राज्यात हलक्या पावसाचा अंदाज

पुणे : कमाल तापमानात वाढ होत असतानाच, बुधवारी (ता. २१) सकाळपासूनच राज्याच्या बहुतांशी भागात ढग जमा झाले होते. सकाळपर्यंतच्या २४ तासांमध्ये सोलापूर येथे सर्वाधिक ३४.६ अंश सेल्सिअस तापमानाची नोंद झाली. तसेच विदर्भात अनेक ठिकाणी पावसाच्या सरीही पडल्या. आज (ता. २२) राज्यात हलक्या पावसाचा अंदाज आहे. तर कोकणात काही ठिकाणी मध्यम पावसाची शक्यता हवामान विभागाने वर्तवली आहे. मध्य भारतातील उत्तर प्रदेश आणि बिहार राज्यात हवेचे कमी दाब क्षेत्र सक्रिय आहे. तर मॉन्सूनचा आस असलेल्या कमी दाबाच्या पट्ट्याचा (मॉन्सून ट्रफ) पश्‍चिमेकडील भाग हिमालयाच्या पायथ्याकडे सरकलेल्या स्थितीत आहे. तर मॉन्सून ट्रफचा पूर्व भाग कमी दाब क्षेत्राच्या केंद्रातून जात असल्याने मध्य भारतात पावसाला पोषक हवामान आहे. मध्य प्रदेश आणि उत्तर प्रदेशात जोरदार पावसाचा आहे, तर विदर्भ, मराठवाड्यात काही ठिकाणी हलक्या पावसाची शक्यता आहे.  बुधवारी (ता. २१) सकाळी साडेआठ वाजेपर्यंतच्या २४ तासांत राज्यातील विविध ठिकाणचे कमाल तापमान, कंसात सरासरीच्या तुलनेत वाढ, घट (अंश सेल्सिअसमध्ये) : पुणे ३०.१ (२.४), नगर ३३.२ (३.८), जळगाव ३२.८(१.८), कोल्हापूर २९.५(२.५), महाबळेश्‍वर २१.१ (१.४), मालेगाव ३०.६ (०.४), नाशिक २७.५ (-०.५), सांगली २९.८ (०.९), सातारा २९.६ (३.१), सोलापूर ३४.६ (३.३), अलिबाग ३१.८ (२.२), डहाणू ३२.० (१.८), सांताक्रूझ ३१.८ (२.२), रत्नागिरी ३०.७ (१.९), औरंगाबाद ३१.९ (२.७), परभणी ३३.६ (२.३९), नांदेड ३३.० (१.६), अकोला ३१.९ (१.३), अमरावती ३०.६ (०.४), बुलडाणा २९.२ (१.९), ब्रह्मपुरी ३४.० (३.७), चंद्रपूर ३०.४ (-०.७), गोंदिया ३१.० (०.५), नागपूर ३२.५ (२.०), वर्धा ३२.० (१.८), यवतमाळ ३०.५ (१.३).  बुधवारी (ता. २१) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलिमीटरमध्ये (स्रोत - हवामान विभाग) : कोकण : पोलादपूर २०, वैभववाडी, लांजा, मुलदे, गुहागर, दोडमार्ग, कणकवली, तळा प्रत्येकी १०.  मध्य महाराष्ट्र : महाबळेश्‍वर, गिरणा धरण, जामखेड, चाळीसगाव, नगर प्रत्येकी १० मराठवाडा : वाशी ३०, लातूर, पाटोदा, मुखेड, जिंतूर प्रत्येकी १०. विदर्भ : गडचिरोली ५०, गोंदिया, एटापल्ली प्रत्येकी ४०, मूल, तिरोडा प्रत्येकी ३०, सडक अर्जनी, साकोली, आहेरी, कोपर्णा, धानोरा, भामरागड, आमगाव, चामोर्शी, देवरी, देऊळगाव राजा, सिरोंचा, गोरेगाव प्रत्येकी २०, कुरखेडा, अरमोरी, सालकेसा, सिंदेवाही, झारीझामणी, बल्लारपूर, ब्रह्मपुरी, कामठी, जोईती, कोर्ची, राळेगाव, अर्जुनी मोरगाव प्रत्येकी १०.