agriculture news in Marathi, Nitin Gadkari says, organic farming pattern will be success when farm without urea will come forword , Maharashtra | Agrowon

युरियाशिवाय शेती विचार रुजला तरच सेंद्रिय पॅटर्न यशस्वी: नितीन गडकरी

टीम अॅग्रोवन
सोमवार, 16 सप्टेंबर 2019

नागपूर ः सेंद्रिय शेतीचा विचार गेल्या अनेक वर्षांपासून होत असताना शेतकऱ्यांमध्ये अद्याप माती आणि परीक्षणाप्रती अपेक्षित जागरूकता नाही. माती आणि पाणी परीक्षणाकरिता जागरूकता वाढविण्यासोबतच युरियाशिवाय शेती हा विचार शेतकऱ्यांमध्ये रुजला तरच सेंद्रिय शेतीचा पॅटर्न देशात रुजेल, असा विश्‍वास केंद्रीय मंत्री नितीन गडकरी यांनी व्यक्‍त केला. 

नागपूर ः सेंद्रिय शेतीचा विचार गेल्या अनेक वर्षांपासून होत असताना शेतकऱ्यांमध्ये अद्याप माती आणि परीक्षणाप्रती अपेक्षित जागरूकता नाही. माती आणि पाणी परीक्षणाकरिता जागरूकता वाढविण्यासोबतच युरियाशिवाय शेती हा विचार शेतकऱ्यांमध्ये रुजला तरच सेंद्रिय शेतीचा पॅटर्न देशात रुजेल, असा विश्‍वास केंद्रीय मंत्री नितीन गडकरी यांनी व्यक्‍त केला. 

डॉ. पंजाबराव देशमुख कृषी विद्यापीठांतर्गत तीनदिवसीय जागतिक सेंद्रिय परिषदेचे उद्‍घाटन रविवारी (ता. १५) केंद्रीय मंत्री गडकरींच्या हस्ते हॉटेल लि-मेरिडियन येथे पार पडले. या वेळी ते बोलत होते. कृषिमंत्री डॉ. अनिल बोंडे, डॉ. सी. डी. मायी, भारतीय कृषी संशोधन परिषदेचे उपमहासंचालक डॉ. एस. के. चौधरी, कुलगुरू डॉ. विलास भाले, जैविक शेती मिशनचे अध्यक्ष प्रकाश पोहरे, ‘माफसू’चे कुलगुरू डॉ. आशिश पातूरकर, वनामतीचे संचालक रवींद्र ठाकरे यांची या वेळी उपस्थिती होती. 

श्री. गडकरी म्हणाले की, सर्व प्रकारच्या शेतमालाचे अतिरिक्‍त उत्पादन देशात होते. परंतू खाद्यतेलाची ७० टक्‍के आयात देशाला करावी लागते. त्यामुळे खाद्यतेल उत्पादनवाढीवर भर देण्याची गरज आहे. या माध्यमातून देशातून बाहेर जाणारा पैसा वाचणार आहे. सात कोटींची आयात होते. यातील दोन कोटी रुपयांची जरी बचत झाली तर देशाची आर्थिक स्थिती काही अंशी सुधारेल. ओमानवरून युरियाकरिता गॅस विकत घेतला जातो, हाच गॅस रशियावरून घेतल्यास स्वस्त पडणार आहे. त्या माध्यमातून युरियाकरीता अनुदानाचीदेखील गरज भासणार नाही. सध्या २५ हजार टन युरियाची गरज पडते. भविष्यात युरियाशिवाय शेतीचा विचार केला पाहिजे. त्याकरीता कमी खर्चाच्या शेतीपद्धतीचे मॉडेल विकसित करण्याची गरज आहे. नेपीयर गवतापासून अपारंपरिक ऊर्जा तयार करण्याचा पथदर्शी प्रकल्प प्रस्तावीत असल्याची माहिती या वेळी त्यांनी दिली. 

‘‘आयातीला पर्याय शोधला तरच भारतीय शेती फायद्याची होणार आहे. त्या पार्श्‍वभूमीवर शेतकऱ्यांनी सेंद्रिय कर्ब वाढविण्याचे प्रयत्न केले पाहिजे. पूर्वी विदर्भात उसाची उत्पादकता जेमतेम होती. सेंद्रिय कर्ब वाढल्याने पश्‍चिम महाराष्ट्राप्रमाणे ऊस उत्पादकता मिळविण्यात यश आले आहे,’’ असेही मंत्री गडकरी म्हणाले.

कृषिमंत्री डॉ. अनिल बोंडे म्हणाले की, अकोला, यवतमाळ जिल्ह्यांत मोनोक्रोटोफास सर्वाधिक विकल्या जात असल्याचे सांगितले. स्वस्त मिळते म्हणून त्याचा वापर होतो. परंतू त्याचे दुष्परिणाम दुर्लक्षित केल्या जातात. रासायनिक शेतीइतकेच उत्पादन आणि उत्पन्न मिळेल असा सक्षम पर्याय दिला तरच शेतकरी सेंद्रिय शेतीकडे वळतील. त्याकरिता संशोधनाची दिशा विद्यापीठांनी निश्‍चित करावी. कृषी विभागाकडून निंबोळी वापराला प्रोत्साहन मिळावे याकरीता निमपार्क प्रस्तावीत करण्यात आला आहे. पाच हजार हेक्‍टरवर कडुलिंबाच्या झाडांची लागवड याद्वारे केली जाणार आहे. कुलगुरू डॉ. विलास भाले यांनी आयोजनामागील भूमिका मांडली. प्रास्ताविक संशोधन संचालक डॉ. विलास खर्चे यांनी केले. सूत्रसंचालन निंबार्ते यांनी  केले, तर प्रा. एस. आर. पोटदुखे यांनी आभार मानले. 

अंबानींना घातली पाटलांच्या सीताफळाने भुरळ
वर्धा जिल्ह्यातील पाटील नामक शेतकरी जैविक सीताफळ उत्पादन घेतात. मुकेश अंबानी नागपुरात आले असताना त्यांच्या बागेतील सीताफळ अंबानी यांना भेट दिली. सीताफळाच्या चवीने मुकेश अंबानींना भुरळ घातली. आज त्यांच्याकडून या सिताफळांना दरवर्षी मागणी केली जाते, असे मंत्री गडकरी यांनी सांगितले.
 


इतर बातम्या
उगाव येथे सामूहिक पातळीवर दशपर्णी अर्क...नाशिक: निफाड तालुक्यातील उगाव येथील श्री. श्री....
संगमनेर तालुका संघाकडून ५० टक्के...नगर: संगमनेर तालुका सहकारी दूध संघाने दूध...
दुधाला दर नसल्याने, दुभती जनावरे ...सोलापूर ः दुधाला मागणी असूनही केवळ योग्य तो दर...
कोविड-१९ रुग्णांच्या वास, चव संवेदनांवर...कोविड १९ च्या आजारातून बरे झाल्यानंतरही सुमारे ९०...
किसान क्रेडिट कार्डवर बिनव्याजी कर्ज...नाशिक: शेतकऱ्यांना शेतीकामासाठी आर्थिक मदत करणे...
अमरावतीत बियाणे कंपनीकडून ९०१ बॅग, २२...अमरावती : जिल्ह्यात सोयाबीन बियाणे उगवणीबाबत १...
नगर जिल्ह्यात एक लाख १७ हजार हेक्टरवर...नगर  ः जिल्ह्यात यंदा जुलैच्या पहिल्याच...
पुणे बाजार समितीसह उपबाजार ...पुणे  ः ‘कोरोना’च्या फैलावामुळे शहरातील...
सातारा जिल्ह्यात खरिपाच्या ८२.८५ टक्के...सातारा  ः पावसाचा काहीसा जोर वाढल्याने...
नगर : मक्‍याला हमीभावापेक्षा कमी दर...नगर ः रब्बी हंगामामध्ये शासनाच्या किमान आधारभूत...
कोल्हापूर बाजार समिती नोकर भरतीविरोधात...कोल्हापूर: येथील कृषी उत्पन्न बाजार समितीत...
जळगावमधील सिंचन प्रकल्पांची कामे...जळगाव  ः जिल्ह्यात तापी व गिरणा नदीवर...
मराठा समाजाला विश्वासात घेणार : अशोक...मुंबई : मराठा आरक्षणाच्या न्यायालयीन लढाईत राज्य...
खानदेशात दुबार पेरणीसाठी ताग, बाजरी,...जळगाव  ः खानदेशात दुबार पेरणी आटोपली आहे....
बॅंकांनी पीककर्ज प्रकरणे तत्काळ मार्गी...वर्धा  ः जिल्ह्यात पात्र शेतकऱ्यांपैकी एकही...
पुण्यात शेतमाल पुरवठा देखील बंद पुणे: कोरोनाची उफाळून आलेली साथ रोखण्यासाठी...
निकृष्ट बियाणेप्रकरणी सर्व कंपन्यांवर...नगर: जिल्ह्यात गेल्या एक महिन्याच्या कालावधीत...
देशाच्या सूत निर्यातीत मोठी घट जळगाव ः कोरोना व इतर संकटांमध्ये देशातील सूत...
गोंदिया जिल्ह्यात युरियाची टंचाईगोंदिया  ः पावसामुळे धान रोवणीला वेग आल्याने...
रत्नागिरी जिल्ह्यात भात, नाचणी पिकासाठी...रत्नागिरी  : रत्नागिरी जिल्ह्यात भात, नाचणी...