यात रब्बीसाठी ५४ कोटींचे पीककर्ज...अकोला : यंदाच्या रब्बी हंगमात जिल्ह्यात लागवड...
भाजपला दिला आयारामांनी झटका...सांगली : सांगली-मिरज-कुपवाड महालिकेवर गेल्या अडीच...
तंत्र कोथिंबीर लागवडीचे...कोथिंबीर पिकास नियमित ४ ते ५ दिवसांनी पाणी द्यावे...