agriculture news in marathi Nisarg cyclone to landfall in few hours near Alibag | Agrowon

चक्रीवादळ अलिबागजवळ १ ते ३च्या दरम्यान धडकणार; अतिवृष्टीचा इशारा 

टीम अॅग्रोवन
बुधवार, 3 जून 2020

अरबी समुद्रात महाराष्ट्राच्या किनाऱ्यालगत घोंगावत असलेले ‘निसर्ग’ तीव्र चक्रीवादळ दुपारी १ ते ३ वाजेच्या दरम्यान अलिबाग नजीक किनारपट्टीला धडकणार आहे.

पुणे : अरबी समुद्रात महाराष्ट्राच्या किनाऱ्यालगत घोंगावत असलेले ‘निसर्ग’ तीव्र चक्रीवादळ दुपारी १ ते ३ वाजेच्या दरम्यान अलिबाग नजीक किनारपट्टीला धडकणार आहे. वादळ धडकताना ताशी ११० ते १२० किलोमीटर चक्राकार वारे वाहून, मुसळधार पाऊस पडणार असल्याने मोठ्या प्रमाणावर नुकसान होण्याची शक्यता आहे. आज (ता.३) दुपारपर्यंत हे वादळ हरिहरेश्‍वर व दमन दरम्यान जमिनीवर येण्याची शक्यता असून, रायगड जिल्ह्यातील अलिबागजवळ किनाऱ्याला धडकण्याचा इशारा देण्यात आला आहे. 

महाराष्ट्र, कर्नाटकच्या किनारपट्टीलगत मंगळवारी (ता.२) दुपारी चक्रीवादळाची निर्मिती झाली. आज (ता.३) पहाटे हे वादळ आणखी तीव्र झाले. ही वादळी प्रणाली वेगाने महाराष्ट्राच्या किनाऱ्याकडे झेपावत असून, समुद्रात उंच लाटा उसळत आहेत. तर कोकण, घाटमाथा, मध्य महाराष्ट्रात पावसाला सुरुवात झाली आहे. वादळाचे केंद्र अलिबागपासून १४० किलोमीटर, मुंबईपासून १९० किलोमीटर, तर गुजरातच्या सुरतपासून ४१५ किलोमीटर नैर्ऋत्येला आहे. या कमी दाब क्षेत्राचे केंद्र ताशी १२ किलोमीटर वेगाने किनाऱ्याकडे सरकत आहे. दुपारपर्यंत ताशी ११० ते १२० किलोमीटर वेगाने वाहणाऱ्या वाऱ्यासह हे वादळ धडकणार आहे. 

या वादळामुळे रायगड, मुंबई, ठाणे जिल्ह्यात ताशी १०० ते १२० किलोमीटर, रत्नागिरी, सिंधुदुर्ग जिल्ह्यात ताशी ८५ ते १०५ किलोमीटर वेगाने वारे वाहण्याची शक्यता आहे. महाराष्ट्र, गुजरात, गोवा किनाऱ्यालगत समुद्रात १ ते २ मीटर उंच लाट उसळणार असल्याने मासेमारीसाठी समुद्रात न जाण्याचा इशारा देण्यात आला आहे. किनारपट्टीलगतच्या नागरिकांना सतर्क राहण्याच्या सुचनाही देण्यात आल्या आहेत. या वादळामुळे किनारपट्टीलगतची कच्ची घरे, घरांची छपरे, पत्रे उडून जाण्याची, विजेचे आणि टेलिफोनचे लाइन, कच्चे, पक्के रस्ते खराब होण्याचे, तसेच रस्त्यांवर पाणी साचण्याची शक्यता आहे. तर झाडांच्या फांद्या, केळी, पपईच्या बागा, किनारपट्टीय भागातील पिकांना तडाखा बसण्याचा इशारा देण्यात आला आहे. किनारपट्टीय जिल्ह्यांसाठी राष्ट्रीय सुरक्षा दलाच्या (एनडीआरएफ) तुकड्या सज्ज ठेवण्यात आल्या आहेत. 

आज अतिवृष्टीचा इशारा 
मंगळवारी सायंकाळपासून किनाऱ्यावर जोरदार वारे वाहू लागले असून, आज (ता.३) कोकण, गोव्यात मुसळधार, तर उत्तर कर्नाटक, मध्य महाराष्ट्र आणि मराठवाड्यातही तुरळक ठिकाणी जोरदार पावसाची शक्यता वर्तविण्यात आली आहे. वादळ धडकताना उत्तर कोकण, उत्तर महाराष्ट्रात अतिवृष्टीचा इशारा देण्यात आला असून, मुंबई, पालघर, ठाणे, रायगड जिल्ह्यात केवळ २४ तासांत २०० मिलिमीटरपेक्षा अधिक पाऊस पडण्याची शक्यता आहे. तर नाशिक, नगर, धुळे, नंदूरबार, जळगाव,पुणे रत्नागिरी, सिंधुदुर्गमध्येही तुरळक ठिकाणी जोरदार पावसाची शक्यता आहे. तसेच दक्षिण गुजरात दमण, दादरा नगर हवेली मध्ये जोरदार, मध्य प्रदेश, मराठवाड्यात तुरळक ठिकाणी हलक्या पावसाचा अंदाज हवामान विभागाने वर्तविला आहे. 

चक्रीवादळाचा मार्ग...

  • ताशी ११० ते १२५ किलोमीटर वेगाने वारे वाहणार 
  • २४ तासांत २००मिलिमीटरपेक्षा अधिक पावसाचा अंदाज 
  • मुंबई, ठाणे, पालघर, रायगड, रत्नागिरी, सिंधुदुर्गला तडाखा 
  • नाशिक, नगर, धुळे, नंदूरबार, जळगाव, पुणे जिल्ह्यालाही फटका शक्य
  • आंबा, काजू, केळी, पपई, द्राक्षे, डाळिंब, सीताफळ फळबांगाना धोका 
  • झोपड्या, कच्ची बांधकामे, रस्ते उभ्या पिकांचे नुकसान होण्याची शक्यता 
     

इतर बातम्या
मराठवाड्यात आतबट्ट्याचा दुग्ध व्यवसायऔरंगाबाद : दर दिवसाच्या दूध संकलनात फरक पडला नाही...
जळगाव जिल्ह्यातील दूध उत्पादक संकटातजळगाव  ः जिल्ह्यात रोज सुमारे साडेसहा लाख...
जळगावात पीक कर्जवाटपाची गती अतिशय संथजळगाव : केंद्र व राज्य सरकार, प्रशासनातील वरिष्ठ...
`औरंगाबाद जिल्ह्यात मका खरेदीची मुदत...औरंगाबाद : झालेली मका खरेदी व बाकी असलेली...
धुळे जिल्ह्यात मक्यावर लष्करी अळीचा...देऊर, जि. धुळे  : जिल्ह्यात मका पिकावर...
सांगलीत दुग्ध व्यवसाय बंद पडण्याच्या...सांगली  ः शेतीपूरक दूग्ध व्यवसाय पशुखाद्य...
सिंधुदुर्गात दुध संकलनाची शासकीय...सिंधुदुर्ग  ः जिल्ह्यात दुध संकलन करणाऱ्या...
कोल्हापुरात बिलांअभावी...कोल्हापूर : दुध संघांकडून वेळेत बिले मिळत...
‘पीकविमा प्रस्तावासाठी जनसुविधा केंद्र...नांदेड : ‘‘जिल्ह्यातील जनसुविधा केंद्र (सीएससी)...
परभणीत दर कपातीमुळे दूध उत्पादकांसमोर...परभणी : शासकीय दुग्धशाळेतील दूधाचे दर स्थिर आहेत...
सोलापुरात पावसाने जूनची सरासरी केली...सोलापूर  ः जिल्ह्यात यंदा पावसाने चांगली...
भाटघर, वीर, नीरा देवघर धरणांतील...सोलापूर  : सोलापूर, पुणे आणि सातारा...
पुणे जिल्ह्यात दूध दराअभावी शेतकऱ्यांचे...पुणे ः ‘कोरोना’मुळे दूध व्यवसाय अडचणीत आला आहे....
हिंगोलीत ‘कर्जमुक्ती’तून ७० हजार...हिंगोली : महात्मा जोतिराव फुले शेतकरी कर्जमुक्ती...
साताऱ्यात कमी दूध दरामुळे उत्पन्न,...सातारा ः दुष्काळग्रस्त तसेच बागायती भागातील...
कृषी केंद्रात दरफलक नसल्यास...नाशिक : कृषी निविष्ठा विक्री केंद्र चालविणाऱ्या...
सोलापुरात ‘स्वाभिमानी’ने केली वीज...सोलापूर : ‘कोरोना’च्या प्रादुर्भावामुळे राज्यात...
नगर जिल्ह्यातील दुग्धोत्पादक मेटाकुटीलानगर ः जिल्ह्यात ‘कोरोना’चा संसर्ग सुरू...
पदरमोड करून दूध व्यवसाय करण्याची...सोलापूर  ः चारा व पशुखाद्याच्या वाढत्या...
कोल्हापुरात वाढीव वीज बिलांची होळीकोल्हापूर : वाढीव वीज बिलांविरोधात येथील...