agriculture news in marathi Nileli Animal Research Center gets Genealogical Protection Award | Page 2 ||| Agrowon

निळेली पशुधन संशोधन केंद्रास वंश संरक्षण पुरस्कार

ॲग्रोवन वृत्तसेवा
सोमवार, 25 जानेवारी 2021

कोकण कन्याळ या शेळी जातीच्या संवर्धनासाठी निळेली पशुधन संशोधन केंद्रास (ता.सावंतवाडी)वंश संरक्षण पुरस्कार-२०२० ने सन्मानित करण्यात आले आहे.

सिंधुदुर्गनगरी ः कोकण कन्याळ या शेळी जातीच्या संवर्धनासाठी निळेली पशुधन संशोधन केंद्रास (ता.सावंतवाडी)वंश संरक्षण पुरस्कार-२०२० ने सन्मानित करण्यात आले आहे. हा पुरस्कार राष्ट्रीय पशू आनुवंशिक संसाधन ब्युरो करनाल (हरियाना) या संस्थेमार्फत हा देण्यात आला.

डॉ. बाळासाहेब सांवत कृषी विद्यापीठ दापोलीतर्गंत कार्यरत असलेल्या सावंतवाडी येथील निळेली पशुधन संशोधन केंद्रामध्ये २०१० मध्ये सर्वप्रथम कोकणकन्याळ या शेळीच्या संशोधित जातीची नोंदणी करण्यात आली होती. त्यानंतर जिल्ह्यातील शेळी पालन करणाऱ्या शेतकऱ्यांकडून समान गुणधर्माच्या व उत्तम दर्जाच्या शेळ्या एकत्र करून त्यांचे निळेली येथील केंद्रावर संवर्धन करण्याचे काम सुरू झाले. त्यामध्ये योग्य त्या सुधारणा केल्यानंतर त्यांच्या प्रसारासाठी विविध कृषी विज्ञान केंद्र तसेच प्रगतशील शेतकऱ्यांना पुरविण्यात आल्या. 

कोकण कन्याळ शेळीची वाढती मागणी विचारात घेऊन विद्यापीठाने राष्ट्रीय कृषी विकास योजना प्रकल्पांतर्गत महाराष्ट्र शासनाकडे प्रस्ताव सादर केला व उपलब्ध निधीतून निळेली, वाकवली आणि दापोली या तीन ठिकाणी कोकण कन्याळ शेळी पैदास केंद्रे सुरू केली. तसेच कोकणातील विविध कृषी विज्ञान केंद्रावर प्रात्यक्षिक संच तयार करण्यात आले. गेल्या पाच-सहा वर्षांत विद्यापीठाने सुमारे २००० हून अधिक कोकण कन्याळ जातीच्या शेळ्या शेतकऱ्यांसाठी उपलब्ध करून दिल्या आहेत. 

शेळी संवर्धनाबरोबरच शेळीचे दूध वाढ, मटणाची प्रत सुधारणा, गोठा कसा असावा, यासाठी काही संशोधन शिफारशी देखील विद्यापीठाने प्रसारित केल्या आहेत. यासर्व बाबींचा विचार करून हा पुरस्कार या केंद्राला देण्यात आला आहे. हा पुरस्कार प्रस्ताव सादरीकरणासाठी विद्यापीठाचे कुलगुरू डॉ. संजय सावंत, संशोधन संचालक डॉ. पराग हळदणकर, पशुसंवर्धन विभागप्रमुख डॉ. बाळकृष्ण देसाई तसेच सहयोगी संशोधन संचालक डॉ बळवंत सावंत यांनी मार्गदर्शन केले.

प्रतिक्रिया...
निळेली संशोधन केंद्रावर सुमारे १४८ शेळ्यांचा कळप असून, भविष्यामध्ये या शेळी वंशाच्या संवर्धनासाठी कोकण कन्याळ शेळी संघ स्थापन करण्यासाठी प्रयत्न करण्यात येणार आहेत. या शेळी संशोधन प्रकल्पासाठी डॉ. विष्णू कविटकर, डॉ समीर शिरसाट यांनी विशेष मेहनत घेतली.
- डॉ. अशोककुमार चव्हाण, प्रभारी अधिकारी, निळेली, 
पशुधन संशोधन केंद्र, ता. सावंतवाडी


इतर ताज्या घडामोडी
खरिपात सोयाबीन पेरणीवेळी जोड ओळ पद्धत...जालना ः ‘‘येणाऱ्या खरीप हंगामात सोयाबीन पिकात जोड...
मराठवाडा रेशीम शेतीचा केंद्र बिंदू ः डॉ...जालना : ‘‘हवामान बदलानुसार योग्य त्या पिकांच्या...
‘महाबीज’चे २१० हेक्टरवर सोयाबीन...परभणी ः ‘महाबीज’च्या परभणी विभागांतर्गत सहा...
‘युटोपियन’कडून पाच लाख मेट्रिक टन उसाचे...सोलापूर ः ‘‘यंदा जास्त ऊस गाळपाचे उद्दिष्ट ठेवले...
म्हैसाळच्या आवर्तनासाठी पाणी मागणीची...सांगली ः मिरज पूर्व भागासह कवठेमहांकाळ, जत तालुक्...
`सुधारित शिफारशींसाठी शेतकऱ्यांमध्ये...परभणी ः ‘‘सोयाबीन उत्पादकता वाढ तसेच उत्पादन खर्च...
बूथ कमिट्या सक्षम करा : नाना पटोले मुंबई : काँग्रेस पक्ष संघटन मजबूत करण्यासाठी सर्व...
प्रत्येक गावांनी पाण्याचे अंदाजपत्रक...पुणे : गावात पडणारा पाऊस व पिकांना लागणारे पाणी...
नेपाळच्या कांदा व्यापाऱ्याला ...नाशिक : जिल्ह्यात शेतमाल विक्री पश्चात...
वीज जोडणी तोडल्यास राज्यभर आंदोलन :...अकोला : आधीच कोरोनामुळे गेले वर्षभर शेतकरी व...
पालखेड उपबाजार आवारात द्राक्ष मण्यांचे...नाशिक : पिंपळगाव बसवंत कृषी उत्पन्न बाजार समितीचा...
तीनच दिवसांत कांदा उत्पादक शेतकऱ्यांना ...नाशिक : सोमवारी ४२३०, बुधवारी ३४८१ आणि गुरुवारी...
रब्बीसाठी आवर्तन सुटले, गिरणाचे पाणी...जळगाव : खानदेशात प्रमुख प्रकल्पांमधून रब्बी व...
किसान सन्मान योजनेत नगर जिल्ह्याचा...नगर : प्रधानमंत्री किसान सन्मान योजनेत भौतिक...
तूरडाळ आयातीचे धोरण बदलावे ः खासदार...बुलडाणा : केंद्राच्या आयात धोरणामुळे शेतकऱ्यांना...
बाजरीचे पीक जोमात, आंतरमशागतीसह खते...जळगाव : खानदेशात बाजरी पीक यंदा जोमात आहे. पिकाला...
सिंधुदुर्गात काजू बी खरेदीला सुरुवात सिंधुदुर्गनगरी ः फळबागायतदार संघ सावंतवाडी आणि...
सक्तीच्या वीजबिल वसुलीविरोधात आंदोलन परभणी : महावितरण कंपनीकडून कृषीपंपाच्या वीज देयक...
उन्हाळी नाचणी अकाली पक्वतेची कारणे सध्या राज्यातील काही भागांत नाचणीच्या मुख्य...
...आणि आम्ही वाममार्गावरून ढळलोभारताप्रमाणेच ब्रिटिशांच्या  गुलामीतून एकाच...