दुधासाठीचा हमीभाव आम्हाला लागू नाही; खासगी डेअरीचालकांचा दावा

पुणे : राज्यातील जादा दूध खरेदी अनुदान योजना फक्त सहकारी संघांना लागू आहे. त्यामुळे सरकारने जाहीर केलेला प्रतिलीटर २५ रुपयांचा हमीभाव देण्याचे बंधन आम्हांला लागू नाही, अशी भूमिका काही खासगी डेअरीचालकांनी घेतली आहे.
दुधासाठीचा हमीभाव आम्हाला लागू नाही; खासगी डेअरीचालकांचा दावा
दुधासाठीचा हमीभाव आम्हाला लागू नाही; खासगी डेअरीचालकांचा दावा

पुणे : राज्यातील जादा दूध खरेदी अनुदान योजना फक्त सहकारी संघांना लागू आहे. त्यामुळे सरकारने जाहीर केलेला प्रतिलीटर २५ रुपयांचा हमीभाव देण्याचे बंधन आम्हांला लागू नाही, अशी भूमिका काही खासगी डेअरीचालकांनी घेतली आहे.  ‘कोरोना’च्या पार्श्वभूमीवर संचारबंदीमुळे राज्यात दुधाची खरेदी घटली आहे. दुधाला ग्राहक नाहीत. त्यामुळे शेतकऱ्यांना खरेदी भाव कमी दिला जात आहे. त्यामुळे रोज दहा लाख लीटर दूध महानंदमार्फत खरेदी करण्याची योजना राज्य शासनाने जाहीर केली आहे. मात्र, योजनेत केवळ सहकारी दूध संघांचेच दूध घेतले जाणार आहेत. त्यामुळे सहकारी संघांचे जाळे नसलेल्या भागातील दूध उत्पादक शेतकरी अनुदान योजनेपासून वंचित राहणार आहेत.  ‘‘राज्याच्या दुग्ध व्यवसायाचे चित्र विचारात न घेता शासनाने अनुदान योजना सुरू केली आहे. मुळात ८० टक्के दूध हे खासगी प्रकल्पांकडून जमा केले जाते. केवळ २० टक्के संकलन सहकारी संघांकडून केले जात असताना खासगी प्रकल्पांना अनुदानापासून वंचित ठेवण्याची खेळी कोणी खेळली,’’ असा सवाल महाराष्ट्र राज्य दूध उत्पादक व प्रक्रिया व्यावसायिक कल्याणकारी संघाने केला आहे. २५० पैकी १७३ डेअरी प्रकल्प या संघाच्या गोटात आहेत. शासनाने अनुदान योजना तयार करताना कल्याणकारी संघाला विश्वासात घेतले नाही, असे काही सभासदांचे म्हणणे आहे.  ‘कोरोना’च्या पार्श्वभूमीवर संचारबंदीमुळे दुधाला मागणी घटली. त्यामुळे खासगी डेअरीचालकांनी शेतकऱ्यांचे दूध खरेदी दर ३२ वरून थेट १८ ते २० रुपये प्रतिलीटरवर आणले आहेत.  ‘शिखर समितीला दूर का ठेवले’ शासनाने काही दिवसांपूर्वीच एक शिखर समिती स्थापन केली. या समितीत सहकाराबरोबरच खासगी डेअरी उद्योजकांचा समावेश आहे. मग या समितीला दूर का ठेवले गेले हा प्रश्नच आहे. या समितीत कुतवळ फुडस् कंपनीचे (ऊर्जा दूध) अध्यक्ष प्रकाश कुतवळ, इंदापूरच्या सोनाई दूध उद्योग समुहाचे अध्यक्ष दशरथ माने, चितळे डेअरी समुहाचे अध्यक्ष श्रीपादराव चितळे, पराग (गोवर्धन) मिल्क उद्योगाचे अध्यक्ष प्रीतम शहा अशा खासगी दूध उद्योजकांचा समावेश होता. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com