अमरावती ः स्वस्त धान्य दुकानातून वितरित होणाऱ्या धान्याबाबत नागरिकांच्या वाढत्या तक्रारींची दखल घेत आमदार देवेंद्र भुयार यांनी दुकानांची झाडाझडती घेतली. यावेळी पुन्हा तक्रारी आल्यास व्यावसायिकांवर कारवाईचा इशारा त्यांनी दिला.
केशरी रेशनकार्डधारकांनाही अनुदानावरील धान्याचा पुरवठा रेशन दुकानातून व्हावा, अशी मागणी आमदार श्री. भुयार यांनी मुख्यमंत्री उद्धव ठाकरे यांच्याकडे केली होती. त्याची दखल घेण्यात आली. मात्र, त्यानंतर वरुड, मोर्शी तालुक्यात धान्य वितरणाबाबत सामान्यांच्या तक्रारी वाढीस लागल्या होत्या. काही रेशन दुकानदार धान्य देत नसल्याच्या तक्रारींचाही त्यामध्ये समावेश होता. याची दखल घेत आमदार भुयार यांनी मोर्शी व वरुड तालुक्यातील काही रेशन दुकानांची झाडाझडती घेतली.
यावेळी मिळालेले धान्य, वितरित व शिल्लक धान्य याची पडताळणी करण्यात आली. धान्य वितरणासंदर्भातील अनागोंदीची त्यांनी पुरवठा अधिकाऱ्यांना माहिती दिली. यापुढील काळात रेशन संदर्भाने तक्रारी आल्यास परवाना निलंबन किंवा रद्दची कारवाई करण्याचा इशाराही आमदार भुयार यांनी यावेळी दिला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.