वर्धा जिल्ह्यात पाणंद रस्त्यांच्या २,३१५ कामांना मुहूर्त मिळेना

Vardha district in No work was done on the roads of Panand
Vardha district in No work was done on the roads of Panand

वर्धा ः भाजप सरकारच्या काळात मोठा गाजावाजा करून राज्यभरात पालकमंत्री शेत, पाणंदरस्ते योजना सुरू करण्यात आली होती. त्यासाठी सप्टेंबर २०१९ मध्ये जिल्हा नियोजन समितीत तत्कालीन पालकमंत्री चंद्रशेखर बावनकुळे यांची मंजुरी घेऊन जिल्हा प्रशासनाने निधीसाठीचा प्रस्ताव शासनाकडे पाठविला. परंतु, त्यानंतर लागलेली आचारसंहिता आणि सरकार बदलल्यामुळे जिल्ह्यातील दोन हजार ३१५ पांदणरस्त्यांचा प्रस्ताव शासनदरबारी धूळ खात पडून आहे. परिणामी, पाणंदरस्त्यांच्या कामांना अद्यापही मुहूर्त मिळालेला नाही. 

शेतकऱ्यांना पाणंदरस्त्यावरील अतिक्रमण काढून कच्चे रस्ते तयार करणे, कच्चा पाणंदरस्ता मजबूत करणे, कच्चा व पक्का रस्ता एकत्रित करणे असे या योजनेचे स्वरूप होते. तसेच पाणंदरस्त्यांची मोहीम राबविण्यासाठी विविध शासकीय यंत्रणांमध्ये सुसूत्रता व जबाबदारीची स्पष्टता राहावी, यासाठी गावस्तरीय, तालुकास्तरीय, जिल्हास्तरीय व राज्यस्तरीय समिती गठित करण्यात आली होती. या योजनेअंतर्गत भाग ‘ब’ व ‘क’साठी १४ वा वित्त आयोग, आमदार, खासदार निधी, ग्रामपंचायतीला मिळणारे जनसुविधांचे अनुदान, नागरी सुविधांचे अनुदान, खनिज निधी, महसुली अनुदान, जिल्हा परिषद व पंचायत समितीचा सेस, ग्रामपंचायतीचे स्वतःचे उत्पन्न, पेसाअंतर्गत उपलब्ध होणारा निधी, ठक्करबापा आदिवासी वस्ती, नावीन्यपूर्ण योजना, अन्य योजना, मनरेगाच्या निधीचा स्त्यांसाठी वापर करण्यात येणार होता. 

पाणंदरस्त्यांसाठी जिल्हा समितीने तत्कालीन पालकमंत्री चंद्रशेखर बावनकुळे यांची सप्टेंबर २०१९ ला मंजुरी घेतली होती. त्यानंतर या कामाकरिता जिल्ह्याला ३० कोटी रुपये मिळावेत, यासाठी शासनाकडे प्रस्ताव पाठविण्यात आला होता. परंतु, आचारसंहितेमुळे निधी मिळू शकला नाही. अजूनही त्यासाठी सातत्याने पाठपुरावा सुरू असून, मार्चनंतर निधी उपलब्ध होईल.  - उज्ज्वला तेलमसरे, उपजिल्हाधिकारी (रोहयो)

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com