साहेब आता नुसता दौरा नको, मदत द्या

No sir just visit, help
No sir just visit, help

नाशिक : ‘‘अतिवृष्टीमुळे नुकसान झाल्याने साहेब आमचे अतोनात नुकसान झाले. सगळा खर्च वाया गेला. आता महिना उलटला तरीदेखील मदत मिळालेली नाही. रब्बी हंगाम तोंडावर असताना आम्ही करायचं काय अन् जगायचं कसं? असा प्रश्न उपस्थित करीत साहेब, केंद्रीय पथकाचा नुसता दौरा नको तर मदत द्या’’ अशी अपेक्षा शेतकऱ्यांनी व्यक्त केली.

नाशिक जिल्ह्यातील नुकसानीची पाहणी करण्यासाठी केंद्रीय पथक शुक्रवारी (ता. २२) उत्तर महाराष्ट्राच्या दौऱ्यावर आले होते. केंद्रीय वित्त मंत्रालयातील खर्च विभागाचे सल्लागार दिना नाथ, शेतकरी कल्याण विभागाचे संचालक डॉ. सुभाष चंद्र पथकाने जिल्हाधिकारी कार्यालयात  बैठक घेतली. त्यानंतर प्रत्यक्ष पीक पाहणी केली. विभागीय आयुक्त राजाराम माने, जिल्हाधिकारी सूरज मांढरे, अप्पर जिल्हाधिकारी सूरज मांढरे, महसूल उपायुक्त रघुनाथ गावडे, जिल्हा कृषी अधीक्षक संजीव पडवळ, निवासी उपजिल्हाधिकारी भागवत डोईफोडे आदीसह कृषी विभागाचे आधिकारी उपस्थित होते.

नुकसानीच्या पाहणीची सुरुवात निफाड तालुक्‍यातील पाचोरे वणी येथून झाली. येथील बाळू वाटपाडे यांच्या मका पिकाची पाहणी, भास्कर वाटपाडे यांचे सोयाबीन पिकाची तर बाजीराव गंगाधर यांच्या द्राक्षाच्या नुकसानीबाबत शेतकऱ्याशी चर्चा केली. त्यानंतर दुसरी पाहणी खडक मालेगांव येथील ज्ञानेश्वर शिंदे यांचे मिरची व द्राक्षे, रंगनाथ शिंदे यांच्या सोयाबीन व मका रंगनाथ पोपट शिंदे यांच्या ज्वारी व बाजरी पिकांची पाहणी केली. दहेगांव येथील अण्णा कनोर व धर्मा कनोर यांच्या कांदा पिकाची, तर चांदवड तालुक्यातील निमोण गावातील मनोज ललवाणी व पंढरीनाथ देवरे यांच्या कांदा पिकाची तर शंकर गांगुर्डे यांच्या द्राक्ष बागांची पाहणी करून पंचनाम्याची तपासणी केली. 

मालेगांव तालुक्‍यातील चौंडी येथील अशोक सरोदे यांचे भुईमूग, लक्ष्मण सरोदे यांच्या कांदा व डाळिंब पिकाची पाहणी तर वऱ्हाणे गावातील रमेश पवार यांचे कांदा पिकाची तर भाऊसाहेब अहिरे यांच्या मका पिकाची पाहणी केली. मात्र हे पथक नुकसान झाल्यानंतर एक महिन्यानंतर आल्याने शेतकऱ्यांनी त्यांनी जाब विचारला.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com