agriculture news in marathi New wheat variety developed by NiPhad agri research Centre for pasta | Agrowon

पास्ता, शेवया, कुरडयासाठी गव्हाचे नवे वाण विकसित 

मुकुंद पिंगळे : ॲग्रोवन वृत्तसेवा 
मंगळवार, 9 नोव्हेंबर 2021

कुंदेवाडी (ता.निफाड) येथील महात्मा फुले कृषी विद्यापीठाच्या कृषी संशोधन केंद्राने  पास्ता, शेवया व कुरड्यासाठी प्रक्रियायोग्य असा 'बन्सी' प्रकारातील 'एनआयडीडब्ल्यू-११४९' हा नवा गहू वाण विकसित केला आहे.

नाशिक : राज्यात रब्बी हंगामात गहू हे प्रमुख पीक आहे. मात्र बदलते हवामान,सिंचनसुविधा व तांबेरा प्रादुर्भावामुळे कमी उत्पादन या प्रमुख अडचणी आजवर राहिल्या आहेत. यावर सातत्याने अभ्यास करून कुंदेवाडी (ता.निफाड) येथील महात्मा फुले कृषी विद्यापीठाच्या कृषी संशोधन केंद्राने अधिक उत्पादकता व तांबेरा प्रतिबंधक वाण विकसित केले आहेत. यामध्ये राज्यातील मागणी अभ्यासून पास्ता, शेवया व कुरड्यासाठी प्रक्रियायोग्य असा 'बन्सी' प्रकारातील 'एनआयडीडब्ल्यू-११४९' हा नवा गहू वाण विकसित केला आहे.पुढील वर्षापासून त्याचे बियाणे शेतकऱ्यांना उपलब्ध होणार आहे. 

अखिल भारतीय समन्वित गहू सुधार प्रकल्पाच्या अनेक चाचण्या येथील कृषी संशोधन केंद्राच्या प्रक्षेत्रावर सुरू असतात.त्याच अनुषंगाने २४ ऑगस्ट २०२० रोजी झालेल्या यासंबंधी वार्षिक बैठकीत'एनआयडीडब्ल्यू ११४९' या 'बन्सी' प्रकारातील वाणाची भारतातील द्वीपकल्पीय विभागासाठी महाराष्ट्र व कर्नाटक राज्यासाठी नियंत्रित पाण्याखाली लागवडीसाठी शिफारस करण्यात आली आहे. हा वाण पास्ता,शेवया,कुरडया आदींसाठी उपयुक्त असल्याचे परिणाम तपासून याबाबत घोषणा करण्यात आली आहे.केंद्रीय पीक वाण प्रसार समितीने त्यावर शिक्कामोर्तब केले असून तो प्रसारित केला जाणार आहे. 

पुढील वर्षीपासून कृषी संशोधन केंद्र निफाड यांच्याकडून शेतकऱ्यांसाठी बीजोत्पादन घेऊन बियाणे उपलब्ध करून देण्यात येणार असल्याचे सांगण्यात आले आहे. याकामी केंद्राचे प्रमुख व  गहू विशेषज्ञ डॉ.सुरेश दोडके, गहू पैदासकार डॉ.उदय काचोळे,गहू पैदास विभागाचे साहाय्यक प्राध्यापक  डॉ. नीलेश मगर,कनिष्ठ गहू रोग शास्त्रज्ञ डॉ.भानुदास गमे, मृदविज्ञान व कृषी रसायन शास्त्र विभागाचे सहायक प्राध्यापक डॉ.योगेश पाटील,कीटक शास्त्र सहायक प्राध्यापक प्रा.भालचंद्र म्हस्के, कवकशास्त्रज्ञ डॉ.बबनराव इल्हे यांच्या टीमने ही कामगिरी केली  आहे. यापूर्वी प्रक्रिया योग्य बिस्कीट उद्योगासाठी 'फुले सात्त्विक' हा वाण दिला आहे. 

ठळक वैशिष्टे: 

  • द्वीपकल्पीय विभागातील जिरायती किंवा एका ओलिताखाली (एक पाणी पेरणीनंतर ४२ दिवसांनी) वेळेवर पेरणीसाठी शिफारसीत 'बन्सी' वाण 
  • तांबेरा रोगास प्रतिकारक 
  • प्रथिनांचे प्रमाण ११.५० टक्के 
  • शेवया, कुरडया व पास्ता यासाठी उत्तम 
  • पक्व होण्याचा कालावधी ११०-११५ दिवस 
  • उत्पादनक्षमता ३५ ते ४० क्विंटल/हेक्टरी (एका ओलिताखाली) 

प्रतिक्रिया: 
महाराष्ट्रात प्रामुख्याने बन्सी/बक्षी प्रकारातील वाण अस्तित्वात वा उपलब्ध आहेत. त्यास कुरडया,पास्ता,शेवई व नूडल्स निर्मितीसाठी मोठी मागणी असते. हीच बाजू अभ्यासून जुन्या वाणांचे संवर्धन यासह निर्यातक्षम मागणी असलेल्या बाबीचा विचार करून उत्पादकता असलेला वाण विकसित केला आहे. त्याचा गहू उत्पादकांना फायदा होणार आहे. पुढील वर्षी त्याचे बियाणे उपलब्ध होणार आहे. 
-डॉ. सुरेश दोडके, गहू विशेषज्ञ,
कृषी संशोधन केंद्र, कुंदेवाडी, ता.निफाड, जि.नाशिक. 
 


इतर अॅग्रो विशेष
उन्हाळी पिकांच्या क्षेत्रात २९ टक्के...केंद्र सरकारने धान वगळता उन्हाळी पिकांखालील (...
Top 5 News: हरियाणाचं कापूस उत्पादन...1. गेल्या 24 जानेवारीच्या रात्रीपासून...
उन्हाळी पिकांना केंद्र सरकार प्रोत्साहन...तेलबिया आणि कडधान्यांमध्ये आत्मनिर्भर (...
पावसामुळे रब्बी हंगामात बंपर उत्पादन...यंदाच्या हंगामात रब्बीच्या एकूण पेरणी क्षेत्रात...
येते दोन दिवस थंडीची लाट कायम राहणार?पुणे : गेल्या 24 जानेवारीच्या रात्रीपासून...
डीएपी खतांचा वापर कमी करा; एनपीके,...वृत्तसेवा - राज्यांनी एनपीके (NPK) आणि...
लोकाभिमुख उपक्रमांतून लोणीच्या विकासाला...परभणी जिल्ह्यातील लोणी बुद्रूक गावात लोकाभिमुख...
धुळे जिल्ह्यात पारा २.८ अंशांवरपुणे : उत्तर भारतातील शीत वाऱ्यांमुळे महाराष्ट्र...
खतांची चढ्या दराने विक्री नाशिक : रब्बी हंगामातील पिके सध्या जोमात आहेत....
खांडसरी, गूळ उद्योगावर येणार कायद्याचा...पुणे ः राज्यातील गूळ उद्योगावर कायदेशीर नियंत्रण...
‘पोकरा’मधील घोटाळ्याचा अहवाल दडपलापुणे ः नानाजी देशमुख कृषी संजीवनी प्रकल्पात (...
खाद्यतेल आत्मनिर्भरतेची घोषणाचपुणे ः देशात खाद्यतेलाची जवळपास ६० टक्के गरज...
प्रसिद्ध लेखक, समाजसेवक डॉ. अनिल अवचट...पुणे ः प्रसिद्ध लेखक आणि समाजसेवक डॉ. अनिल अवचट...
सोलापुरात कांद्याची दहा हजार टन आवकसोलापूर ः सोलापूर कृषी उत्पन्न बाजार समितीच्या...
कांदा बीजोत्पादन संकटातखामखेडा, जि. नाशिक : चालू वर्षीच्या सततच्या...
Weather Alert : थंडीची लाट 'या'...देशातल्या वायव्य भागात थंडी अजून दोन ते तीन दिवस...
भारताच्या गहू निर्यातीची घोडदौड वेगात दक्षिण आशिया आणि दक्षिण पूर्व आशियातील वाढत्या...
Top 5 News: वऱ्हाडात तुरीची आवक वाढली1. देशातल्या वायव्य भागात थंडी अजून दोन ते तीन...
ज्वारीच्या राखणीसाठी कणसाला संरक्षण नेवासे, जि. नगर : रब्बी हंगामातील ज्वारी आता...
मध्य प्रदेशात जैविक नियंत्रकाद्वारे जल...पाण्याचे स्रोत आणि जलाशयांमध्ये वेगाने वाढणाऱ्या...