Agriculture news in marathi No arrears of sugarcane bill were found in Solapur district | Agrowon

सोलापूर जिल्ह्यात ऊसबिलाची थकबाकी मिळेना

टीम अॅग्रोवन
मंगळवार, 19 ऑक्टोबर 2021

सोलापूर ः जिल्ह्यात यंदाच्या गळीत हंगामाला सुरवात झाली आहे. पण, अद्यापही दहा साखर कारखान्यांनी त्यांची मागील वर्षाची थकीत ऊसबिले दिलेली नाहीत.

सोलापूर ः जिल्ह्यात यंदाच्या गळीत हंगामाला सुरवात झाली आहे. पण, अद्यापही दहा साखर कारखान्यांनी त्यांची मागील वर्षाची थकीत ऊसबिले दिलेली नाहीत. जिल्हाधिकारी मिलिंद शंभरकर यांनी कारखान्यांना आधी १४ अॅाक्टोबर आणि आता २५ अॅाक्टोबरची मुदत दिली आहे. शेतकरी संघटना सातत्याने आंदोलने करून या कारखान्यांविरोधात तक्रारी करत आहेत. पण प्रशासन आणि कारखानदारांमध्ये केवळ तारीख पे तारीख सुरु आहे. 

जिल्ह्यात १५ अॅाक्टोबरपासून साखर हंगाम सुरु झाला आहे. आतापर्यंत पाच साखर कारखान्यांचे गाळपही प्रत्यक्षात सुरु झाले आहे. पण गतहंगामातील एफआरपीची बिले अद्यापही काही कारखान्यांनी दिलेली नाहीत. साधारण दहा साखर कारखान्यांकडे ११४ कोटींची ऊसबिले थकीत आहेत.

जिल्हाधिकाऱ्यांनी बोलावलेल्या मागील बैठकीत १४ ऑक्टोबरपर्यंत ऊसबिले देणार असल्याचे कारखानदारांनी सांगितले. पण, अद्याप बिले दिली गेली नाहीत. बैठकीसाठी ज्यांना निर्णय घेण्याचे अधिकार आहेत, ते अधिकारी उपस्थित राहत नाहीत. 

कारखान्यांचा प्रतिनिधी म्हणून खालच्या दर्जाच्या अधिकाऱ्यांना पाठविले जाते, ते निर्णय घेत नाहीत. त्यामुळे ज्या कारखान्यांचे व्यवस्थापकीय संचालक उपस्थित झाले नाहीत, त्यांच्यावर कारवाई करावी. बिलाबाबत केवळ तारखा देऊ नका, तसे झाल्यास कारखान्यांवर थेट कारवाई करावी, अशी मागणी शेतकरी संघटनेचे पदाधिकारी प्रत्येक बैठकीत करत आहेत. पण, प्रशासनही फारशी खंबीर भूमिका न घेता नरमाईने वागते आहे.

गाळप परवाने देऊ नका

कारखाने जर का अशा पद्धतीने शेतकऱ्यांना खेळवत असतील. तर प्रशासनाने गंभीर व्हायला हवे. ऊसबिलाची थकबाकी असणाऱ्या कारखान्यांना गाळप परवानेच देऊ नये, अशी मागणी स्वाभिमानी शेतकरी संघटनेचे विजय रणदिवे, जनहित शेतकरी संघटनेचे प्रभाकर देशमुख, श्रीकांत नलवडे, पप्पू पाटील आदींनी या बैठकीत सातत्याने केली. पण, त्यावरही प्रशासनाकडून केवळ चालढकल केली जाते आहे.


इतर बातम्या
‘तहसील’चा वीजपुरवठा खंडित;  थकबाकी न...नंदुरबार ः वेळोवेळी तगादा लावून व अखेर थकबाकी...
हळदीचे दर स्थिर सांगली ः सध्या देशभरात देशात हळदीची ३७ लाख पोती...
ऊस पाचट वजावटीपोटी  २२५ कोटींवर डल्ला पुणे ः यंत्राने होणाऱ्या ऊसतोडीत पाचटाच्या...
उत्तर कोकण, उत्तर महाराष्ट्रात जोरदार...पुणे : अरबी समुद्रात तयार होत असलेल्या कमी दाब...
देशातील ७२ गावे होणार ‘व्हिलेज ऑफ एक्‍...नागपूर ः केंद्र सरकार, राज्य सरकार आणि इस्राईल...
राज्य, परराज्यातील मजुरांचा  कडवंची...जालना : जिल्ह्यातील द्राक्षाचे आगार म्हणून...
निसर्गाच्या साक्षीने रंगली गोष्ट एका...अकोला ः सातपुड्याच्या डोंगरदऱ्यांमध्ये वसलेल्या...
शेततळ्याच्या अनुदानासाठी नगरला सर्वाधिक...नगर ः नगर जिल्ह्यातील शेतकऱ्यांनी केलेल्या...
शिरूरमध्ये दोन हजार रोहित्रे बंद पुणे : वीजबिल थकल्याने महावितरण शिरूर उपविभागातील...
साडेपाच लाख टन सोयापेंड  आयातीसाठी...पुणे ः केंद्रीय पशुसंवर्धन मंत्री पुरुषोत्तम...
तुरीच्या पिकाकडून तूट भरून निघण्याची आशासाखरखेर्डा, जि. बुलडाणा ः यंदा या परिसरात तुरीचे...
जालन्यात विम्यासाठी ‘स्वाभिमानी’चे...जालना : मोसंबीचा विमा संरक्षण कालावधी १५ सप्टेंबर...
कृषिपंपांची वीजतोडणी मोहीम तत्काळ...हिंगणा, जि. नागपूर : महावितरण कंपनीने कृषिपंपाचे...
सरकारी अनुदान नसतानाही  यंदा साखर...पुणे ः भारतात उपलब्ध असलेला जादा ऊस लक्षात घेता...
मालेगाव बाजार समितीत बेकायदा अडत वसुली...नाशिक : मालेगाव कृषी उत्पन्न बाजार समितीत...
कृषिपंपांचा वीजपुरवठा तोडू नये, अन्यथा...कोल्हापूर : कृषिपंपाचे रात्रीचे १० तास...
नुकसानग्रस्त शेतकऱ्यांना भरीव मदत...जलालखेडा, जि. नागपूर : खरीप हंगाम सन २०२१-२२ ला...
सिंधुदुर्ग जिल्हा बँकेची निवडणूक अखेर...सिंधुदुर्गनगरी ः कोरोनाचा प्रादुर्भाव आणि...
कृषिपंपाचे तोडलेले वीजकनेक्शन पूर्ववतबुलडाणा ः शेतकऱ्यांच्या कृषिपंपाचे तोडलेले...
जळगाव जिल्ह्यातील ४९ हजार शेतकऱ्यांने...जळगाव : जळगाव जिल्ह्यात यावर्षी पंधरा तालुक्यातील...