शेतकऱ्यांनी पेटवल्या मशाली...!

हा मशाल मोर्चा नाही ना? कुठल्या देवाच्या छबिन्याची मिरवणूकही नाही. ही दृष्ये आहेत रात्रीच्या अंधारात आपला जीव वाचविण्याच्या भीतीने शेतकऱ्यांनी पेटविलेल्या मशालीचे...!
Night power supply to agricultural pumps
Night power supply to agricultural pumps

रोपळे बुद्रूक, जि. सोलापूर : हा मशाल मोर्चा नाही ना? कुठल्या देवाच्या छबिन्याची मिरवणूकही नाही. ही दृष्ये आहेत रात्रीच्या अंधारात आपला जीव वाचविण्याच्या भीतीने शेतकऱ्यांनी पेटविलेल्या मशालीचे...!  

रोपळे (ता. पंढरपूर) व परिसरात शेतकऱ्यांना रात्रीचा वीज पुरवठा केला जात आहे. म्हणून शेतकऱ्यांनी आता दारे धरणासाठी मशाली पेटवल्या आहेत. त्यामुळे रात्रीच्या काळोखात शिवारामध्ये शेतकऱ्यांच्या हाती सगळीकडे पेटत्या मशालीच दिसू लागल्या आहेत.

रात्रीची वेळ आणि पाण्याची निकड.. पहा video  

रोपळे व परिसरातील मेंढापूर, खरातवाडी, पांढरेवाडी, चिलाईवाडी व जाधववाडी या भागात मार्च महिन्यापासून शेतीसाठी कमी दाबाने विद्युत पुरवठा केला जात होता. दरम्यान याच महिन्यात वीज बिलाचा तगादा वीज वितरण कंपनीने शेतकऱ्यांच्या मागे लावला. वीजबिल भरूनही शेतकऱ्यांना उच्चदाबाने वीज पुरवठा करणे वीज वितरण कंपनीला शक्य झाले नाही. त्यामुळे दिवसाचा वीजपुरवठा वारंवार खंडित होऊ लागला. त्यामुळे शेतकऱ्यांच्या वाफ्यातही पाणी जात नव्हते. म्हणून वीजवितरण कंपनीच्या अधिकाऱ्यांनी शेतीसाठी रात्रीचा वीजपुरवठा देण्याचा निर्णय घेतला.

आता रात्रीचा वीजपुरवठा उच्चदाबाने मिळू लागला. त्यामुळे शेतकऱ्यांच्या पिकांना जीवदान मिळाले. मात्र, रात्री शेतकऱ्यांना वन्यप्राण्यांचा त्रास होऊ लागला.त्यामुळे रोपळे व परिसरातील  शेतकऱ्यांनी स्वसंरक्षणासाठी रात्री शेतात दारे धरण्यासाठी मशाली पेटवल्या आहेत. शेतकऱ्यांनी मशाली पेटवल्या असल्या तरी वन्यप्राण्यांच्या भीतीने शेतकरी आता आपला एक गट तयार करून दारे धरू लागले आहेत. त्यामुळे सगळीकडे आता रात्री मशालीच दिसू लागल्या आहेत.

आमच्या शेतात कोल्हे व लांडग्यांचा उपद्रव वाढला आहे. त्यामुळे आम्हाला वीज वितरण कंपनीने दिवसा उच्चदाबाने वीज पुरवठा करावा. - भारत व्यवहारे, शेतकरी - रोपळे बुद्रूक, ता. पंढरपूर

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com