राज्यात तुरळक पावसाची शक्यता

राज्यात तुरळक पावसाची शक्यता
राज्यात तुरळक पावसाची शक्यता

पुणे : राज्याच्या बहुतांशी भागात पावसाने उघडीप दिली आहे. कोकण, घाटमाथ्यासह तुरळक ठिकाणी हलका ते जोरदार स्वरूपाचा पाऊस पडत आहे. शुक्रवारपर्यंत (ता. ७) कोकणात काही ठिकाणी तर उर्वरित राज्यात तुरळक ठिकाणी हलक्या ते मध्यम पावसाचा अंदाज हवामान विभागाने वर्तविला आहे.  मॉन्सूनचे प्रवाह मंदावल्याने राज्यात पाऊस आसरला आहे. राज्यात ऊन सावल्यांचा खेळ सुरू असून, मधूनच एखादी जोरदार सर येत असल्याने श्रावण सरींचा अनुभव येत आहे. यामुळे राज्याच्या तापमानातही चढ उतार सुरू आहेत, अनेक ठिकाणी पारा सरासरीच्या वर गेला आहे. माॅन्सूनचा आस असलेला कमी दाबाचा पट्टा पंजाबच्या भटिंडापासून बंगालच्या उपसागरापर्यंत सक्रीय आहे. तर बंगालच्या उपसागरात गुरुवारपर्यंत (ता. ६) कमी दाबाचे क्षेत्र तयार होण्याचे संकेत हवामान विभागाने दिले आहेत. सोमवारी (ता. ३) सकाळी साडेआठ वाजेपर्यंतच्या २४ तासांमध्ये पडलेला पाऊस (मिलिमीटरमध्ये, स्त्रोत - हवामान विभाग) : कोकण : माणगाव ७०, खालापूर, माथेरान, पोलादपूर प्रत्येकी ४०, कर्जत महाड, म्हसळा, मुरबाड, पेण, रोहा, शहापूर प्रत्येकी ३०, भिरा, मंडणगड, मुरुड, पनवेल, सुधागड, उरण प्रत्येकी २०.  मध्य महाराष्ट्र : लोणावळा, महाबळेश्‍वर प्रत्येकी ८०, इगतपुरी, पौड, मुळशी प्रत्येकी ४०, वेल्हे ३०, जावळी, वडगाव प्रत्येकी २०, अक्कलकुवा, अकोले, आंबेगाव, घोडेगाव, चंदगड, एरंडोल, हर्सुल, कर्जत, मोहोळ, पेठ, राधानगरी, सुरगाणा प्रत्येकी १०.  मराठवाडा : परळी वैजनाथ, तुळजापूर प्रत्येकी २०, जाफराबाद, किनवट, पुर्णा, सोयगाव, उदगीर प्रत्येकी १०. विदर्भ : गोंदिया ५०, भद्रावती, सावळी प्रत्येकी ३०, मूल २०, भामरागड, बुलडाणा, चामोर्शी, चंद्रपूर, जेवती, कोपर्णा, मेहकर, मुलचेरा, सिंदेवाही प्रत्येकी १०. घाटमाथा : दावडी १००,  डुंगरवाडी ९०, शिरगाव ८०, आंबोणे ६०, वळवण, खोपोली प्रत्येकी ५०, शिरोटा ३०. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com