agriculture news in marathi, New sugar season to start with 70 lakh ton stock | Agrowon

पुढील हंगाम ७० लाख टन साखरेसह सुरू होणार

राजकुमार चौगुले
गुरुवार, 11 एप्रिल 2019

कोल्हापूर : साखर हंगाम आता अंतिम टप्प्यात आला आहे. राज्यात सुमारे एकशे पाच लाख टन साखरेचे उत्पादन झाले आहे. सध्या कारखानदारांच्या हातात पुढील हंगाम सुरू होण्यापूर्वी सुमारे सहा महिन्यांचा कालावधी आहे. कोट्यानुसार जरी विक्री केली तरी पुढील हंगामात सुमारे सत्तर लाख टन साखर शिल्लक राहू शकते. त्यामुळे पुढील हंगामात कारखान्यांवर आणखी दबाव वाढणार आहे.

कोल्हापूर : साखर हंगाम आता अंतिम टप्प्यात आला आहे. राज्यात सुमारे एकशे पाच लाख टन साखरेचे उत्पादन झाले आहे. सध्या कारखानदारांच्या हातात पुढील हंगाम सुरू होण्यापूर्वी सुमारे सहा महिन्यांचा कालावधी आहे. कोट्यानुसार जरी विक्री केली तरी पुढील हंगामात सुमारे सत्तर लाख टन साखर शिल्लक राहू शकते. त्यामुळे पुढील हंगामात कारखान्यांवर आणखी दबाव वाढणार आहे.

साखर विक्री ठप्प झाल्याने आता मे ते ऑक्टोबरअखेर जास्तीत जास्त साखर विक्री करण्याचे आव्हान आहे. उन्हाळ्याच्या पार्श्वभूमीवर साखर विक्री गतीने होईल, असा अंदाज कारखानदारांचा होता; पण तो फोल ठरत असल्याने कारखानादारांपुढे धोक्याची मालिका कायम आहे. 

 एप्रिल सुरू होऊन सप्ताहाचा कालावधी उलटला असला तरी फेब्रुवारी, मार्चच्या कोट्याची साखर विकण्यासाठी कारखानदारांची धडपड सुरू आहे; पण नियमित विक्री होत नसल्याने कारखान्यांचे गळीत हंगाम निराशेच्या गर्तेतच समाप्त होत आहेत.

पुढील हंगामात दुष्काळ गृहीत धरला तरी आणखी ७० लाख टन साखर उत्पादन होऊ शकते. ही सर्व साखर वेळेत विकून बँकेचे कर्ज व एफआरपी देण्याचे आव्हान कारखानदारांपुढे आहेत. यातून ते कसा मार्ग काढणार, याचेही उत्तर त्यांच्याकडे नाही. व्यापारी अद्यापही फारशी मागणी नोंदवत नसल्याने कारखाने हतबल आहेत.

पगार थकबाकीमुळे कामगारांत अस्वस्थता
साखरेचे माहेर समजल्या जाणाऱ्या पश्चिम महाराष्ट्रात व्यस्थापन पातळीवरही कारखान्याची वाईट अवस्था आहे. मोजक्याच चार, पाच कारखान्यांचा अपवाद वगळता बहुतांशी कारखान्यांत कर्मचाऱ्यांचा पगार सहा सहा महिने झालेला नाही. बँकेकडून मिळालेली रक्कम शेतकऱ्यांच्या बिलाला गेली. साखर विक्री नसल्याने चक्र फिरेनासे झाले आहे. यामुळे कारखान्याची अंर्तगत अर्थव्यस्था ठप्प झाली आहे. याचा विपरीत परिणाम कर्मचाऱ्यांचे पगार थांबण्यावर झाला आहे. जर परिस्थिती नाही सुधारली तर पुढील हंगामातही कर्मचाऱ्यांचे वेतन वेळेत होईल का, याबाबत साशंकताच असल्याचे कारखाना सूत्रांनी सांगितले.

साखर उद्योगाला अडचणी आल्या आहेतच; पण यातूनही मार्ग निघणे शक्य आहे. कारखानदारांनी निर्यातीच्या पातळीवर गतीने निर्णय घेऊन साखर बाहेर काढण्यासाठी तत्पर उपाययोजना करणे गरजेचे आहे. निर्यातीसाठीचे अनुदान व अन्य लाभ मिळवण्यासाठी साखर विक्री होणे गरजेचे आहे. कारखान्यानी याकडे जास्त लक्ष द्यावे असे वाटते. असे झाले तर पुढील हंगामात काही प्रमाणात कारखानदारांना दिलासा मिळू शकतो. 
- विजय औताडे, साखर तज्ज्ञ


इतर अॅग्रोमनी
आर्थिक निर्णयांनी वाढवला प्रियंकाताईंचा...पती गौरव काकडे यांच्या आग्रहावरून पुणे शहरातील...
गेल्या वर्षीच्या साखर निर्यातीसाठी...कोल्हापूर : गेल्या वर्षीची (२०१८-१९) साखर निर्यात...
आंतरराष्ट्रीय डाळ परिषदेकडे उद्योजकांचे...पुणे  : जागतिक कडधान्य उत्पादन व बाजारपेठेला...
कच्च्या साखरेच्या दरात उच्चांकी वाढकोल्हापूर : जागतिक बाजारात कच्च्या साखरेच्या दरात...
साखरेच्या दुहेरी किमतीसाठी सूत्र तयार...नवी दिल्ली: साखरेचे घसरणारे दर स्थिर...
आंतरपिकांतून कुटुंबाचे अर्थकारण केले...माचले (ता. चोपडा, जि. जळगाव) येथील दीपक माणिक...
खानदेशात १२ लाख गाठी बाजारात कापसाची आवकजळगाव : कापसाची खेडा खरेदी मागील आठवड्यात...
ब्राझील भारताकडून गव्हासह भरडधान्य...नवी दिल्ली: दोन्ही देशांच्या कृषिमंत्र्यांमध्ये...
हरभरा, सोयाबीन वगळता सर्व पिकांच्या...खरीप पिकाच्या उत्पादनात जरी घट अपेक्षित असली तरी...
खाद्यतेल आयात शुल्क कमी कराः ग्राहक...नवी दिल्ली: देशांतर्गत वाढलेले खाद्यतेलाचे...
खाद्यतेल बाजारात सटोडियांकडून खोड्याचा...पुणे : खाद्यतेलासह तेलबिया वायदे बाजारात सध्या...
नव्या बेदाण्यास १७५ रुपये दर तासगाव, जि. सांगली ः तासगाव कृषी उत्पन्न बाजार...
कापड गिरण्या बाजारातून कापूस खरेदीस...मुंबई ः साउथ इंडियन मिल्स असोसिएशनने केंद्रीय...
देशात साखर उत्पादनात २६ टक्के घटनवी दिल्ली ः देशात १५ जानेवारीपर्यंत ४४० साखर...
साखर दराची दुहेरी पद्धत ठरवाकोल्हापूर : साखर उद्योगाला बळकटी आणण्यासाठी...
जालन्यात रेशीम कोषाला मिळाला ५०० रुपये...जालना : येथील बाजार समितीच्या आवारात रेशीम कोष...
तादंळाच्या आफ्रिकेतील बाजारपेठेवर चीनचा...नवी दिल्ली : तांदळाची आयात करणारा देशच आता...
खान्देशची केळी निर्यातीत आघाडीकेळीने जगात जळगावला मोठी ओळख दिली आहे. ही ओळख...
कोल्हापुरात गुळाच्या आवकेत तीस टक्क्‍...कोल्हापूर: येथील बाजार समितीत गेल्या हंगामाच्या...
हळद, कापसाच्या फ्युचर्स किमतीत वाढया सप्ताहात बहुतेक सर्वच पिकांच्या मागणीत वाढ...