Agriculture news in Marathi No need for 72 hours: Commissioner | Agrowon

७२ तासांची सक्ती नको ः आयुक्त

टीम अॅग्रोवन
गुरुवार, 29 जुलै 2021

विमा कंपन्यांनी कामकाजात तातडीने सुधारणा करावी; अन्यथा कारवाईला सामोरे जावे, असा इशारा राज्याचे कृषी आयुक्त धीरज कुमार दिला आहे. तसेच नुकसानीची सूचना (इंटिमेशन) देण्यासाठी शेतकऱ्यांना ७२ तासांची सक्ती करता येणार नाही, अशी ठाम भूमिका आयुक्तांनी घेतली आहे. 

पुणे ः विमा कंपन्यांनी कामकाजात तातडीने सुधारणा करावी; अन्यथा कारवाईला सामोरे जावे, असा इशारा राज्याचे कृषी आयुक्त धीरज कुमार दिला आहे. तसेच नुकसानीची सूचना (इंटिमेशन) देण्यासाठी शेतकऱ्यांना ७२ तासांची सक्ती करता येणार नाही, अशी ठाम भूमिका आयुक्तांनी घेतली आहे. 

पीकविमा योजनेत विमा कंपन्यांकडून सुरू असलेल्या सावळ्यागोंधळाबाबत  ‘अॅग्रोवन’मधून प्रसिद्ध झालेल्या राज्यस्तरीय स्थितीची गंभीर दखल आयुक्तांनी घेतली. नुकसानीची माहिती वेळेत न मिळाल्याचे कारण सांगून बोळवण केली जात असल्याचे चित्र राज्यभर तयार झालेले आहे. आयुक्तांनी या समस्येवर तोडगा काढला आहे.

काढणीपश्‍चात नुकसान किंवा स्थानिक आपत्ती अंतर्गत पिकाचे नुकसान झाल्यास वीमा कंपनीला कळविण्याची जबाबदारी शेतकऱ्याची असते. त्यासाठी यापूर्वी अवघे ४८ तास देण्यात आले होते. या तासात कळविले नाही तर कंपन्यांकडून भरपाई दिली जात नव्हती. मात्र राज्याच्या अनेक भागात नैसर्गिक आपत्तीच्या कालावधीत सरकारी यंत्रणेला देखील एकमेकांशी संपर्क साधण्यात अपयश येते. तेथे, दुर्गम भागात राहणाऱ्या शेतकरी वर्गाला ४८ तासांचा कालावधी अपुराच ठरत होता. त्यामुळे ही सुविधा ७२ तासांची करण्यात आली होती. मात्र राज्यात गेल्या काही दिवसांपासून पावसाने थैमान मांडले आहे. त्यामुळे ७२ तासांची सवलतदेखील अपूर्ण पडते आहे. 

आयुक्त धीरज कुमार यांनी ‘अॅग्रोवन’ला सांगितले, की राज्याच्या काही भागांत सतत पाऊस, खंडित वीजपुरवठा अशा समस्या उद्‌भवल्या आहे. यामुळे शेतकऱ्यांना त्यांचे भ्रमाणध्वनी चालू करण्यात अडचणी येत आहेत. तसेच इंटरनेट संपर्कातही अडथळे येत आहेत. त्यामुळे अशा स्थितीत शेतकरी आपल्या पीक नुकसानीची सूचना कोणत्याही कृषी कार्यालयात देऊ शकतात. ती ग्राह्य धरली जाईल. तसेच विमा कंपन्यांनादेखील ७२ तासाच्या अटीचा आग्रह धरता येणार नाही.

शेतकऱ्यांच्या मदतीसाठी आता कृषी कर्मचाऱ्यांनी पुढाकार घ्यावा व स्वतः सूचना (इंटिमेशन) संकलित कराव्यात, अशाही सूचना आयुक्तांनी दिल्या आहेत. “सर्व कृषी अधिकाऱ्यांनी शेतकऱ्यांच्या सूचना गोळा करून त्या विमा कंपनीला तातडीने सुपूर्द कराव्यात. जिल्हा अधीक्षक कृषी अधिकाऱ्यांनी स्वतः प्रत्येक तालुका कृषी अधिकाऱ्यांशी समन्वय ठेवून शेतकऱ्यांच्या सूचना संकलित केल्या जात आहे की नाही, याविषयी खात्री करावी,” असे आयुक्तांनी सूचित केले आहे. 

आयुक्तांनी बुधवारी (ता. २८) विमा कंपन्यांची तातडीची बैठकदेखील बोलावली. शासनाच्या नियमानुसार जिल्हास्तरीय कार्यालये व मनुष्यबळाची व्यवस्था केली की नाही तसेच शेतकऱ्यांकडून आलेल्या सूचना आणि त्याप्रमाणे होणारी पाहणी होते आहे की नाही, याचा आढावा आयुक्तांनी घेतला. “कार्यालय नसल्याबद्दल एका विमा कंपनीविरोधात गुन्हा दाखल केला गेला आहे. इतर कंपन्यांनी यातून धडा घेतला नाही तर अशीच कारवाई पुन्हा करावी लागेल”, असा इशाराही आयुक्तांनी दिला.


इतर अॅग्रो विशेष
देशभरात सोयाबीन ५५०० ते ७३००च्या दरम्यानपुणे : सध्या बाजारात येणाऱ्या सोयाबीनपैकी ज्या...
राज्यात पावसाचा जोर वाढणारपुणे : काहीशा विश्रांतीनंतर राज्यात पावसाला...
द्राक्ष बागायतदार संघाचे आजपासून ६१ वे...नाशिक : महाराष्ट्र राज्य द्राक्ष बागायतदार संघाचे...
मूग, सोयाबीन पिकाला कोंब फुटण्याची...पुणे : राज्यात काही दिवसांच्या विश्रांतीनंतर...
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
सामाजिक, मानसिक स्वास्थ्यासाठी...पुणे ः ‘‘बदलत्या परिस्थितीत सामाजिक आणि मानसिक...
द्राक्ष पिकातील कलम वर्षभर यशस्वी...महाराष्ट्रात द्राक्ष, आंबा व अन्य फळपिकांचे कलम...
दोन आठवडे अगोदरच खरीप कांदा बाजारातनाशिक : जिल्ह्यातील चांदवड,देवळा, मालेगाव, येवला...
‘व्हीएसआय’च्या जालना केंद्रासाठी ३० कोटीपुणे ः विदर्भ, मराठवाड्याला मार्गदर्शक ठरणाऱ्या...
पेरणी ते काढणी- जपला यांत्रिकीकरणाचा वसागरज ही शोधाचा जननी असते. त्यातूनच निंभोरा बोडखा (...
जोरदार वारे, मेघगर्जना, विजांसह पावसाचा...पुणे : राज्यात पुढील दोन दिवस जोरदार वारे,...
पुण्यात साकारतेय देशी गाय संशोधन आणि...पुणे ः देशी गायींच्या संवर्धनातून त्यांची...
विमा कंपन्यांना आठ हंगामांत १२ हजार...पुणे ः देशातील खासगी विमा कंपन्यांनी गेल्या आठ...
द्राक्ष हंगामात नियोजन आणि बाजारपेठेचे...अधिक परतावा देणारी पिके म्हणजे जोखीमही मोठी असते...
मागणीमुळे हरभरा दर हमीभावाच्या वर टिकूनपुणे : गेल्या आठवडाभरात हरभऱ्याला चांगली मागणी...
महुद ग्रामस्थांची एकजूट कौतुकास्पद :...सोलापूर ः वसुंधरा आणि पृथ्वीच्या रक्षणासाठी...
उच्चशिक्षित दांपत्याची पोल्‍ट्रीत...वाशीम जिल्हयात मुठ्ठा या छोट्या गावात नीलेश व...
भरीताच्या वांग्यासह केळी अन कांद्याची...नशिराबाद (ता.. जि.. जळगाव) येथील लालचंद व यशवंत...
मध केंद्र योजनेंतर्गत साहित्य  स्वरूपात...नाशिक : महाराष्ट्र राज्य खादी व ग्रामोद्योग...
ठिबक अनुदान वाटपाच्या  प्रक्रियेवर...पुणे : प्रधानमंत्री कृषी सिंचन योजनेतून अनुदान...