agriculture news in marathi, not permission for Expansion time of KEM project, Maharashtra | Agrowon

‘केम’ प्रकल्पाच्या मुदतवाढीला सरकारची ना!
टीम अॅग्रोवन
शुक्रवार, 31 ऑगस्ट 2018

चार एकरांसाठी ठिबक बसविण्याकरिता मला अनुदान मिळाले आहे. गावातील इतरही काही शेतकऱ्यांना ठिबक संचाकरिता, तर काहींना पाइपसाठीदेखील अनुदान मिळाले. मला २२ हजार रुपयांचा ठिबक संच घेण्याकरिता १४ हजार रुपयांचा भरणा करावा लागला. उर्वरित अनुदान स्वरूपात मिळाले. प्रकल्पात गावाची निवड पूर्वीच करण्यात आली होती. त्याच गावातील शेतकऱ्यांना लाभ दिला गेला.
- मुरलीधर केवटी, शेतकरी, चिंचोली बु., ता. अंजनगावसुर्जी, अमरावती.

नागपूर : आत्महत्याग्रस्त सहा जिल्ह्यांतील शेतकऱ्यांच्या जीवनात समृद्धी आणण्याच्या उद्देशाने जागतिक कृषी विकास निधीतून (इफाड) राबविण्यात आलेल्या समन्वयित कृषी विकास प्रकल्पा (केम)ला मुदतवाढीस सरकारने नकार दिला आहे. प्रकल्पाच्या अंमलबजावणीत झालेल्या अनागोंदी आणि आरोपांमुळे सरकारने हा निर्णय घेतल्याची चर्चा आहे. 

आत्महत्याग्रस्त अकोला, वाशीम, बुलडाणा, यवतमाळ, अमरावती; तसेच वर्धा या जिल्ह्यांमध्ये शेतीपूरक व्यवसायाला प्रोत्साहन मिळावे, या उद्देशाने केमची अंमलबजावणी करण्यात आली होती. तत्कालीन कृषी सचिव सुधीरकुमार गोयल यांनी त्यासाठी पुढाकार घेतला. 

‘इफाड’कडून तब्बल ८०० कोटी रुपयांचा निधी या महत्त्वाकांक्षी प्रकल्पासाठी मंजूर करण्यात आला. प्रकल्पाच्या अंमलबजावणीत वरिष्ठ पातळीवरील अधिकाऱ्यांकडून मंजुरीसाठी वेळकाढूपणा अडसर ठरू नये, याकरिता योजनांची अंमलबजावणी आणि कार्यान्वयनाचे अधिकारी प्रकल्पाच्या संचालकांना देण्यात आले आणि इथेच घात झाला, प्रकल्पाचे संचालकांकडून मनमर्जी पद्धतीने योजना राबविण्यात आल्या आणि मर्जीतील चारदोन लोकांनाच त्या योजनांचा लाभ देण्यात आल्याचा आरोप आहे. त्यामुळे या प्रकल्पातून अपेक्षित उद्देश साधता आला नाही. 

अनागोंदी चव्हाट्यावर
आमदार वीरेंद्र जगताप यांनी हा गैरप्रकार चव्हाट्यावर आणल्यानंतर त्यांच्या अध्यक्षतेत चौकशी समिती नेमण्यात आली. त्यासोबतच शासन पातळीवरूनदेखील प्रकल्पाची चौकशी झाली. या चौकशीमधूनदेखील तत्कालीन संचालकांची अनागोंदी चव्हाट्यावर आली असली तरी अद्याप कोणावरही कारवाई झाली नाही.

डिसेंबरमध्ये मुदत संपणार
२००८-०९ पासून अंमलबजावणी झालेल्या या प्रकल्पाची मुदत २०१७ मध्ये संपणार होती. संचालकांच्या आग्रहाखातर त्याला एक वर्षाची मुदतवाढ देण्यात आली. त्यानुसार आता डिसेंबर २०१८ मध्ये प्रकल्पाची मुदत संपणार आहे. पावसाळी अधिवेशन काळात पुन्हा प्रकल्पाला मुदतवाढीची मागणी होती. त्याला सरकारने नकारात्मकता दर्शविल्याचे सूत्रांनी सांगितले. सहा जिल्ह्यांतील १६०६ गावे २ लाख ८९ हजार लाभार्थी प्रकल्पाचे उद्दिष्ट होते.

प्रतिक्रिया
केम प्रकल्पात आमच्या गावाचा समावेश होता. त्यानुसार अशासकीय संस्थेकडून दुग्धपालन, हळद लागवड; तसेच शेळीपालनाकरिता अनुदान दिले जात असल्याचे सांगण्यात आले. त्यानुसार आमच्या दुग्ध उत्पादक गटाला प्रत्येकी एक म्हैस खरेदीसाठी ३० टक्‍के अनुदान मिळाले. गटातील पाच सदस्यांनी प्रत्येकी दोन म्हशीची खरेदी केली आहे. त्यातून शेतीपूरक दुग्धोत्पादनाला चालना मिळाल्याने आर्थिक उत्कर्ष साधता आला आहे.
- निळकंठ शिवराम नानोटे, शेतकरी, निंभारा, ता. बार्शीटाकळी, अकोला.

या प्रकरणात अनागोंदी संदर्भाने अनेक तक्रारी होत्या. त्या संदर्भाने चौकशी होऊन अहवाल शासनाला सादर करण्यात आला आहे. शासनस्तरावर आता पुढील कारवाई होईल. 
- विजय कुमार, अवर मुख्य सचिव (कृषी)

इतर अॅग्रो विशेष
रत्नागिरी : गतवर्षीच्या तुलनेत भात...रत्नागिरी ः अतिवृष्टीमुळे कोकणातील शेतकरी चांगलाच...
दक्षिण आफ्रिकेतील 'मालावी हापूस'...पुणे  ः दक्षिण आफ्रिकेतील मालावी प्रांतात...
सांगली जिल्ह्यात द्राक्षबागांना आता...सांगली ः गेल्या पंधरा ते वीस दिवसांपूर्वी...
राज्यात रब्बीसाठी सव्वासहा हजार शेतीशाळापुणे : रब्बी हंगामात राज्यात सव्वासहा...
केंद्र सरकारकडून एक लाख टन कांदा...पुणे: मॉन्सूनचा वाढलेला मुक्काम, अतिवृष्टी,...
बाजार समित्या बरखास्त करणार : केंद्रीय...नवी दिल्ली : बाजार समित्यांची कार्यपद्धती आणि...
राज्य झाले टॅंकरमुक्त; केवळ बुलडाण्यात...पुणे: मॉन्सून आणि मॉन्सूनोत्तर काळात राज्यात...
केसर आंब्याचे उत्पादन ४५ टक्के घटणार;...औरंगाबाद : गंध आणि चवीसाठी केसर आंब्याची आपली...
किमान तापमानात चढ-उतारपुणे: मॉन्सूनोत्तर पावसाने उघडीप दिल्यानंतर...
अवर्षणग्रस्त माळरानावर फुलवली प्रगतशील...नगर जिल्ह्यात कायम अवर्षणग्रस्त कर्जत तालुक्यातील...
साठ देशी गायींच्या संवर्धनाचा आदर्शपुणे जिल्ह्यातील मंचर येथील सोनेचांदीचे पारंपरिक...
साखर निर्यातीला डिसेंबरपर्यंत मुदतवाढकोल्हापूर : पावसाळी स्थितीमुळे निर्यात न होऊ...
काजू उत्पादन ३० टक्क्यांनी घटणारसिंधुदुर्ग : जुलै, ऑगस्टमध्ये झालेली अतिवृष्टी,...
द्राक्ष बागांचे पंचनामे करताना दिशाभूलनाशिक  : द्राक्ष बागांचे पंचनामा केल्यास...
कृषी कौशल्य प्रशिक्षणांद्वारे उभी...केंद्र शासनाची प्रधानमंत्री कौशल्य विकास योजना २....
गारठा वाढला; नगर येथे नीचांकी तापमानपुणे  : उत्तरेकडून येणारे थंड वारे,...
पावसाने द्राक्ष शेतीचे ९ हजार कोटींवर...पुणे : सततच्या पावसामुळे सर्व अवस्थांमधील द्राक्ष...
दक्षिण महाराष्ट्रातील कारखान्यांना...कोल्हापूर: कर्नाटकने झोनबंदी केल्याने सीमाभागातून...
पीक नुकसानीचा अंतिम अहवाल लांबण्याची...पुणे : राज्यात अतिपावसामुळे झालेल्या पिकांच्या...
शासकीय खरेदीसाठी उडीद, सोयाबीनची...परभणी: किंमत समर्थन मूल्य योजनेअंतर्गत...